„ საბანკო რეგულაციების ერთ-ერთი მინუსი იყო ის, რომ ძირითადად საშუალო ფენა მოიცვა, ამიტომ თუ შერბილდება, ყველასთვის უნდა შერბილდეს“

„ საბანკო რეგულაციების ერთ-ერთი მინუსი იყო ის, რომ ძირითადად საშუალო ფენა მოიცვა, ამიტომ თუ შერბილდება, ყველასთვის უნდა შერბილდეს“

access_time2019-04-18 10:30:42

ახალი საბანკო რეგულაციები ყველაზე მეტად სწრაფ სესხებს და განვადებებს შეეხო. იპოთეკურ სესხებში კი - ახალაშენებულ ბინებს. 2 თვის მონაცემებზე დაყრდნობით, ბოლო 4 წელში, სამშენებლო სექტორი პირველად შემცირდა და გაყიდვების შემცირებამ 35%-ს მიაღწია.


მიუხედავად იმისა, რომ ახალმა რეგულაციებმა სხვადასხვა სექტორის ეკონომიკური ზრდა შეაფერხა, ეკონომიკისა და მდგრადი განვითარების მინისტრი ფიქრობს, რომ რეგულაციების ძირითადი მიმართულება არ უნდა შეიცვალოს. გიორგი ქობულიას თქმით, ქვეყანაში ამოქმედებული ახალი საბანკო რეგულაციები მოსახლეობის, განსაკუთრებით კი დაბალშემოსავლიანი ფენის დაცვას ემსახურება გაუაზრებელი კრედიტისგან. მინისტრი იმასაც ამბობს, რომ უწყება ამ დრომდე აქტიურ კონსულტაციებს გადის საჯარო და საბანკო სექტორებთან. შესაბამისად, არ გამორიცხავს, რომ საბანკო რეგულაციებში მცირე კორექტირებები შევიდეს, თუმცა, მისივე თქმით, შესაძლებელია ეს უფრო მაღალშემოსავლიან პირებზე გავრცელდეს.


„მაგალითად, იგივე PTI კოეფიციენტები. შესაძლებელია, უფრო მაღალი შემოსავლის პირებზე, კიდევ უფრო შევარბილოთ დღეს უკვე რბილი კოეფიციენტი, ან მაგალითად, უცხოელებზე თუ გვაქვს დაწესებული 40% აუცილებელი შენატანი, ეს დავწიოთ, – განაცხადა Forbes-ს კვირასთან ეკონომიკის მინისტრმა.


როგორ აფასებენ საბანკო რეგულაციების ამოქმედებიდან მეოთხე თვეს სპეციალისტები, რა მოლოდინები არსებობს რეგულაციების შერბილების თვალსაზრისით და მოსახლეობის რა კატეგორიაზე (შემოსავლიდან გამომდინარე) გავრცელდება ისინი?


საქართველოს ბანკების ასოციაციის პრეზიდენტი ალექსანდრე ძნელაძე აცხადებს, რომ ეროვნულ ბანკს მარტის თვის მონაცემები ჯერ არ გამოუქვეყნებია. შესაბამისად, პირველი კვარტლის ანალიზის გარეშე რეგულაციების შერბილებაზე საუბარი ნაადრევია. მისი განმარტებით, მნიშვნელოვანია აღინიშნოს ისიც, რომ სრულ სურათს, თუ რა შედეგები დადო რეგულაციების ამოქმედებამ და რა გავლენა მოახდინა, 9 თვის შემდეგ (3 კვარტალი) ვნახავთ.


როგორც ძნელაძე განმარტავს, დღეს რეგულაციები სრულფასოვნად არ მუშაობს, რადგან სისტემურმა მოთამაშეებმა შეიძლება უფრო მეტად გაამკაცრეს დაკრედიტება, გარკვეულ პროდუქტებს შეიძლება არც გასცემენ იმ მიზეზის გამო, რომ გარკვეული საკითხების დაზუსტებას ახდენენ. შესაბამისად, 3 თვე ან თუნდაც 6 თვე სრული ანალიზისთვის ძალიან ცოტაა.


კითხვაზე, შეიძლება თუ არა იმის ვარაუდი, რომ რეგულაციების შერბილება 9 თვის განმავლობაში, ანუ სექტემბერ-ოქტომბრამდე არ მოხდეს, ძნელაძე განმარტავს, რომ ჯერჯერობით რაიმე კონკრეტულზე საუბარი ნაადრევია.


რაც შეეხება კომერციულ ბანკების წინასწარ პროგნოზს და მოლოდინებს, იმასთან დაკავშირებით თუ რამდენი პროცენტით შეუმცირდებათ შემოსავალი, მოგება ან გაცემული სესხების რაოდენობა, ძნელაძე ამაზეც აცხადებს, რომ მოგებაზე და შემოსავალზე ეს პირდაპირპროპორციულად არ აისახება.



ამის თქმის საფუძველს მაძლევს ის, რომ დაიწყება გარკვეული ოპტიმიზაციები, მათ შორის სარგებლის ოპტიმიზაცია. მოგებაზე ეს მომავალ წელს იმოქმედებს. 2019 წელს საკრედიტო პორტფელი თუ არ გაიზარდა, ეს შედეგს 2020 წელს გამოიღებს. წელს შარშანდელი წლის ზრდის ტემპი იქნება და შეიძლება კიდევ უფრო მეტი მოგება დაფიქსირდეს,“-აღნიშნავს ძნელაძე.


კითხვაზე სამშენებლო სექტორზე და ტექნიკის ბაზარზე რეგულაციების გავლენა უკვე იგრძნობა, კიდევ რამდენიმე თვიანი ციფრებზე დაკვირვება ხომ არ დაგვაყენებს კატასტროფის წინაშე - ძნელაძე განმარტავს, რომ ეს მოლოდინი რეგულაციების ამოქმედებამდეც იყო.


„სამი თვის განმავლობაში რომ სამშენებლო კომპანიამ საერთოდ ვერ გაყიდოს ბინა, ეს არ არის პირდაპირპროპორციულად იმის წინაპირობა, რომ რეგულაციები სასწრაფოდ შერბილდეს. არ მინდა ისეთი კომენტარი გავაკეთო, რომლის კონტრარგუმენტმა გააბათილოს ეს პოსტულატი. რეგულაციებმა ნამდვილად შეამცირა გარკვეული უძრავი ქონების რეალიზაცია, მაგრამ იმის თქმა, რომ ეს კოლაფსს გამოიწვევს, არ შეიძლება, ამის საფუძველი არ არსებობს,“-აცხადებს ძნელაძე.


კითხვაზე - იზიარებს თუ არა ბანკების ასოციაცია ეკონომიკის მინისტრის, გიორგი ქობულიას განცხადებას იმ ნაწილში, რომ რეგულაციების შესაძლო შერბილება მხოლოდ მაღალშემოსავლიან კონტიგენტს შეეხოს, ძნელაძე ამაზე კონკრეტულ პასუხს არ გვცემს და განმარტავს, რეგულაციების გადახედვა არის მზაობის გამოხატვა მთავრობისგან და ეროვნული ბანკისგან. შესაბამისად, ეს უწყებები თუ დაინახავენ საფრთხეს, რეგულაციებს აუცილებლად გადახედავენ.


როგორც ძნელაძე განმარტავს, მსგავსი რეგულაციები, რომლებიც სხვადასხვა ქვეყნებში ინერგებოდა, წლიდან წლამდე მუდმივად განიცდიდა ცვლილებებს. იმ მიზეზებზე და მოლოდინებზე კორექტირება ხდებოდა, რა მიზანსაც ემსახურებოდა ეს რეგულაცია და რა მოლოდინებიც იქმნებოდა რეგულაციის შედეგად.


კომერსანტის“ კითხვაზე, რამდენად გამართლებულია რეგულაციების შესაძლო შერბილება მხოლოდ მაღალშემოსავლიან კატეგორიაზე მოხდეს, მით უმეტეს იმ პირობებში, როდესაც ასეთი ფენა ქვეყანაში უმცირესობაშია, ძნელაძე განმარტავს, რომ ქვეყანაში მაღალშემოსავლიანი ფენა მხოლოდ 40 000-ია და ეს ძალიან მცირეა. მიუხედავად ამისა, ბანკების ასოციაციის პრეზიდენტი აცხადებს, რომ მას ამ ეტაპზე არ აქვს იმის საშუალება განაცხადოს, რომ აღნიშნული რეგულაციის კონკრეტული კოსმეტიკური ცვლილება რადიკალურად შეცვლის ან არ შეცვლის მდგომარეობას.


„არ მინდა კონკრეტულად ვთქვა, რომ თუ მარტო მაღალშემოსავლიანებზე შერბილდება რეგულაცია, ეს მკვეთრად გამოასწორებს ან არ გამოასწორებს მდგომარეობას. ასეთი რეგულაციის ერთდროულად, ყველა მიმართულებით ერთ დღეს შერბილება გადაჭარბებული ზომაა. აქედან გამომდინარე, არ მინდა კონკრეტულ საკითხთან დაკავშირებით კონკრეტულ დეტალზე კონკრეტული პასუხი გითხრათ. ამან შეიძლება იმდენად დეტალურ განხილვებში გადაგვიყვანოს, რომ დიდი დრო დაგვჭირდეს“-აცხადებს ძნელაძე.


არასამთავრობო ორგანიზაცია „საზოგადოება და ბანკების“ გამგეობის თავმჯდომარე გიორგი კეპულაძე განმარტავს, რომ საბანკო რეგულაციების ერთ-ერთი მინუსი იყო ის, რომ რეგულაციამ ძირითადად საშუალო ფენა მოიცვა. „ანუ ის კატეგორია, ვინც თვიდან თვემდე შრომობს. ზოგს რეგისტრირებული ხელფასი აქვს, ზოგს არ აქვს ბანკში, მაგრამ ისე აქვს, თვითდასაქმებულია. აი ამ ფენას შეეხო და მათთვის არის ყველაზე მტკივნეული იმიტომ, რომ მდიდარი ადამიანები სესხის გარეშე ახერხებდნენ ტელევიზორის ყიდვას და განვადება არ სჭირდებოდათ. შესაბამისად, ეს რეგულაციები თუ შერბილდება, ყველასთვის უნდა შერბილდეს“-აცხადებს კეპულაძე.


მისივე ინფორმაციით, მთლიანი ეფექტის შესაფასებლად ძალიან ცოტა დროა გასული. თუმცა,რეგულაციებმა უკვე წარმოშვა პრობლემები, რომელიც ხელისგულზე ჩანს და მისი დანახვა მარტივია.


„შესაბამისად, სჯობს ახლა მივიღოთ ზომები, რადგან დარწმუნებული ვარ, 6 თვის შემდეგ იქნება თუ  9 თვის შემდეგ რიცხვებში დადასტურდება ის, რასაც ძალიან ბევრი არასამთავრობო ორგანიზაცია და კომერციული ბანკები აცხადებდნენ. მინისტრებიც კი ამბობენ, რომ რეგულაციები ზედმეტად მკაცრია,“-აცხადებს კეპულაძე.


2019 წლის პირველი იანვრიდან საქართველოს ეროვნული ბანკის პრეზიდენტის მიერ ფიზიკურ პირებზე სესხების გაცემის ახალი რეგულაციები ამოქმედდა. კერძოდ, ბანკებს დაუწესდათ შეზღუდვა სესხის გაცემის პოლიტიკასთან დაკავშირებით – მათ უწევთ უფრო მკაცრად შეაფასონ მომხმარებლის (სესხის მსურველის) გადახდისუნარიანობა და სესხების გაცემის პოლიტიკა.


რეგულაციების თანახმად: იპოთეკაზე დაწესდა მაქსიმუმ 15-წლიანი ლიმიტი, უძრავი ქონებით უზრუნველყოფილი სამომხმარებლო სესხი მაქსიმუმ 10-წლიანია, ავტოსესხი მაქსიმუმ 6-წლიანი, ნებისმიერი ტიპის სესხის ხანგრძლივობა 4 წელს არ უნდა აჭარბებდეს.


სოფო ქსოვრელი 






მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“

მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“
access_time2019-08-20 20:34:59
თიბისი ბანკის დამფუძნებელი მამუკა ხაზარაძე სოციალურ ქსელში პოსტს აქვეყნებს, რომელსაც „კომერსანტი“  უცვლელად გთავაზობთ: „დღეს პროკურატურის მოთხოვნით და სასამართლოს განჩინებით მოხდა ჩემი და ბადრი ჯაფარიძის ყველა საბანკო ანგარიშის დაყადაღება. ეს ქმედება ემსახურება მხოლოდ ერთ მიზანს, რომ მოხდეს ჩვენს მიერ დაანონსებული საზოგადოებრივი მოძრაობის და ყველა მიმდინარე დასაფინანსებელი საქველმოქმედო და ბიზნეს...

“ესტონეთი არის ყველაზე მდიდარი პოსტსაბჭოთა ქვეყანა“ - რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი

“ესტონეთი არის ყველაზე მდიდარი პოსტსაბჭოთა ქვეყანა“  -  რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი
access_time2019-08-20 19:30:07
1991 წლის 20 აგვისტოს, საღამოს 11 საათზე ესტონეთმა საბჭოთა კავშირისგან დამოუკიდებლობის აღდგენა გამოაცხადა — რა შეიცვალა 28 წლის შემდეგ —  ეროვნული ბანკის ყოფილი პრეზიდენტის გიორგი ქადაგიძის facebook  პოსტს უცვლელად გთავაზობთ: ესტონეთი არის ყველაზე მდიდარი პოსტსაბჭოთა ქვეყანა (საქართველოზე 3-ჯერ მდიდარი). 2. ესტონეთი არის...

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს
access_time2019-08-20 20:00:21
მოგესალმებით. დღეს მინდა ვისაუბრო კომპანიაზე, რომლის აქციებიც შევიძინეთ 2017 წლის 21 ნოემბერს. აქციების შეძენა მოხდა $38 დოლარად. ამ დროისთვის კომპანიის აქციის ფასია $131 დოლარი. რაც ინვესტირებული თანხის 240%-იან ზრდას შეადგენს. მე JDinvestment-ის პორტფელში ამ დროსითვის რამოდენიმე კომპანიის აქცია მაქვს მფლობელობაში. მათ შორის არის კომპანია...

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო
access_time2019-08-20 18:30:57
კომპანია China Railway 23rd Bureau Group Co, რომელსაც მსოფლიო ბანკმა ტენდერებში მონაწილეობა დროებით აუკრძალა, საქართველოში სხვადასხვა პროექტთან ერთად, ქვეშეთი-კობის საავტომობილო გზის 13 კმ-იან მონაკვეთს ააშენებს. გამარჯვებული კომპანია სწორედ ტენდერის შედეგად გამოვლინდა, თუმცა, როგორც საავტომობილო გზების დეპარტამენტის თავმჯდომარე აცხადებს, ეს იქამდე მოხდა, ვიდრე მას ტენდერებში მონაწილეობა აეკრძალებოდა. ცნობისათვის, მსოფლიო ბანკმა საქართველოს მთავრობის ერთ-ერთ უმსხვილეს...

სილქროუდ ჯგუფის განცხადება „ბათუმი რივიერასთან“ დაკავშირებით: ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად

სილქროუდ ჯგუფის განცხადება „ბათუმი რივიერასთან“ დაკავშირებით:  ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად
access_time2019-08-20 16:30:56
  პროექტ „ბათუმი რივიერასთან“ დაკავშირებით სილქროუდ ჯგუფი ავრცელებს საჯარო განცხადებას. “კომერსანტი გთავაზობთ ტექსტს უცვლელად: „რივიერას ტერიტორიაზე დაგეგმილ მშენებლობასთან დაკავშირებით უკვე ჩატარდა 8 საჯარო განხილვა, რაც უპრეცედენტო შემთხვევაა საქართველოში განხორციელებული თუ დაგეგმილი პროექტებისთვის. ჩვენ ყველა დაინტერესებულ მხარეს მივაწოდეთ ამომწურავი ინფორმაცია და მოვისმინეთ მათი პოზიცია. სამწუხაროდ, ბოლო რამდენიმე შეხვედრა...


მსგავსი სიახლეები

up