სოსო ჯაჭვლიანისა და მისი შპს-სთვის ბიუჯეტიდან უსარგებლოდ გაწეული  ხარჯი - თეთნულდის განვითარების ახალი გეგმა 2 წლის მანძილზე ვერ დაამტკიცეს

სოსო ჯაჭვლიანისა და მისი შპს-სთვის ბიუჯეტიდან უსარგებლოდ გაწეული ხარჯი - თეთნულდის განვითარების ახალი გეგმა 2 წლის მანძილზე ვერ დაამტკიცეს

access_time2018-12-03 20:00:00

შპს „თეთნულდი დეველოპმენტი“ უახლოეს თვეებში გაუქმდება. ამის შესახებ bm.ge-ის თავად კომპანიაში განუცხადეს. როგორც შპს „თეთნულდი დეველოპმენტში“ განმარტავენ, კომპანიამ დაასრულა დაკისრებული ვალდებულებები და შესაბამისად, უახლოესი რამდენიმე თვის განმავლობაში ის შეწყვეტს ფუნქციონირებას.


თემის აქტუალობიდან გამომდინარე, „კომერსანტი“ გთავაზობთ მასალას, რომელიც გამოცემამ რამდენიმე კვირის წინ გამოაქვეყნა.


ყოფილმა პრემიერ-მინისტრმა გიორგი კვირიკაშვილმა თეთნულდის სამთო–სათხილამურო განვითარების ახალი ფაზის დაწყება  ჯერ კიდევ 2016 წელს დაანონსა. მაშინვე ინფრასტრუქტურის უფრო ეფექტიანი მართვისთვის, მთის კურორტების განვითარების კომპანიის ფარგლებში, სპეციალური შპს-ც შეიქმნა. ახალი სტრუქტურის ხელმძღვანელობა  კი სოსო ჯაჭვლიანს ჩაბარდა, რომელიც იმ დროს „ქართული ოცნების“  მეორე საპარლამენტო არჩევნების სიაში ვერ მოხვდა. 


გასულ წელს ყოფილმა დეპუტატმა „კომერსანტთან“ განაცხადა, რომ მას შემდეგ, რაც დაიდებოდა თეთნულდის განაშენიანების გეგმა, მისი განვითარებაც დაიწყებოდა.



რა ეტაპზეა თეთნულდის განვითარება?


როგორც აღმოჩნდა, კურორტ „თეთნულდის“ განვითარება ამ დრომდე არ დაწყებულა. მიზეზი, ხელისუფლების მიერ პროექტების განხორციელების დაბალი ტემპია. რეალურად, კი ამით ისევ და ისევ მოსახლეობა ზარალდება. მთის კურორტების განვითარების კომპანიის ფარგლებში, შექმნილი სპეციალური შპს-სა და მისი ხელმძღვანელისთვის გადახდილი სახელფასო ანაზღაურება, სახელმწიფო ბიუჯეტიდან გაწეული უსარგებლო ხარჯი აღმოჩნდა. იქამდე სანამ, სახელმწიფო სვანეთის, ამ შემთხვევაში კი, თეთნულდის და სოფელ მულახის განაშენიანების რეგულირების გეგმას არ დაამტკიცებს, ვერც სოსო ჯაჭვლიანი და ვერც სხვა პირი, თეთნულდის განვითარებას ვერ შეძლებს.



თავად, სოსო ჯაჭვლიანი, მას შემდეგ,რაც „კომერსანტისგან“ თეთნულდის განვიტარებასთან დაკავშირებული კითხვები მოისმინა არც სატელეფონო ზარებს პასუხობს და არც სმს შეტყობინებებს.



მთის კურორტების კომპანიის ყოფილი ხელმძღვანელი და ახლა უკვე ეკონომიკის მინისტრის მრჩეველი სანდრო ონოფრიშვილი „კომერსანტთან“ განმარტავს,რომ თეთნულდის განაშენიანების გეგმაზე მუშაობა თითქმის დასრულებულია. გარდა ამისა, თეთნულდში უკვე მოეწყო 5 საბაგირო ხაზი და დარჩენილია 1 ხაზი - რომლის მშენებლობაც დაახლოებით 2 წელში დასრულდება. ონოფრიშვილი აცხადებს, რომ პროექტი საქართველოსა და საფრანგეთის მთავრობებს შორის დადებული ხელშეკრულებით ხორციელდება, რომლის ფარგლებშიც 18 მილიონი ევროს ღირებულების სესხია გამოყოფილი.



ეკონომიკის სამინისტროში განმარტავენ, რომ თეთნულდის სივრცითი მოწყობის გეგმა უკვე მზად არის და ახლა დოკუმენტაციების შეჯერება მიმდინარეობს.უწყებაში ამბობენ, რომ მას შემდეგ, რაც გეგმა დამტკიცდება, გადაიგზავნება ადგილობრივ მუნიციპალიტეტში და მას მესტიის საკრებულო დაამტკიცებს.



თეთნულდის განაშენიანების გეგმის დამკიცების მოლოდინში არიან ადგილობრივებიც. სოფელ მულახის წარმომადგენელი სოსო ზურაბიანი აცხადებს, რომ თეთნულდში დღემდე მხოლოდ ნაყარი მიწა გადასწორდა და გამწვანებისთვის ბალახი დაითესა. ზურაბიანი იმედოვნებს, რომ მას შემდეგ, რაც განაშენიანების გეგმა დამტკიცდება და კონკრეტულად განისაზღრება სად რა უნდა გაკეთდეს, ინვესტიციებიც გააქტიურდება და ადგილობრივად ეკონომიკური აღმშენებლობაც დაიწყება.



მესტიის გამგებელი კახა ჟორჟოლიანი აცხადებს, რომ კურორტით არაერთი უცხოელი ინვესტორი ინტერესდება, თუმცა, იმის გამო, რომ არ არსებობს გენერალური განაშენიანების გეგმა, მათ ვერაფერს ვერ სთავაზობენ. მისი თქმით, როდესაც ინვესტორს რაღაცას სთავაზობ,ის კანონით უნდა იყოს გამყარებული.



კითხვაზე, რატომ ვერ მოხერხდა ამ დრომდე თეთნულდის განვითარების გეგმის დამტკიცება,ჟორჟოლიანი აცხადებს, რომ გარკვეული პერიოდის წინ, მათთან გადაგზავნილი იქნა გეგმის ნაწილი, რომელსაც არ ახლდა ეკონომიკური დასაბუთება. სწორედ ეს გახდა გეგმი სამინისტროში დაბრუნების მიზეზი. „დროში გაჭიანურებაც ალბათ ამან გამოიწვია“-განმარტავს ჟორჟოლიანი.



როგორც ცნობილია, საქართველოს ყოფილმა პრემიერმინისტრმა გიორგი კვირიკაშვილმა 2017 წლის სექტემბერში განაცხადა, რომ კურორტ თეთნულდის განვითარებაზე მთლიანობაში 100 მილიონი ლარი დაიხარჯებოდა.


თავად სოსო ჯაჭვლიანის ყოველთვიური ანაზღაურება კი, როგორც  „თეთნულდი დეველოპმენტის“ სამეთვალყურეო საბჭოს თავმჯდომარის, 6150 ლარია.  როგორც bm.ge-ს შპს „თეთნულდი დეველოპმენტში“ განუცხადეს, 2017 წლიდან დღემდე სოსო ჯაჭვლიანის დაქირავება სახელმწიფოს 129,950 ლარი დაუჯდა.






ავტორი: სოფო ქსოვრელი 


თეგები:
თეთნულდი



ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება

ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
access_time2020-06-04 09:25:22
ფინკა ბანკსა და სს სიმბიოტიკს (Symbiotics) შორის გაფორმდა შეთანხმება, რომლის მიხედვითაც მსოფლიოს ამ ერთერთი წამყვანი საინვესტიციო კომპანიისგან ფინკა ბანკმა მიკრო, მცირე და საშუალო მეწარმეების მხარდასაჭერად 15 მილიონი ლარი მიიღო. “ფინკა ბანკისთვის ძალიან მნიშვნელოვანია საინვესტიციო კომპანია სიმბიოტიკსთან თანამშრომლობა. დღეს ხელმოწერილი 15 მილიონი ლარის სასესხო ხელშეკრულებით განსაზღვრული აქტივობები დაგვეხმარება გავაგრძელოთ ჩვენი მომხმარებლების მომსახურება, განსაკუთრებით კი...

BAG სამშენებლო სექტორში ახალ რეგულაციებზე მუშაობას იწყებს

BAG სამშენებლო სექტორში ახალ რეგულაციებზე მუშაობას იწყებს
access_time2020-06-04 10:10:02
საქართველოს ბიზნეს ასოციაციამ (BAG) მშენებლობისა და ინფრასტრუქტურის კომიტეტის სხდომა დისტანციურ რეჟიმში გამართა. შეხვედრაში ასოციაციის ის წევრი კომპანიები მონაწილეობდნენ, რომლებიც სამშენებლო სექტორსა და უძრავი ქონების ბაზარზე ოპერირებენ. მნიშვნელოვანია, რომ შეხვედრის მონაწილეები შეეხნენ იმ პრობლემატიკას, რომელიც მშენებლებსა და დეველოპერებს ბოლო წლებია აწუხებთ და რომელთა გადაწყვეტაც პოზიტიურად აისახება სექტორის განვითარებაზე მაშინ, როცა პანდემიის...

არაკომპეტენტური ჯანდაცვის მინისტრი და ცირკად ქცეული გადაწყვეტილება-ლევან კობერიძე ეკატერინე ტიკარაძის პარლამენტში არ გამოცხადებას აფასებს

არაკომპეტენტური ჯანდაცვის მინისტრი და ცირკად ქცეული გადაწყვეტილება-ლევან კობერიძე ეკატერინე ტიკარაძის პარლამენტში არ გამოცხადებას  აფასებს
access_time2020-06-03 18:25:54
მესამე უარი პარლამენტს ჯანდაცვის მინისტრ  ეკატერინე ტიკარაძისგან. მინისტრის არაკვალიფიციურობა თუ კითხვებზე თავის განზრახ არიდება. ეკატერინე ტიკარაძის  გადაწყვეტილებას დამოუკიდებელი დეპუტატი ლევან კობერიძე არაპროფესიონალურ ნაბიჯად და კანონის დარღვევად  აფასებს.   კობერიძე მიიჩნევს, რომ მინისტრის პარლამენტში არ მისვლა, კომიტეტის შეურაცხყოფაა და მისი თქმით, მსგავსი ფაქტები  ცირკში ხდება.   „უკვე მესამედ დაარღვია კანონი...

3 ივნისი - ქართული ლარი 3 თეთრით გამყარდა, თურქული ლირა გაუფასურდა

3 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-03 19:15:45
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 3 ივნისის ვაჭრობის...

დღის Top-10 საინტერესო ამბავი

დღის Top-10 საინტერესო ამბავი
access_time2020-06-03 21:30:39
დღის Top-10 საინტერესო ამბავი 1.რამ განაპირობა პირველ კვარტალში სადაზღვევო ბაზრის მოგების გაორმაგება? 2020 წლის 3 თვის განმავლობაში საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 211,1 მილიონი...


მსგავსი სიახლეები

up