რატომ ვერ მიაწოდა “თეგეტამ” ავტობუსები თბილისის მერიას - კომპანიის განმარტება

რატომ ვერ მიაწოდა “თეგეტამ” ავტობუსები თბილისის მერიას - კომპანიის განმარტება

access_time2019-07-10 22:10:16

დიზელზე მომუშავე 90 ახალი ავტობუსი თბილისში მაისის დასაწყისში უნდა ჩამოსულიყო.მიუხედავად ამისა, დედაქალაქში ამ დრომდე მხოლოდ 50 ავტობუსი მოძრაობს, რომელიც თბილისის მერმა პირადად სწორედ მაისის დასაწყისში წარადგინა. 90 ახალი ავტობუსის 45 მილიონლარიან ტენდერში გასულ წელს “თეგეტა თრაქ ენდ ბასმა" გაიმარჯვა.


კომპანიამ ხელშეკრულება “თბილისის სატრანსპორტო კომპანიასთან” 2018 წლის აგვისტოში გააფორმა და ავტობუსების მიწოდებისთვის 9 თვე მიეცა. 9 თვეში MAN-ის ახალი ავტობუსები ჩაეშვა, თუმცა, მხოლოდ ნაწილი. გამოდის, რომ კომპანიამ ხელშეკრულებით ნაკისრი ვალდებულებები ვერ შეასრულა, რის გამოც ჯარიმის გადახდა მოუწევს.


რა გახდა კომპანიის მიერ ავტობუსების დაგვიანების მიზეზი, bm.ge-ს თავად კომპანიაში განუმარტეს. “თეგეტა მოტორსის” გენერალური დირექტორი ავთო წერეთელი ამბობს, რომ MAN-ის ავტობუსებზე მაღალი მოთხოვნა ფიქსირდება, რის გამოც მიწოდების დაგვიანება მოხდა.



“გამომდინარე იქიდან, რომ მთელს ევროპაში MAN-ის პროდუქციაზე არის ძალიან დიდი, უპრეცენდენტოდ დიდი მოთხოვნა, რომელმაც ბოლო წლების განმავლობაში განსაკუთრებულად მოიმატა მისი მაღალი პოპულარობის გამო, მომწოდებელმა ვერ მოასწრო სრულად წარმოება. მეორე მხრივ, მინდა დაგარწმუნოთ, რომ ჩვენ მივმართეთ ძალიან დიდი ძალისხმევა ამ თვეების განმავლობაში და მოვახერხეთ, რომ 50 ერთეული ამ ავტობუსების მიგვეწოდებინა თბილისის მუნიციპალიტეტისთვის”,- აცხადებს ავთო წერეთელი.


მთავარი კითხვა, როდის ექნება საქართველოს დედაქალაქს დიზელზე მომუშავე ავტობუსების სრული რაოდენობა - 90 ერთეული- ამაზე პასუხი დღეს “თეგეტაში” უჭირთ და ამბობენ, რომ თავად გერმანულ მწარმოებელ MAN-ზე არიან დამოკიდებული. თუმცა, ხაზგასმით აღნიშნავენ, რომ ვალდებულებები აუცილებლად შესრულდება და ეს 2019 წლის ბოლომდე მოხდება.


“რისკები ყოველთვის გათვლილია, მით უმეტეს მსგავსი მასშტაბის პროექტებზე. თუმცა, მიუხედავად ამისა, მაინც ხდება გარკვეული მოულოდნელობები. ამაში გასაოცარი არ არის არაფერი. ახლა მიდის აქტიური მუშაობა იმაზე, რომ ეს ჩამორჩენა მალე იქნას დაძლეული და შემოვიდეს ავტობუსები ქალაქში”,- აცხადებს ავთო წერეთელი.


BMG





Le Monde: ავსტრალიური ხანძრები - დამთბარი მსოფლიოს მომავალი

Le Monde: ავსტრალიური ხანძრები - დამთბარი მსოფლიოს მომავალი
access_time2020-01-19 18:00:38
დედამიწა იწვის - პირდაპირი გაგებით. ავსტრალიაში, ამაზონიაში, კამბოჯაში ასობით ათასი ჰექტარი ტყეები გახვეულია ცეცხლში, რაც იწვევს ადამიანების დაღუპვას, ფლორის განადგურებას, და ფაუნის გადაშენებას.   ეს დრამატული მოვლენები  - მხოლოდ უმნიშვნელო მინიშნებაა იმაზე, თუ რა ელის კაცობრიობას დამთბარ მსოფლიოში. 14 იანვარს გამოქვეყნებული ინგლისელი და ავსტრალიელი მეცნიერების კვლევის თანახმად, კლიმატი სწრაფად იცვლება თითქმის ყველგან, რაც ზრდის ხანძრების...

„ვალები სტრესს იწვევს“ - ამსტერდამის მთავრობა ახალგაზრდების სესხებს შეისყიდის

„ვალები სტრესს იწვევს“ - ამსტერდამის მთავრობა ახალგაზრდების სესხებს შეისყიდის
access_time2020-01-19 11:00:31
ამსტერდამის მთავრობამ გადაწყვიტა, ახალგაზრდების ვალები შეისყიდოს და ისინი სესხებისგან გაათავისუფლოს.   როგორც Guardian -ი წერს, ნიდერლანდელი ახალაგზრდები სულ უფროდაუფრო მეტ სესხს იღებენ და ეს ევროპაში ერთგვარი ტრენდი გახდა, მათ შორის დიდ ბრიტანეთში. მიზეზი ხშირ შემთხვევაში, ძვირადღირებულები საგანმანათლებლო კურსების დამთავრებაა.   პროექტის თანახმად, მუნიციპალური საკრედიტო ბანკი კრედიტორებთან ვალების შესყიდვაზე მოლაპარაკებებს...

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია
access_time2020-01-18 21:00:59
მინდა გითხრათ, რომ ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია, - ამის შესახებ დამოუკიდებელმა დეპუტატმა ლევან კობერიძემ პარლამენტის ბიუროს სხდომაზე განაცხადა.   მისი განმარტებით, სამედიცინო სერვისები მოქალაქეებს შეფერხებით მიეწოდება, 520-ე დადგენილება კი არც რეფორმა არ არის და არც ფასწარმოქმნა.   „დადგენილების ამოქმედებიდან 2 თვეზე მეტი გავიდა და მთავრობის წევრებთან მხოლოდ რამდენიმე პიარ შეხვედრა ჩატარდა, მე ასე...

ვის ეკუთვნის და რა შემოსავალზე მუშაობს „ისთ ფოინთი“ - როგორი იყო კომპანიის ფინანსური მაჩვენებლები 2018 წელს

ვის ეკუთვნის და რა შემოსავალზე მუშაობს „ისთ ფოინთი“  - როგორი იყო კომპანიის ფინანსური მაჩვენებლები 2018 წელს
access_time2020-01-19 16:00:49
სავაჭრო ცენტრმა „ისთ ფოინთმა“, რომელიც 2015 წლის სექტემბერში გაიხსნა, 2018 წელი ზარალით დაასრულა. ამის შესახებ კომპანიის 2018 წლის ინდივიდუალური ანგარიშიდან...

„მომდევნო კვირიდან თბილისში 18 მეტრიანი ავტობუსი დაიწყებს მოძრაობას“

„მომდევნო კვირიდან თბილისში 18 მეტრიანი ავტობუსი დაიწყებს  მოძრაობას“
access_time2020-01-18 17:00:42
„მომდევნო კვირიდან თბილისში 18 მეტრიანი ავტობუსი დაიწყებს მოძრაობას სატესტო რეჟიმში“ - ამის შესახებ ტრანსპორტის საქალაქო სამსახურის ხელმძღვანელი ვიქტორ წილოსანი „ფეისბუქის“ პირად გვერდზე...


მსგავსი სიახლეები

up