Renault Trucks-მა ახალი ელექტრო სატვირთო მანქანების წარმოება დაიწყო, რომლებიც წინასწარი შეკვეთისთვის ევროპაში უკვე ხელმისაწვდომია. ამის შესახებ Renault Trucks-ის პრესსამსახური იტყობინება.
E-Tech T და C მოდელები Renault Trucks-ის Bourg-en-Bresse-ის ქარხანაში 2023 წლიდან იწარმოება. ახალი სატვირთო მანქანები წინამორბედებისგან იმით განსხვავდება, რომ ისინი მთლიანად ელექტროსისტემითაა აღჭურვილი, რაც საგზაო სატვირთო ტრანსპორტის დეკარბონიზაციის ამოცანის გადასაჭრელად მნიშვნელოვანი ნაბიჯია, ნათქვამია კომპანიის განცხადებაში.
სატვირთო მანქანა რეგიონული დისტრიბუციისა და სამშენებლო ოპერაციებისთვისაა შექმნილი. Renault Trucks-ის დიზაინერები, იდეალური საერთო კონფიგურაციის შენარჩუნებით, მანქანის წინა მხარეს ცვლიან. უსაფრთხოების გასაუმჯობესებლად, მანქანის წინა ნაწილი 115 მმ-ით წინაა გადაწეული, ხოლო რადარები გვერდებზე აქვს განლაგებული.
Renault Trucks-ის E-Tech T და C მოდელები წინასწარი შეკვეთისთვის უკვე ხელმისაწვდომია. გადამზიდველებს, ვისაც ახალი ელექტრო სატვირთო მანქანის შეძენა სურთ, პირველი მანქანების დაჯავშნა უკვე შეუძლიათ.
მოამზადა მაკა ბიბილაშვილმა