რატომ ვერ ხდება აზარტული თამაშების რეკლამის მონიტორინგი?

რატომ ვერ ხდება აზარტული თამაშების რეკლამის მონიტორინგი?

access_time2022-07-19 12:00:15

„ლატარიების, აზარტული და მომგებიანი თამაშების შესახებ“ კანონის მიხედვით რეკლამის განთავსება მედიაში მარტიდან აიკრძალა. ლუდომანიასთან ბრძოლის სახელით დაწყებული აკრძალვა, მნიშვნელოვნად რომ დააზარალებდა სარეკლამო ბაზარს და მედიასაშუალებების ფინანსურ დამოუკიდებლობას, ეს თავიდანვე ცხადი იყო, ცხადი იყო ისიც, რომ გლობალურ ქსელში, გაუკონტროლებელი აღმოჩნდებოდა უცხოური საიტები. აკრძალვიდან 5 თვეში ფაქტია, რომ კანონპროექტი მხოლოდ ქართულ ვებგვერდებს შეეხო და უცხოურ საიტებზე ქართული აზარტული თამაშების რეკლამირება გრძელდება.


„კომერსანტი“ ამ პრობლემაზე ადრეც წერდა, მაშინ ჩვენთან საუბარში რეგიონული მაუწყებლების ალიანსის დირექტორი ნათია კუპრაშვილი და „ახალგაზრდა ფინანსისტთა და ბიზნესმენთა ასოციაციის“ ხელმძღვანელი გიორგი კაპანაძე აცხადებდნენ, რომ კანონპროექტი ძალიან ნაჩქარევად მიიღეს და გარდა იმისა, რომ მან მედია საშუალებებს დიდი პრობლემები შეუქმნა, კონტროლის პრობლემაც აშკარაა.


რას კრძალავს რეალურად კანონი და ვის ეკისრება პასუხისმგებლობა მის კონტროლზე და მონიტორინგზე, ამ თემაზე „კომერსანტი“ ფინანსთა სამინისტროს სათამაშო ბიზნესის პოლიტიკის სამმართველოს ხელმძღვანელს ლაშა პიტნავას დაუკავშირდა. მისი თქმით, ადმინისტრირებას სხვადასხვა სივრცეში სხვადასხვა ორგანოები, მათ შორის შემოსავლების სამსახური და შინაგან საქმეთა სამინისტრო ახდენენ.


„ლატარიების, აზარტული და მომგებიანი თამაშების შესახებ კანონის მიხედვით, აიკრძალა ნებისმიერი რეკლამა, შესაბამისად არცერთი რეკლამა არ უნდა გავრცელდეს ქართულ სივრცეში, თუ მაინც გავრცელდება, შესაბამისმა უწყებებმა, განსაზღვრულია თუ რომელ ნაწილში რომელმა სტრუქტურებმა, უნდა განახორციელონ ადმინისტრირება და დაჯარიმება. იქნება ეს სატელევიზიო, გარე სივრცეში თუ ინტერნეტ რეკლამა, ყველა შემთხვევაში კანონი მოქმედებს, რომლის მიხედვითაც განსაზღვრულია ვის რა პასუხისმგებლობა ეკისრება, მათ შორის რეკლამის გამავრცელებელს, დამკვეთს თუ სხვა.


ადმინისტრირებას სხვადასხვა სივრცეში სხვადასხვა ორგანოები ახდენენ. მაგალითად თბილისში ქუჩაში გარე რეკლამას არეგულირებს მუნიციპალიტეტი, სატელევიზიო რეკლამას შესაბამისი სტრუქტურა, რაღაც ნაწილში შემოსავლების სამსახური და შინაგან საქმეთა სამინისტრო.



ცალსახაა, რომ კანონის მიხედვით აზარტული და მომგებიანი თამაშების რეკლამას იმ ვებ-გვერდებზეც სადაც ქართველ მომხმარებელს აქვს წვდომა, იკრძალება, შემდეგი საფეხურია უკვე ადმინისტრირება, თუ როგორ ახდენენ ზემოთ აღნიშნული ორგანოები მონიტორინგს. ერთადერთი გამონაკლისი სახით არის დაშვებული სპორტული შეჯიბრებები სადაც დაშვებულია რეკლამა მაგალითად თუ კომპანია სპონსორია, ასევე აეროპორტში ბილბორდებზე არის დაშვებული, სხვა შემთხვევაში კი ადმინისტრირებაზეა დამოკიდებული“
, - ამბობს ლაშა პიტნავა.


ლატარიების, აზარტული და მომგებიანი თამაშობების მოწყობის შესახებ კანონში დაგეგმილი ცვლილებების თანახმად, მიხედვით, 25-წლამდე ადამიანებს ყველა სახის აზარტული თამაშები აკერძალებათ, გარდა წამახალისებელი ლატარიებისა. კანონდარღვევა პირველ ჯერზე ორგანიზატორის 10 ათასი ლარით, განმეორების შემთხვევაში კი 20 ათასი ლარით დაჯარიმებას ითვალისწინებს.


იკრძალება აზარტული თამაშების რეკლამა, თუმცა, არის გამონაკლისების სია, რა შემთხვევვაშიც რეკლამა დაშვებულია, მაგალითად, კანონპროექტში წერია, რომ:

  • რეკლამა იმ ვებგვერდზე განთავსებით ვრცელდება, რომელზედაც დაშვებულია სისტემურ-ელექტრონული ფორმით აზარტული თამაშობის ან/და ტოტალიზატორის მოწყობა;
  • იქ, სადაც მიმდინაროებს სპორტული ღონისძიება, კომპანია კი არის სპონსორი;
  • რეკლამა განთავსებულია საერთაშორისო მიმოსვლისთვის გახსნილ აეროპორტის ტერიტორიაზე ან/და სასაზღვრო-საბაჟო გამშვებ პუნქტზე.


ნინო თამაზაშვილი





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up