“რეიტინგში ჩამოქვეითება არის მთავრობის არამიმდევრული პოლიტიკის შედეგი“ -  ლევან კობერიძე გლობალური კონკურენტუნარიანობის ინდექსის შედეგებს აფასებს

“რეიტინგში ჩამოქვეითება არის მთავრობის არამიმდევრული პოლიტიკის შედეგი“ - ლევან კობერიძე გლობალური კონკურენტუნარიანობის ინდექსის შედეგებს აფასებს

access_time2019-10-10 17:30:49

„სამწუხაროა, რომ ქვეყანამ 8 პუნქტით დაიწია უკან და გადაინაცვლა 74-ე ადგილზე. ძალიან მნიშვნელოვანია გავიაზროთ ის ფაქტი, რომ თუკი რაიმე რეიტინგებზე ვსაუბრობთ ქვეყანასთან მიმართებაში, კონკურეტუნარიანობის ინდექსი არის ერთ-ერთი ყველაზე მთავარი პარამეტრი. ჩემი აზრით, რეიტინგში ჩამოქვეითება არის მთავრობის არამიმდევრული პოლიტიკის შედეგი და ეს უბრალოდ შესაბამის მონაცემებს იძლევა. 2020 წლის ბიუჯეტსაც ეტყობა, რომ ორიენტირებულია არა ეკონომიკურ წინსვლასა და გარღვევებზე, არამედ საარჩევნო დღის რეჟიმზე. ეს ყველაფერი კი საბოლოო ჯამში ჩვენს რეიტინგზე აისახება,“ - ასე შეაფასა პარლამენტის დამოუკიდებელმა დეპუტატმა ლევან კობერიძემ 2019 წლის გლობალური კონკურენტუნარიანობის ინდექსში საქართველოს 8 ადგილით ჩამოქვეითდა - 141 ქვეყანას შორის ჩვენი ქვეყანა 74-ე ადგილზეა.


მსოფლიო ეკონომიკური ფორუმის მონაცემებით,  ქვეყნის მიერ მიღებული ქულა მიმიდნარე წელს 60.6-ია, წინა რეიტინგში ის 61 იყო. ქვეყანამ ოთხი ძირითადი კრიტერიუმიდან ორში არსებული პოზიცია გაიუარესა. ინდექსის მიხედვით, საქართველოს ყველაზე რთული მდგომარეობა ინოვაციებისა და ბაზრის ზომის მიმართულებით აქვს. ინოვაციების კუთხით საქართველო 91-ე, ბაზრის ზომის მიხედვით კი 104-ე ადგილზეა.


როგორც ლევან კობერიძე აღნიშნავს, ხელისუფლება შეეცადე გლობალური კონკურენტუნარიანობის ინდექსში ქვეყნის რეიტინგის ვარდნა კორუფციასთან ბრძოლის მონაცემების გაუმჯობესებით გადაეფარა.



„ხელისუფლებამ კონკურენტუნარიანობის ინდექსის 8 პუნქტიან ვარდნას დაუპირისპირა მესიჯი, რომ კორუფციასთან ბრძოლის რეიტინგში ქვეყნის მდგომარეობა გაუმჯობესდა. თუმცა, მეორე პირველს ნამდვილად ვერ გადაწონის. რა შედეგებზე უნდა ვისაუბროთ, მაშინ როდესაც დღგ-ს ნაწილში ქვეყანაში 100 მილიონიანი ყალბი აქტივია შექმნილი, ამის ფონზე კი ერთი საჯარო მოხელეც არ არის დაკავებული. ასევე ქვეყნის კონკურენტუნარიანობის ინდექსზე ნეგატიურად მოქმედებს სააკაშვილ-ადეიშვილის სასამართლოს გადმობარება „ქართული ოცნების“ მიერ, ეს სწორედ მართლმსაჯულების სისტემის მიმართ უნდობლობა და ნეგატიური დამოკიდებულება არის ერთ-ერთი მთავარი პარამეტრი ქვეყნის კონკურენტუნარიანობის ინდექსში რეიტინგის მინიჭების დროს“, - განმარტა პარლამენტის წევრმა ლევან კობერიძემ.



რეიტინგი შედგენილია 12 ძირითადი ინდიკატორის შეფასების საფუძველზე. აქედან საქართველოს მდგომარეობა გაუმჯობესებულია ექვს კომპონენტში, კერძოდ ინფრასტრუქტურის (73-ე ადგილი), უნარების (46-ე ადგილი), ფინანსური სისტემის (91-ე ადგილი), ბაზრის მოცულობის (104-ე ადგილი), ბიზნესის დინამიურობის (58-ე ადგილი) და ინოვაციური შესაძლებლობების (91-ე ადგილი) კუთხით. გაურესება ფიქსირდება ინსტიტუტების (43-ე ადგილი), საინფორმაციო-საკომუნიკაციო ტექნოლოგიების მიღების (55-ე ადგილი), მაკროეკონომიკური სტაბილურობის (84-ე ადგილი), ჯანდაცვის (87-ე ადგილი), პროდუქტების ბაზრისა (48-ე ადგილი) და შრომითი ბაზრის (37-ე ადგილი) კუთხით.


ნინო თამაზაშვილი





„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up