რედკომ წელს გუდაურში რედისონის გახსნა გადადო

რედკომ წელს გუდაურში რედისონის გახსნა გადადო

access_time2021-03-22 14:00:25

„სასტუმროს ექსპლუატაციაში გაშვება და ხარჯის გაწევა, როდესაც ტურისტი არ არის ქვეყანაში, არაკომერციული გადაწყვეტლება იქნებოდა. რედისონის გახსნას გუდაურში წელსაც ვგეგმავდით, მაგრამ ახლა ტურისტულ ციკლზე ვართ დამოკიდებული,“ - ამის შესახებ „კომერსანტთან“ დეველოპერული კომპანია „რედკოს“ იურისტმა მალხაზ კუნელაურმა ისაუბრა.

 

 

როგორც ცნობილია დეველოპერული კომპანია პროექტ „ახალი გუდაურის“ ფარგლებში სასტუმროს ტიპის საცხოვრებელ სახლებს აშენებს, ასევე ადგილზე მიმდინარეობს რედისონის ბრენდის სასტუმროს მშენებლობაც. 2019 წელს „რედკომ“ სამშენებლო სამუშაოების შესრულება სამშენებლო კომპანია „ანაგს“ გადააბარა, რომელიც, მათი თქმით, პასუხისმგებელია „რადისონ ბლუ გუდაურის“ და სხვა პროექტების მშენებლობასა თუ  ხარისხზე.

 

 

„რედისონ ბლუ გუდაური“ აშენებულია, მთლიანი შენობა დასრულებულია, მოქცეულია სახურავის ქვეშ, აქვს ფასადი და შემინულია, ახლა დასასრულებელია შიდა სამუშაოები. მის გახსნას წელსაც ვგეგმავდით, მაგრამ სამუშაოების ტემპი შევანელეთ იმიტომ, რომ ტურისტული თვალსაზრისით ასეთი სიტუაცია გვაქვს ქვეყანაში . ეს გრძელვადიანი ინვესტიციაა. ასეთი მსხვილი სასტუმროს გახსნა მიზანშეწონილია იმ პერიოდისთვის, როცა ტურისტი შეძლებს დასვენებას, წელს არ გაიხსნება,“ - განმარტავს მალხაზ კუნელაური.


 

 

რაც შეეხება „ახალი გუდაურის“ პროექტს და მისი დასრულების სავარაუდო ვადას -  2023 წელია ნავარაუდევი, იმის გათვალისწინებით, თუ რა ეპიდსიტუაცია და მოთხოვნა იქნება ბაზარზე. როგორც „რედკოში“ ამბობენ, 8 მარტს დაწყებული ზამთრის სეზონი ჯერჯერობით მხოლოდ ბინების გაქირავების ტემპებზე აისახა, ხოლო გაყიდვების კუთხით სიტუაცია უცვლელია და კვლავ შემცირებული.

 

 

„რაღაც აქციებს ვაკეთებთ გუდაურის ბინებზე, ზოგადად ფასები არ შეგვიმცირებია. ვინაიდან სეზონი  ძალიან დაგვიანებით დაიწყო, 10-მა დღემ  იმის სტიმულირება მოახდინა, რომ ტურისტული ნაკადი გააქტიურდა და მხოლოდ გაქირავების სერვისი გაუმჯობესდა. ვერ ვიტყვით, რომ ამ პერიოდმა რამე ხელშესახები ეფექტი იქონია. ფაქტიურად სეზნი იწურება და ისეთი კლიმატური პირობებიც აღარ არის. გაყიდვებს რაც შეეხება, ამ მიმართულებითაც აღსაქმელი და ხელშესახები შედეგი არ გვქონია. პროექტები, რომლებიც გვქონდა დაწყებული, მათგან  2 პროექტი დავასრულეთ - ჯამში 500 ნომრიანი აპარტოტელი. გაზაფხულიდან სამუშაოები ისევ განახლდება. კომპლექსის მშენებლობის ტემპი იქნება იმის მიხედვით, თუ როგორი იქნება ბაზარზე მოთხოვნა. ახალი გუდაურის პროექტის დასრულებას 2023 წლისთვის ვგეგმავთ და იმედი გვაქვს ქვეყანა სწრაფად დაიბრუნებს ტურისტულ ბაზარს. აუცილებელია ეს აღდგენის პროცესები სწრაფად დაიწყოს,“ - ამბობს მალხაზ კუნელაური.


მარიამ მორგოშია





ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა

ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა
access_time2021-06-15 19:18:56
საქართველოს სახალხო დამცველმა „ბოლტის“ გაფიცული კურიერების საქმეზე დისკრიმინაცია დაადგინა და კომპანიას მიმართა რეკომენდაციით, დაუყოვნებლივ აღუდგეთ განმცხადებლებს აპლიკაციაზე წვდომა. ამის შესახებ სახალხო დამცველის მიერ 15 ივნისს გამოქვეყნებულ განცხადებაშია ნათქვამი: „2021 წლის 14 ივნისს სახალხო დამცველმა შპს „ფუდლს“ („ბოლტი“) გაფიცული კურიერების მიმართ განსხვავებული მოსაზრების გამო დისკრიმინაციის აღმოფხვრის შესახებ რეკომენდაციით მიმართა. კურიერების ინტერესებს სახალხო დამცველის...

GASTRONOME – მოგზაურობა მსოფლიოს გარშემო დელიკატესების გასაცნობად

GASTRONOME – მოგზაურობა მსოფლიოს გარშემო დელიკატესების გასაცნობად
access_time2021-06-15 21:00:27
თბილისში Gastronome-ის ოთხი მაღაზიაა. როგორც Gastronome-ის აღმასრულებელი დირექტორი თამარა ჯავახაძე ამბობს, ოთხივე ფილიალს გააზრებული სტილისტური ერთგვაროვნებაც აქვს და, იმავდროულად, თითოეულ ობიექტს ინდივიდუალური შტრიხებიც გამოარჩევს. თამარა  ჯავახაძე:   გვინდოდა, შთამბეჭდავი ექსტერიერი გვქონოდა. მოგეხსენებათ, ყურადღება მანამდე უნდა მიიქციო, სანამ მომხმარებელი შემოვა, ამიტომაც არის ასე საგულდაგულოდ დამუშავებული ფასადიც და ინტერიერიც...

15 ივნისი - რეგიონში ქართული ლარი და სომხური დრამი გამყარდა

15 ივნისი - რეგიონში ქართული ლარი და სომხური დრამი გამყარდა
access_time2021-06-15 18:00:42
15 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 10 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 15 ივნისის ვაჭრობის შედეგად ეროვნული ვალუტა აშშ დოლართან მიმართებაში გამყარდა და 3.1751 ლარი გახდა (ეს კურსი 16 ივნისს შევა ძალაში). ქართული ვალუტით ვაჭრობა Bloomberg-ზე...

უკრაინაში საგადასახადო ამნისტია გამოცხადდა

უკრაინაში საგადასახადო ამნისტია გამოცხადდა
access_time2021-06-15 17:28:55
უკრაინის უმაღლესმა რადამ მეორე, საბოლოო მოსმენით დაამტკიცა საგადასახადო ამნისტიის კანონპროექტი. კანონის თანახმად, მოქალაქეებს, რომლებიც თავს არიდებდნენ გადასახადების გადახდას, სასჯელი აღარ დაეკისრებათ, თუ თავის შემოსავლების დეკლარირებას მოახდენენ. უკრაინის პარლამენტის საიტზე განთავსებული ინფორმაციის თანახმად, საგადასახადო ამნისტია შეეხება ვალუტას, გარდა ნაღდი ფულისა, ფასიან ქაღალდებს, ასევე უკრაინასა და საზღვარგარეთ არსებულ მოძრავ და უძრავ ქონებას....

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე
access_time2021-06-15 15:00:59
მთელი საქართველოს მასშტაბით, 1–ლი ივლისიდან საყოფაცხოვრებო მომხმარებლისა და მცირე  საწარმოებისთვის ელექტროენერგიის მიმწოდებელი კომპანიები იცვლება. თბილისში სს „თელასის“ ნაცვლად ელექტროენერგიის მიმწოდებელი „თბილისის ელექტრომიმწოდებელი კომპანია“   (თელმიკო) იქნება, ხოლო  რეგიონებში სს „ენერგო პრო ჯორჯიას“ ნაცვლად კომპანია „ეპ ჯორჯია მიწოდება“ იქნება. აღსანინავია, რომ არ იცვლება  სამომხმარებლო ტარიფი. საქართველოს ენერგეტიკისა და წყალმომარაგების...


მსგავსი სიახლეები

up