რეალურად რამდენით გაიზარდა საქართველოს ეკონომიკა ოცნების მთავრობის პირობებში 2013-2019 წლებში?

რეალურად რამდენით გაიზარდა საქართველოს ეკონომიკა ოცნების მთავრობის პირობებში 2013-2019 წლებში?

access_time2020-11-21 10:00:43

საქსტატის დაზუსტებული მონაცემებით 2019 წელს მსპ 5%-ით გაიზარდა, რაც ყველაზე მაღალია 2012 წლის შემდეგ, მაგრამ ჩამორჩება 2004-2012 წლების საშუალოს.


კურსის ცვლილებამ მშპ-ს დაანგარიშების მეთოდებში რიცხვებით მანიპულირების საშუალებები გააჩინა. ხელისუფლება ცდილობს ნომინალური ზრდა, ინფლაციის გაუთვალისწინებლად ლარში წარმოაჩინოს და ამით არარსებულ წარმატებებზე ილაპარაკოს. თავის მხრივ ოპოზიცია დოლარებში გადაყვანით ცდილობს იმის დამტკიცებას, რომ შემოსავალი 1 სულ მოსახლეზე 2019 წელს 2012 წელთან შედარებით შემცირდა, რაც ასევე არასწორია, რადგან 2009 წლის შემდეგ 2020 წლამდე საქართველოში ეკონომიკური ვარდნა არ დაფიქსირებულა.


საქსტატის ცნობით ლარში დათვლით საქართველოს მშპ 1 წელიწადში ₾4.654 მლრდ-ით ₾44.599 მლრდ-დან ₾49.253 მლრდ-მდე გაიზარდა. დოლარებში კი პირიქით $125 მლნ-ით შემცირდა და $17.471 მლრდ შეადგინა. ანალოგიურ სურათს ვიღებთ 1 სულ მოსახლეზე გადაანგარიშებითაც. ეროვნულ ვალუტაში 1270 ლარიანი ზრდა ფიქსირდება ₾11 970-დან ₾13 240-მდე, უცხოურ ვალუტაში კი 26 დოლარიანი კლება $4722-დან $4696-მდე.


უფრო გრძელვადიან პერიოდს თუ შევხედავთ 2013-2019 წლებსი ლარსი დათვლილი მშპ 1 სულ მოსახლეზე ₾7690-დან ₾13 240-მდეა გაზრდილი ანუ 72%-ით, დოლარში დათვლით $4624-დან $4696-მდე, სულ რაღაც 1.5%-ით. უფრო მეტიც, 2014 წელს $4739 ფიქსირდებოდა, ანუ 2014-2019 წლებში 1.9%-იანი კლებაც აღინიშნა.


რომელია სწორი მეთოდი? ოცნების მთავრობის პირობებში, 2013-2019 წლებში ეკონომიკა 72%-ით გაიზარდა თუ 1.5%-ით? არც ერთი. 72%-ით რომ გაზრდილიყო, საჭუალო წლიური ზრდა 8%-იანი ზრდა უნდა ყოფილიყო, 1.5%-ით გაზრდის შემთხვევაში პრაქტიკულად ნულოვანი - 0.2%-იანი ზრდა. სინამდვილეში საშუალო ზრდა 3.9% იყო, რაც განვითარებადი ღარიბი ქვეყნისთვის ძალიან დაბალია, მაგრამ ნულოვანისგან განსხვავდება. რეალურად 2013-2019 წლებში საქართველოს ეკონომიკა 32%-ით გაიზარდა. იმის მტკიცება, რომ 2013-2019 წლებში ეკონომიკა 72%-ით გაიზარდა 2.25-ჯერაა გაბუქებული და რეალობას აცდენილი, მაგრამ ასევე მცადრია მტკიცება, რომ ზრდა საერთოდ არ ყოფილა.



2012 წლის შემდეგ ყველაზე მაღალი 5%-იანი ზრდა 2019 წელს აღინიშნა. ასეთი ზრდის პირობებში კი ეკონომიკის გაორმაგებას 14 წელზე მეტი სჭირდება, რაც ღარიბი ქვეყნისთვის ძალიან ბევრია.


2020 წლის იანვარ-სექტემბერში ეკონომიკა 5%-ით შემცირდა. აპრილის 16.6%-იანი ვარდნის შემდეგ სექტემბრის 0.7%-იანი კლება ხელისუფლების წარმომადგენლებისთვის თავის მოწონების მიზეზიც კი გახდა. ოქტომბრიდან შეზღუდვები გამკაცრდა, რასაც 9 ნოემბრიდან ამოქმედებული კომენდანტის საათიც დაემატა. ბიზნესი სრული ლოკდაუნის მოლოდინშია. ეს ყველაფერი იძლევა იმის თქმის საფუძველს, რომ მაღალი ალბათობით ოქტომბერ-ნოემბერში სექტემბერთან შედარებით კლება უფრო მეტი იქნება.


ამ ეტაპზე რამდენიმე მონაცემი უკვე ცნობილია, ფულადი გზავნილები რომელიც არ შედის მშპ-ს დაანგარიშების ფორმულაში, მაგრამ მაინც პირდაპირ აისახება მის ერთ-ერთ კომპონენტზე - მოხმარებაზე სექტემბრის მსგავსად 18.6%-ით გაზრდილია, სექტემბერში ზრდა 29% იყო. ტურიზმი ისევ ნულ-ის სიახლოვესაა, თუმცა ცვლილებებია საგარეო ვაჭრობაში. თუ სექტემბერში ექსპორტი 8.3%-ით გაიზარდა და იმპორტი 8.9%-ით შემცირდა, ოქტომბერში ექსპორტი 2.2%-ით, ხოლო იმპორტი 23.5%-ით შემცირდა. მთავრობა წლის ბოლოსთვის საშუალო 5%-იან ვარდნას ელოდება, რაც ყველაზე ცუდი შედეგი იქნება 1994 წლის შემდეგ. 2009 წელს ვარდნა 3.7% იყო. რაც შეეხება 2021 წელს სავალუტო ფონდმა ზრდის ტემპის პროგნოზი 5%-დან 4.3%-მდე შეამცირა.


5%-იანი კლების შემთხვევაში 2013-2020 წლების ეკონომიკური ზრდის ტემპი 26%-მდე შემცირდება.


ისევე როგორც მშპ 1 სულ მოსახლეზე მხოლოდ გასაშუალებული მაჩვენებელია და ყველა ადამიანის შემოსავალი არ არის $4740, ზოგის მეტია, უმეტეს შემთხვევაში კი ნაკლები. ასევე ზრდის ან კლების ტემპი არ ნიშნვასვ რომ რიმელიმე კონკრეტულ წელს ყველა ადამიანის შემოსავალი 4.3%-ით გაიზარდა ან 5%-ით შემცირდა. მშპ და მშპ-ს ზრდის ტემპი არაა სრულყოფილი, არ ასახავს ყველა ადამიანის ეკონომიკურ მდგომარეობას, თუმცა მაინც რჩება ეკონომიკის გასაზომ საუკეთესო საშუალებად.

 

გიორგი ელიზბარაშვილი



თეგები:
მშპ



ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...


მსგავსი სიახლეები

up