„რეალობა და ლოგიკა ისეთია, რომ ელექტროენერგიისა და გაზის ტარიფი გაიზრდება“ - დავით მირცხულავა

„რეალობა და ლოგიკა ისეთია, რომ ელექტროენერგიისა და გაზის ტარიფი გაიზრდება“ - დავით მირცხულავა

access_time2019-08-01 12:00:21

„ლარის კურსის ასეთი მერყეობის ფონზე, ტარიფების კორექტირება და მისი გაზრდა ნამდვილად მოსალოდნელია. ჩემი აზრით, უფრო მეტად ალბათ ეს იქნება ასახული ელექტროენერგიის ტარიფზე იმიტომ, რომ გაზის ტარიფის დარეგულირების გარკვეული ბერკეტები არსებობს.“  - ასე აფასებს ენერგეტიკის ყოფილი მინისტრი დავით მირცხულავა ეროვნული ვალუტის გაუფასურების შედეგებს გაზისა და ელექტროენერგიის ტარიფთან მიმართებაში.


მორცხულავა აღნიშნავს, რომ მსგავს სიტუაციაში გარდაუვალია ლარის კურსის მერყეობა არ აისახოს ტარიფებზე გამომდინარე იქიდან, რომ ამ კუთხით იმპორტზე დამოკიდებული ქვეყანა ვართ, თუმცა ყოფილი მინისტრი იმედს გამოთქვამს,  რომ რეგულატორის მიერ ყველა საჭირო ღონისძიება გატარდება, რათა ტარიფის ზრდა დრამატული არ აღმოჩნდეს.


„რეალობაა, რომ გარკვეული კორექტირება ალბათ ელექტროენერგიიის ტარიფზე უფრო მოხდება, მაგრამ რამდენად  გაიზრდება ამაზე საუბარი ძნელია. ჩვენ,  როგორც ბუნებრივი გაზის, ასევე ელექტროენერგიის იმპორტზე ვართ დამოკიდებული.  რეალობა და ლოგიკა ისეთია, რომ უნდა გაიზარდოს ტარიფი, იქნება ეს ძალიან მტკივნეული თუ არ იქნება მტკივნეული,  ამაზე რეგულატორმა სერიოზული სამუშაოები უნდა ჩაატაროს.


ჩვენ ამ პროცესს მაქსიმალურად უნდა შევუწყოთ ხელი ეკონომიური ხარჯვით. დაველოდოთ წლის ბოლოს, მე ვფიქრობ, რომ რეგულატორი მაქსიმალურ სიფრთხილეს გამოიჩენს და ეს კორექტირება დრამატული არ იქნება.“ - აცხადებს კომერსანტთან საუბარში დავით მირცხულავა.  



როგორც ცნობილია, ამ წუთებში საქართველოს ენერგეტიკისა და წყალმომარაგების მარეგულირებელი ეროვნული კომისია დღეს ბუნებრივი გაზის სექტორში ტარიფების გადახედვას იწყებს. აღნიშნულის შესახებ დღეს, სემეკში იმსჯელებენ.


როგორც მარეგულირებლის სხდომის დღის წესრიგშია აღნიშნული, ტარიფის დაანგარიშება შემდეგი კომპანიებისთვის მოხდება: საქართველოს გაზის ტრანსპორტირების კომპანია (ბუნებრივი გაზის ტრანსპორტირების ტარიფის დადგენა), „ყაზტრანსგაზ-თბილისი“, „სოკარ ჯორჯია გაზი“, „საქორგგაზი“, „ენერგოკავშირი“, შპს „ვარკეთილაირი“, სს „საჩხერეგაზი“, შპს „ტაბა“, შპს „არზუ გაზი“ და შპს „თელავგაზი“.


დღესვე იწყება საჯარო ადმინისტრაციული წარმოება შპს „გარდაბნის თბოსადგურისა“ და შპს „ჯიფაუერისთვის“ გარანტირებული სიმძლავრის საფასურის და გარანტირებული სიმძლავრის წყაროს ელექტროენერგიის წარმოების ტარიფის დადგენის მიზნით.


მარიამ მორგოშია

 






მონოპოლიის საფრთხე თუ გაზრდილი კონკურენცია ტაქსების ბაზარზე - B კატეგორიის ტაქსებისთვის ახალი პლატფორმა იქმნება

მონოპოლიის საფრთხე თუ გაზრდილი კონკურენცია ტაქსების ბაზარზე - B კატეგორიის ტაქსებისთვის ახალი პლატფორმა იქმნება
access_time2019-10-14 20:51:04
ტაქსების რეფორმის მიმდინარეობის პარალელურად საქართველოში ქართული ლოჯისტიკური ტაქსის ტექნოლოგიური პლატფორმა "აქსელი" ფუძნდება. როგორც საქართველოს ტაქსების ფედერაციაში განმარტავენ,...

ეკონომიკის სამინისტრო ნათია თურნავას გადადგომასთან დაკავშირებით განცხადებას ავრცელებს

ეკონომიკის სამინისტრო ნათია თურნავას გადადგომასთან დაკავშირებით განცხადებას ავრცელებს
access_time2019-10-14 18:25:10
ეკონომიკის სამინისტრო ნათია თურნავას გადადგომასთან დაკავშირებით განცხადებას ავრცელებს, რომელსაც კომერსანტი იცვლელად გთავაზობთ:“გავრცელებულ ინფორმაციას არ ვადასტურებთ განსაკუთრებით იმის ფონზე, თუ ვინ არის ამ ინფორმაციის ე.წ. პირველწყარო. აქვე იმასაც გეტყვით, რომ დავით ჭიჭინაძისა და ლევან კობერიძის მიერ გავრცელებული ეს ინფორმაცია ყოველგვარ არგუმენტს მოკლებულია და გაუგებარია, რას ემსახურება. ამ ბატონებმა ბოლო პერიოდში ეკონომიკის სამინისტროს მისამართით...

ნათია თურნავა ეკონომიკის მინისტრის პოსტს ტოვებს — TV პირველი

ნათია თურნავა ეკონომიკის მინისტრის პოსტს ტოვებს — TV პირველი
access_time2019-10-14 17:36:21
TV პირველის ინფორმაციით, ეკონომიკის მინისტრი ნათია თურნავა თანამდებობას ტოვებს. თურნავა ეკონომიკის მინისტრის პოსტს თითქმის ექვსი თევა იკავებს.ტელეკომპანიას მთავრობის საკადრო ცვლილებაზე ინფორმაცია აქამდეც გაუვრცელებია. მიმდინარე წლის აგვისტოში TV პირველი აცხადებდა, რომ შს მინისტრი გიორგი გახარია პრემიერ-მინისტრი გახდებოდა, ხოლო ირაკლი ღარიბაშვილი მთავრობაში ბრუნდებოდა. ორივე ეს პროგნოზი გამართლდა.ნათია თურნავას მინისტრად დანიშვნიდან რამდენიმე დღეში პანკისში საპოლიციო ძალები...

ანაკლიის კონსორციუმის გენდირექტორი - ჩვენ მთავრობას წარვუდგინეთ წინადადება, როგორ ვხედავთ პროექტის წინ წაწევას, ახლა ბურთი მათ მხარესაა

ანაკლიის კონსორციუმის გენდირექტორი - ჩვენ მთავრობას წარვუდგინეთ წინადადება, როგორ ვხედავთ პროექტის წინ წაწევას, ახლა ბურთი მათ მხარესაა
access_time2019-10-14 16:39:33
კონსორციუმმა კონკრეტული წინადადება, თუ როგორ ვხედავთ პროექტის წინ წაწევას, მთავრობას უკვე წარვუდგინეთ. ეს ითვალისწინეს დამატებით მოლაპარაკების მაგიდასთან დაჯდომას. ბურთი მთავრობის მხარესაა, - ასე ეხმაურება...

ეკონომიკურ აქტივობაში მიწების ჩართვის პროცესი იგვიანებს

ეკონომიკურ აქტივობაში მიწების ჩართვის პროცესი იგვიანებს
access_time2019-10-14 19:30:25
რა შედეგები აქვს საქართველოს მიწის რეგისტრაციის რეფორმის...


მსგავსი სიახლეები

up