რეგულაციები რომელიც სარგებელს არავის მოუტანს

რეგულაციები რომელიც სარგებელს არავის მოუტანს

person access_time2016-07-18 11:06:59

პარლამენტში „თამბაქოს კონტროლის შესახებ“ კანონში ახალი ცვლილებებია ინიცირებული. ქვეყნის უმაღლეს საკანონმდებლო ორგანოში ინიციატივით გუგული მაღრაძე გაზაფხულზე შევიდა. ცვლილებები რადიკალურ ქმედებებს გულისხმობს, როგორც საზოგადოებრივი თავშეყრის ადგილებში მოწევის აკრძალვის, ისე თამბაქოსთან დაკავშირებული რიგი პროდუქციის საერთოდ აკრძალვის სახით. საკანონმდებლო ინიციატივის განხილვა საშემოდგომო სესიაზე იგეგმება, სწორედ მაშინ გადაწყდება მოხდება თუ არა ახალი რეგულაციების დაწესება.


„თამბაქოს კონტროლის შესახებ“ კანონში ინიცირებული ახალი ცვლილებების თანახმად რიგი რეგულაციების დაწესება იგეგმება. მათ შორის, საზოგადოებრივი თავშეყრის ადგილებში თამბაქოს მოწევის სრული აკრძალვა, გარე რეკლამების სრული შეზღუდვა, თამბაქოსა და თამბაქოს ნაწარმის ან მისი აქსესუარის რეალიზაციის აკრძალვა იმ ფორმით, რომ ობიექტიდან მისი მიწოდება ხდება უშუალოდ ტრანსპორტში მსხდომთათვის.


გარდა ამისა, თამბაქოს რეალიზაცია არ უნდა იყოს ხილული და მისთვის დახურული ყუთები უნდა გამოიყენონ სარეალიზაციო დაწესებულებებში, მათ შორის ჯიხურებში, მაღაზიებსა და სუპერმარკეტებში.

 

კანონპროექტი ასევე ითვალისწინებს თამბაქოს ნაწარმის, მისი აქსესუარებისა და მოხმარებისთვის განკუთვნილი მოწყობილობების ყველა სახის რეკლამის აკრძალვას. ასევე გაიზრდება თამბაქოს ნაწარმის შეფუთვაზე სამედიცინო გაფრთხილების მიერ დაკავებული ფართობი 30%-დან 65%-მდე და პიქტოგრამების გამოყენება. ამასთან, მოწევა უნდა აიკრძალოს სამარშრუტო ტაქსებში, ავტობუსებსა და კერძო ტაქსებში, ეს რეგულაცია რა თქმა უნდა პირველ რიგში ამ სატრანსპორტო საშუალებების მძღოლებს ეხებათ. ახალი კანონპროექტის თანახმად აღარ იქნება ე.წ. თამბაქოს გამყიდველი მაღაზიები გზაზე, რომლებიდანაც პირდაპირ ყიდულობენ მძღოლები სიგარეტს. ამას ემატება თამბაქოს რეალიზატორთათვის სავალდებულო ლიცენზირება და კიდევ ბევრი სხვა რეგულაცია. 


ახალი კანონპროექტის უკვე გახდა კრიტიკის ობიექტი, როგორც სახელმწიფო ჩინოვნიკებისა და სტრუქტურების მხრიდან, ისე ბიზნესისა და ეკონომიკის ექსპერტებისგან. ყველა თანხმდება, რომ საქართველოში თამბაქოს მომხმარებელთა რაოდენობის შესამცირებლად სახელმწიფოსგან ქმედითი ნაბიჯებია გადასადგმელი, თუმცა ზემოაღნიშნული კანონპროექტის ამ რედაქციით დამტკიცება, პრობლემას არ შეამცირებს და ამასთან სხვა პრობლემებს წარმოქმნის. თუნდაც, ის ფაქტი, რომ ყველა თამბაქოს რეალიზატორი ვალდებული იქნება სპეციალური ლიცენზია აიღოს უკვე კორუფციის საფრთხეებს ქმნის. ამასთან  თუ გავითვალისწინებთ იმ ფაქტს, რომ  უამრავი გარე მოვაჭრე თუ მცირე მეწარმე, რომელიც თამბაქოს რეალიზაციით არის დაკავებული, უბრალოდ გაკოტრდება, რადგან ახალ რეგულაციებს ვერ დააკმაყოფილებენ. ამას დავამატოთ კაფესა და რესტორნებისთვის მოთხოვნა, რომ შექმნან სპეციალური მოსაწევი ადგილები, რომელიც მთელი ფართის 20%-ზე ნაკლები უნდა იყოს და ამასთან იზოლირებული დანარჩენი დაწესებულებისგან. ამდაგვარი ინფრასტრუქტურის შექმნა რა თქმა უნდა დამატებით ხარჯებს მოითხოვს, რაც ამ მეწარმეებმა ისევ მომხმარებლების ჯიბეებიდან უნდა ამოიღონ. შედეგად მოუწევთ სხვადასხვა მომსახურებისა თუ პროდუქციის გაძვირება. რითაც ისევ და ისევ რიგითი მომხმარებელი დაზარალდება. 

 


აღსანიშნავია, რომ ახალი რეგულაციების შემოღებით კანონპროექტის ავტორიც კი არ ელოდება საგრძნობ დადებით პროცესებს ქვეყანაში მწეველთა რაოდენობის შემცირების კუთხით. როგორც გუგული მაღრაძემ გაზეთ „რეზონანსთან“ საუბრისას განაცხადა, საერთაშორისო პრაქტიკა აჩვენებს, რომ ასეთი ტიპის კანონები მცირე შედეგს იძლევა. 


„მსგავსი ტიპის შეზღუდვებმა მწეველთა რაოდენობა საშუალოდ 1%-ით უნდა დაწიოს, მაგრამ ასეთი კანონპროექტი პოტენციური და არამწეველების უფლებებს იცავს,“ - განმარტავს კანონპროექტის ინიციატორი.


მართლაც საერთაშორისო პრაქტიკა მოწმობს, რომ მხოლოდ რეგულაციები შედეგს არ იძლევა. ყველაზე ეფექტურ მექანიზმად მწეველთა რაოდენობის შემცირებისათვის სახელმწიფოს მიერ წარმოებული სოციალური კამპანია მიიჩნევა. როდესაც ქვეყანა სხვადასხვა საგანმანათლებლო აქტივობებით მოსახლეობას არწმუნებს, რომ მოწევა ცუდია. თუმცა, მსგავსი ტიპის კამპანიები დიდ ხარჯებთანაა დაკავშირებული. ხოლო რეგულაციების დაწესება ქვეყანაში 0,5-1%-ით ამცირებს მწეველთა რაოდენობას, თუმცა ეს შეზღუდვებიც დროში გაწელილი და მოსახლეობაზე მაქსიმალურად მორგებული უნდა იყოს, რაც ახალ კანონპროექტზე ნაკლებად ითქმის.


„თამბაქოს ინდუსტრია არ არის წინააღმდეგი ახალი რეგულაციების შემოღების, მაგრამ ეს უნდა იყოს ბიზნესისთვის პროგნოზირებადი და უნდა იყოს შედეგზე ორიენტირებადი. არ მესმის რაში გვჭირდება ისეთი რეგულაცია, რომელიც  უარეს შედეგს მოიტანს, არ შეამცირებს მწეველთა რაოდენობას და გაზრდის კორუფციის რისკებს? ამ მხრივ პლუსებისა და მინუსების გათვლა მნიშვნელოვანია“, - აღნიშნავს საერთაშორისო სავაჭრო პალატის ვიცე–პრეზიდენტი, ნიკოლოზ მჭედლიშვილი.


ახალი კანონპროექტისადმი უარყოფითად არიან განწყობილნი, როგორც რიგი პარლამენტარებისა ისე სახელისუფლებო ჩინოვნიკებიც. როგორც გასულ კვირას გახდა ცნობილი რამდენიმე სამინისტრომ და  სამთავრობო სტრუქტურამ უარყოფითი დასკვნა დადო აღნიშნულ კანონპროექტზე. 


„კანონპროექტში არის საკითხები, რომლებიც, ვფიქრობ, შესაძლებელია რეალურად განხორციელდეს, მაგრამ ჩემი აზრით, ცვლილებები არის ძალიან რადიკალური. რადიკალური ცვლილებები კი ყოველთვის რთულად აღსასრულებელია, რადგან იმ ჩვეულებების მკვეთრი ცვლილება, რომლებიც ადამიანებშია ერთბაშად ძნელი შესაცვლელია, იწვევს შინაგან პროტესტს და ამიტომ ადამიანები ადვილად არღვევენ ხოლმე ამ აკრძალვებს. 


მე ნაბიჯ-ნაბიჯ შეზღუდვების მომხრე უფრო ვიქნებოდი, ვიდრე ერთბაშად ყველას და ყველაფრის შეზღუდვის. კიდევ ერთხელ ვიტყვი, ყველანაირად უნდა შევუწყოთ ხელი, რომ შემცირდეს თამბაქოს მოხმარება და შემცირდეს ამით ზიანის მიყენება მათთვის, ვინც არ მოიხმარს. ოღონდ ეს უნდა მოხდეს გონივრულად, არა ისეთი ნაბიჯებით, რომელიც შეიძლება დარჩეს მხოლოდ ქაღალდზე დაწერილი და რეალურად არარეალიზებული.“,- აღნიშნავს პარლამენტის იურიდიულ საკითხთა კომიტეტის თავმჯდომარე, ვახტანგ ხმალაძემ. 


აღსანიშნავია, რომ კანონპროექტით განსაზღვრული რადიკალური რეგულაციების გარდა, რომელთა მიმართაც კრიტიკა არ წყდება, ასევე გაუგებარია ახალი მოთხოვნების შესრულების მონიტორინგის სისტემაც. ვინ უნდა გააკონტროლოს ტაქსისტი ეწევა თუ არა სიგარეტს ავტომანქანაში?! ან ვინ უნდა აზომოს ქვეყნის ყველა კაფე და ბარში არსებული მწეველთა ადგილები, მთლიანი ფართის 20%-ზე ნაკლებს შეადგენს თუ მცირედით მეტს?! აუცილებელია ხელისუფლებამ ყველა რეგულაციის შემოღების წინ კარგად აწონოს ამა თუ იმ ნაბიჯის მოსალოდნელი შედეგები და მხოლოდ შემდეგ მიიღოს გადაწყვეტილება. რადგან ისე არ მოხდეს, რომ ბავშვის დაბანას, თავად ბავშვი გადავაყოლოთ.

 



Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...

დღის top 10 საინტერესო ამბავი

დღის top 10 საინტერესო ამბავი
access_time2021-04-22 21:00:01
15 -ამდე ბიზნესასოციაციის მიმართვა ირაკლი ღარიბაშვილს - კერძო სექტორი პრემიერთან შეხვედრას ითხოვს   დარგთაშორისი საინიციატივო ჯგუფის წარმომადგენელმა შოთა ბურჯანაძემ განაცხადა, რომ კერძო სექტორთან კომუნიკაციის სურვილი პრემიერმა მსხვილი ბიზნესის წარმომამდგენლებთან...

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს
access_time2021-04-22 17:15:51
„დავა არ დასრულებულა, ის მიმართავს კანონით მისთვის მინიჭებულ ყველა საშუალებას რათა გააგრძელოს თავისი უფლებების დაცვა.“, - ამის შესახებ ინფორმაცია „კომერსანტს“  რომან ფიფიას წარმომადგენელმა მიაწოდა. საქმე ეხება  ინგლისის სასამართლოში BGEO PLC ჯგუფის წინააღმდეგ დაწყებულ სასამართლო პროცესს, რომელიც დღეს საქართველოს ბანკის ჯგუფის განცხადებით BGEO GROUP სასრაგებლოდ დასრულდა. ფიფიას წარმომადგენლის ინფორმაციით, „BGEO Group Limited“ გამოიყენა ფინანსური ზეწოლა, რომელიც მოსარჩელისგან...


მსგავსი სიახლეები

up