რატომ ყიდულობენ ბანკები და იმპორტიორები დიდი რაოდენობით დოლარს?

რატომ ყიდულობენ ბანკები და იმპორტიორები დიდი რაოდენობით დოლარს?

access_time2016-12-04 16:13:42

დღის განმავლობაში სავალუტო ჯიხურების ტაბლოიდებზე ლარის კურსი რამდენჯერმე შეიცვალა. თუ დილით 1 დოლარი ვალუტის გადამცვლელ ჯიხურებში 2,58-2,59 ლარის ფარგლებში მერყეობდა, ახლა უკვე დოლარს 2,73 ლარადაც კი ყიდიან.

 

 

გაცილებით მაღალია ლარი-დოლარის გაცვლითი კურსი კომერციულ ბანკებში. აღსანიშნავია, რომ საკმაოდ დიდია სხვაობა დოლარის გასაყიდსა და შესაძენ კურსებს შორის. რაც იმას ნიშნავს, რომ დოლარს ფაქტობრივად არავინ ყიდის, მის შესყიდვაზე კი მოთხოვნა ძალიან დიდია.

 

 


ექსპერტების შეფასებით ასეთი რამ მნიშვნელოვანწილად ბაზარზე არსებული აჟიოტაჟური ფონით არის გამოწვეული. თუმცა, იმასაც აღნიშნავენ, რომ შესაძლოა კურსი ხელოვნურად იზრდება.

 

 


„ბიზნესპრესნიუსთან" საუბრისას, ექსპერტი ეკონომიკის საკითხებში გია ხუხაშვილი კურსის ხელოვნურ ზრდას ორ შესაძლო ფაქტორს უკავშირებს - აქციზის გადასახადის გაზრდის მოლოდინში იმპორტიორი კომპანიები ცდილობენ პროდუქციის მარაგები ჯერ კიდევ არსებული აქციზის გადასახადის პირობებში გაზარდონ და კომერციული ბანკები, რომლებიც ვერ გაერკვნენ რა უნდა მთავრობას, დოლარის დაგროვების რეჟიმში გადავიდნენ.


 

 


მისივე ცნობით, ზემოთ ჩამოთვლილი მიზეზები სავალუტო ბაზარზე არსებული პანიკის სუბიექტური გამოძახილია, ობიექტური მიზეზი კი ისაა, რომ მოთხოვნა მიწოდებას შორის დეფიციტის უზრუნველყოფა ვერ ხერხდება.

 

 


„კომპანიები, აქციზის ზრდის მოლოდინის გამო ქმნიან პროდუქციის მარაგებს, რაც დოლარზე მოთხოვნას ზრდის. არ გამოვრიცხავ რომ იგივე ბანკები, რომლებსაც ხელისუფლება ფაქტობრივად აიძულებს მინუს 20 პუნქტით ლარში გადაიტანონ იპოთეკარების კრედიტები, ახლა დოლარს აგროვებდნენ და კურსი ხელოვნურად იზრდებოდეს. როდესაც ხელისუფლება რაღაცას ახმოვანებს, მოსალოდნელ შედეგებზე არ ფიქრობს. შედეგად კი მივიღეთ რომ პანიკა შეიქმნა. ბანკები გაუგებრობაში არიან, ვერ გაიგეს რა უნდა ხელისუფლებას. არ იციან, რა იქნება ხვალ და ზეგ და შესაძლოა, ახლა თვითონ გადავიდნენ დოლარის დაგროვების რეჟიმში," -ამბობს ხუხაშვილი.

 

 


მისივე თქმით, სავალუტო ბაზარზე აჟიოტაჟი გამოიწვია იმან, რომ ხელისუფლებამ ვერ შეძლო ვითარების სტაბილიზაციის მეტნაკლებად რაციონალური დამაჯერებელი პროგრამის წარმოდგენა.

 

 


„როდესაც აჟიოტაჟი იქმნება, ხელისუფლება მობილიზებული უნდა იყოს და ყველა ინსტრუმენტს იყენებდეს, რომ ეს ყველაფერი ნამდვილ პანიკაში არ გადავიდეს. ამ მხრივ რამეს აკეთებენ საერთოდ? ან რას აკეთებს ახლა ეროვნული ბანკი? გასაგებია, რომ ინტერვენციები ცუდია, მაგრამ ასეთ ვითარებაში ვალდებულია ვითარება რაღაცნაირად დააბალანსოს. პრობლემა კი არ წყდება, პირიქით ყოველდღიურად უარესდება ამ იპოთეკარების მდგომარეობა. ცვლილებების ამოქმედების დროს უკვე ისეთი კურსი შეიძლება იყოს, მინუს 20 პუნქტით შემცირება ვერც ვერაფერს ნიშნავდეს და ვერც პრობლემას წყვეტდეს," -აღნიშნა ხუხაშვილმა.

 

 

BPN.GE



რაზე ესაუბრა გახარია საპარლამენტო უმრავლესობას?-პირველი კომენტარი

 რაზე ესაუბრა გახარია საპარლამენტო უმრავლესობას?-პირველი კომენტარი
access_time2019-11-15 20:33:48
ქვეყანას პროპორციული სისტემა ექნება, როგორც ეს გვაქვს კონსტიტუციაში - 2024 წლიდან, - ამის შესახებ საქართველოს პრემიერ-მინისტრმა ჟურნალისტებს გიორგი გახარიამ პარტია „ქართული ოცნება - დემოკრატიული საქართველოს“ ოფისში განუცხადა. როგორც გახარიამ აღნიშნა, პროპორციული საარჩევნო სისტემა ხარისხობრივად ცვლის...

სალომე ზურაბიშვილი ხელისუფლებას და ოპოზიციას მიმართავს

სალომე ზურაბიშვილი ხელისუფლებას და ოპოზიციას მიმართავს
access_time2019-11-15 19:57:11
საქართველოს პრეზიდენტი სალომე ზურაბიშვილი შექმნილ მდგომარეობასთან დაკავშირებით განცხადებას ავრცელებს. „პირველ რიგში, მინდა, ხაზი გავუსვა იმას, რომ ჩვენს ქვეყანაში შექმნილი დაძაბულობიდან და პოლარიზაციიდან გამომდინარე, ჩვენი ერთობლივი მონაპოვრის - სტაბილურობის შენარჩუნება არის ჩემი მთავარი საზრუნავი და ხალხის მოთხოვნა. ამ მოთხოვნას ყველამ პატივი უნდა ვცეთ. ჩვენი საზოგადოება გადაიღალა მუდმივი სკანდალებითა და კრიზისებით. მას სჭირდება პერსპექტივის დანახვა...

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს
access_time2019-11-15 18:17:34
საავიაციო სფეროს ახალი მოთამაშე შეემატა. ავიაკომპანია Myway Airlines-ის ყოფილმა მეწილემ და კომერციულმა დირექტორმა იგორ აფციაურმა თანამოაზრეებთან ერთად კომპანია Aero Georgia Group-ი ჩამოაყალიბა, რომელიც რამდენიმე მიმართულებით იმუშავებს, თუმცა მისი საქმიანობა მაინც ავიაციასთან იქნება მჭიდრო კავშირში. იგორ აფციაური ამბობს, რომ ავიაციის სფეროში მომუშავე საკუთარი კომპანიის დაფუძება დიდი ხანია სურდა. ქართული ავიაკომპანია Aero Georgia Group-ი საქმიანობა...

ეკონომიკა და ლარის კურსი მორიგი დიდი დარტყმის წინაშეა

ეკონომიკა და ლარის კურსი მორიგი დიდი დარტყმის წინაშეა
access_time2019-11-15 19:45:18
20 ივნისის შემდეგ, ქვეყანაში ვითარება 14 ნოემბერს დაიძაბა. სახელმწიფო კიდევ ერთი არასტაბილურობის საფრთხის წინაშეა. პოლიტიკური ვითარება რომ ჩიხშია, ფაქტია. ახლა მთავარია რა ეკონომიკურ ბერკეტს იპოვნის ხელისუფლება, რომ ქუჩის პროტესტმა ეროვნულ ვალუტას და მთლიანად ეკონომიკას მორიგი დარტყმა არ მიაყენოს. ახლა ყველაფერი პროტესტის მასშტაბსა და ხანგრძლივობაზეა დამოკიდებული. 2019 წლის 19 ივნისის მდგომარეობით, 1 აშშ დოლარის ღირებულება 2,7664 ლარის უტოლდებოდა. 20-21 ივნისს...

რა შეიცვლება 2020 წლიდან თბილისის სატრანსპორტო პოლიტიკაში

რა შეიცვლება  2020 წლიდან თბილისის სატრანსპორტო პოლიტიკაში
access_time2019-11-15 22:30:57
გერმანული კომპანიის - „გოპა“ სპეციალისტებმა თბილისის მერიის, საჯარო უწყებებისა და სატრანსპორტო კომპანიების წარმომადგენლებს თბილისში „ჭკვიანი სატრანსპორტო სისტემების“ განვითარების მიმართულებები გააცნეს. მერიის ტრანსპორტის საქალაქო სამსახურის ცნობით, 2020 წლიდან მერია სატრანსპორტო ნაკადების მართვის კომპლექსურ პლატფორმას ქმნის. იგი ხელს შეუწყობს ტრანსპორტის მენეჯმენტის დახვეწას, გზებზე ტრანსპორტის გამტარიანობის გაზრდასა და საცობების...


მსგავსი სიახლეები

up