ავიაკომპანია „ჯორჯიან ერავეზისის“ ყოფილი გენერალური დირექტორი იასე ზაუტაშვილი სოციალურ ქსელ faceebook-ში სტატუსს აქვეყნებს, რომელსაც „კომერსანტი“ უცვლელად გთავაზობთ: „ტურიზმს დედა აღარ ჰყავს.

ყურადღებით ვუსმინე ნათია თურნავას ტურიზმის ამოქმედების გეგმას. ავტომატურად გამიჩნდა რამოდენიმე შეკითხვა, კერძოდ:

1. დღეს ტურისტული კომპანიების აბსოლუტური უმრავლესობა გაჩერებული ან გაკოტრებულია, რომელ საშემოსავლო ან ქონების გადასახადის გადავადებაზე . ვსაუბრობთ?

2. რამდენ ხანში უზრუნველყოფს „ტავ ურბანი“ თბილისის აეროპორტის მოდერნიზირებას კოვიდ-უსაფრთხოების ნორმების მიხედვით?

3. რატომ ვაიგნორებთ  ქართულ ავიაკომპანიებს? ეს ტურისტები ციდან დაგვეყრება, თუ შიდა ფრენებზე თურქიში მოგემსახურებათ? დღეს ყველა მათგანი გაკოტრების რეჟიმშია ფაქტიურად და სუბსიდირება პირველ რიგში მათკენ უნდა მიმართოთ, თუ გინდათ რომ სასტუმროები დაიტვირთოს, წინააღმდეგ შემთხვევაში სასტუმროებზე გაცემული დახმარებაც წყალში გადაყრილი გამოვა.

4. არაფერია ნათქვამი სახმელეთო ტრანსპორტით მომსახურების ხელშეწყობაზე, სამაგიეროდ,  გიდებს ხომ ვამზადებთ, გიდებს...

5. თქვენ აჟღერებთ მხოლოდ იმ თანხებს რასაც იზარალებს ბიუჯეტი საშემოსავლო და ქონების გადასახადისგან. სად არის კონკრეტულად ნათქვამი ბიუჯეტი რა თანხით, რომელი მოზიდული თანხებიდან ეხმარება, ანუ მარტივად რომ ვთქვათ რა ფულს ჩაასხავთ ამ სექტორში, რომ გადარჩეს?

6. ბოლო შეკითხვა: რამდენ ხანში დასამარდება სამუდამოდ ქართული ტურისტული ბიზნესი თქვენს მიერ შემოთავაზებული გეგმის მიხედვით?“-წერს ზაუტაშვილი.