„რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი“, - ამ კითხვით მიმართა პარლამენტში ანგარიშის წარსადგენად მისულ საქართველოს პრემიერ მინისტრ გიორგი გახარიას დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ. ამასთან მმართველი გუნდის წევრმა საქართველოს პრემიერს ჰკითხა როგორ დაიხარჯება StopCov ფონდში ჩარიცხული თანხა.
„რატომ ვერ მოხერხდა რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი იმიტომ, რომ ოპოზიციის გარკვეულ ნაწილი, რომელიც ცინიკურ-დემაგოგიური ფრთა არის ირჩევს ისეთ სტრატეგიას, რომ იღებენ ერთ სეგმენტს ასახელებენ ერთ ციფრს და შემდეგ მსჯელობენ ეს საკმარისია თუ არა. არის შემთხვევა, როდესაც მიანიშნებენ ერთ წყაროს და ამით მთავრდება ხოლმე. ასეთი კითხვების ობიექტური პასუხი არის მთელი სურათის დანახვა, სადაც ჩვენი იმედია დავინახავთ რა შეზღუდა მთავრობამ, რა თქმა უნდა რომელი პრობლემები შეიზღუდა და რელევანტური იყო შეზღუდვა. მაშინ მოგვეცემა საშუელაბა ასეთ ოპინირებას მყარად გავცეთ პასუხი, რადგან მთლიანი სურათის დანახვა როგორც თქვენ ბრძანეთ არის მნიშვნელოვანი. ასევე ხაზი გაუსვით რომ საერთაშორისო მხარდაჭერის მთავარი პირობა არი ბალანსის დანახვა ბიუჯეტში და დიახ, არც ერთი შენიშვნის დამსმელი ასე არ უყურებს საკითხს და მთლიანი ბიუჯეტის ნახვა ძალიან მალე საჭირო იქნება. დღეს რატომ ვერ მოხერხდა რაიმე ხომ არ არის მიზეზი რის გამც ეს ისევ იზღუდება.
მეორე შეკითხვა ფონდს ეხება ძალიან ბევრმა ადამიანმა, ამ მნიშნელოვან ფონდში ძალიან ბევრი თანხა ჩადო და კარგი იქნება თუ გვეცოდინება პრინციპი ზუსტად როგორ დაიხარჯება ეს ფული. საერთო თანხა ჩაიწერება თუ იქნება რაღაც კონკრეტული მიმართულებები?
მესამე შეკითხვა შეეხება ზოგადად მმართველობის თემას. ბევრი შეკითხვა მოდის ასეთი -გასაგებია თანხა გასაგებია ადრესატი, მაგრამ მისვლის პროცედურებში არის ძალიან ბევრი ხარვეზი. მესმის რომ აქ ადამიანური რესურსის პრობლემაა, ყველა ამ თანხის მიმტანი სხვადასხვა ინსტიტუციაში და იოლი ნამდვილად არ არის, მაგრამ ამის მონიტორინგი სისტემა როგორი გაქვთ? თქვენ თუ ხედავთ ამ გამოწვევებს და როგორ გეგმავთ მოვაგვაროთ ეს კონკრეტული თემა?
მეორე შეკითხვა - რადგან ვფიქრობთ, რომ შესაძლოა ვირუსი გაგრძელდეს ის პროდუქტები რომელთაც ამ ეტაპზე სუბსიდიით მიუდექით ნოემბერში ასეთი მოცემულობა ისევ რომ დაადგეს არსებობს თუ არა რაიმე სტრატეგია სწორედ ასეთი უშუალო პროდუქტების მიმართ და ეს იქნება რეზერვების შექმნა თუ მათი კონკრეტული სტიმულირების მექანიზმები, რომ დადგეს ზუსტად ეგრე მოცემულობა შემოდგომაზე კონკრეტულად იმ პროდუქტის ჯგუფის მიმართ რა სტრატეგია გვაქს?“, განაცხადა რომან კაკულიამ.
ბაჩო ადამია