რატომ ტოვებენ თანამშრომლები ჯეფ ბეზოსის კოსმოსურ კომპანიას

რატომ ტოვებენ თანამშრომლები ჯეფ ბეზოსის კოსმოსურ კომპანიას

access_time2021-10-09 18:00:17

2021 წელს მსოფლიოს უმდიდრესი ადამიანის, Amazon-ის დამაარსებლის, ჯეფ ბეზოსის, აეროკოსმოსური კომპანია თანამშრომელთა 20%-მა დატოვა. ეს უჩვეულოდ მაღალი მაჩვენებელია. როგორც წესი, ბეზოსის კომპანიებიდან კადრების გადინება წელიწადში 8-9%-ს შეადგენს. იმის გათვალისწინებით, რომ Blue Origin-ში 4000 ადამიანი მუშაობს, გამოდის, რომ კომპანია ასეულობით თანამშრომელ მადატოვა. წასულებს შორის არიან ტექნიკური სპეციალისტები და ტოპ-მენეჯერები, რომელთა ნაწილი კონკურენტ კომპანიაში, ილონ მასკის SpaceX-ში, დასაქმდნენ.

 Blue Origin-დან კადრების გადინების პირველი ეტაპი დაკავშირებული იყო მთვარეზე გასაფრენი პილოტირებადი აპარატის შექმნასთან. პროექტი NASA-მ არა Blue Origin-ს, არამედ SpaceX-ს შეუკვეთა, რასაც ბეზოსი არ დაეთანხმა და აეროკოსმოსურ სააგენტოს სასამართლოში უჩივლა. საჩივრის შეტანიდან 3 დღეში კომპანია 17 მთავარმა თანამშრომელ მადატოვა, მათ შორის იყვნენ ინჟინრები და მეცნიერები, რომლებიც უშუალოდ საფრენი აპარატების შექმნაზე იყვნენ პასუხისმგებლები. მათ კომპანიის დატოვების მიზეზები არ ახსნეს, მაგრამ გავრცელებული ინფორმაციით, ისინი უკმაყოფილოები იყვნენ კომპანიაში ნელი მუშაობით და ბიუროკრატიული ბარიერებით.

 

დღეს აეროკოსმოსურ დარგში ძალიან მწვავე კონკურენციაა და ნიჭიერ სპეციალისტებზე მოთხოვნა მაღალია. თუ გავითვალისწინებთ, რომ Blue Origin კადრების შერჩევის უფროსმა დირექტორმა, კრისტალ ფრიონდმაც დატოვა,  ახალი კადრების მოძიებაც შესაძლოა პრობლემა გახდეს.

 

მაღალკონკურენტული ბაზარი არაა ბეზოსის კოსმოსური პროექტის ერთად-ერთიპ რობლემა.

 

30 სექტემბერს ქსელში გავრცელდა კოლექტიური წერილი, რომელსაც ღიად ხელი მოაწერა კომპანიის თანამშრომლებთან ურთიერთობათა განყოფილების ყოფილმა უფროსმა ალექსანრდა აბრამსმა, ანონიმურობის პირობებზე კი Blue Origin-ის 20-მ თანამშრომელმა.

 


„ბეზოსს სურს უკეთესი მომავლის შექმნა კოსმოსში, თუმცა, აქ, დედამიწაზე, მისი კომპანია ტოქსიკურ წარსულშია გაჭედილი“ - ნათქვამია განცხადებაში.

 

წერილში მოთხრობილია კომპანიაში შექმნილი მდგომარეობის შესახებ, იმაზე, რომ განყოფილებების უფროსები ქალებს დასცინიან და მათ „თოჯინებს“ ეძახიან, რომ კომპანიაში ქალები სექსუალური შევიწროების მსხვერპლები ხდებიან, რომ კომპანიის მენეჯმენტი არანაირად არ ცდილობს ატმოსფეროში მავნე ნივთიერებების გამოყოფის შემცირებას. წერილის ავტორთა აზრით, Blue Origin-ის კოსმოსური ხომალდები საშიშია და მათი ექსპლუატაცია უნდა აიკრძალოს. კომპანიაში შექმნილ მდგომარეობას ისინი აფასებენ, როგორც „ტოქსიკურ კულტურას“, რომელიც პერსონალს შესაძლებლობების ზღვარზე მუშაობას აიძულებს და მათ ფსიქიკას ზიანს აყენებს. მათ ასევე შეაფასეს კომპანიაში მუშაობის გამოცდილება, როგორც არაადამიანური დამონური.

 

„მილიარდერებს მოსწონთ საკუთარი თავის ალტრუისტებად და ქველმოქმედებად წარმოჩენა. თუმცა ეს არის მათი გუნდების მიერ შექმნილი ილუზია,“ - ნათქვამია წერილში.

 

Blue Origin-ის მენეჯმენტმა ეს წერილი ცილისწამებად შეაფასა და საპასუხო განცხადება გაავრცელა, სადაც განმარტა, რომ ღია წერილის მთავარი ავტორი ალექსანდრ ააბრამსი სამსახურიდან დაითხოვეს საექსპორტო კონტროლის ფედერალური ნორმების მრავალგზის უხეში დარღვევის გამო.

 

პასუხში ასევე ნათქვამია, რომ ქალების შევიწროება კომპანიაში არ ხდება, ხოლო Blue Origin-ის მიერ შექმნილი კოსმოსური ხომალდები სრულიად უსაფრთხო და მაღალხარისხიანია.

 

ეს არ არის ჯეფ ბეზოსის ბიზნესის კრიტიკის ერთად-ერთი შემთხვევა. ჯერ კიდეც 2019 წლის მარტამდე მუშაობის აუტანელი პირობების შესახებ Amazon-ის ყოფილმა თანამშრომლებმა აღწერეს კომპანიაში მუშაობის პირობები, როგორც „შოკისმომღვრელად მტრული, და თანამშრომელთა ფსიქიკისთვის დამანგრეველი“.

 

ავტორი: თენგიზ აბლოთია






ლარის კურსი დოლართან და ევროსთან გამყარდა, რუბლთან გაუფასურდა

ლარის კურსი დოლართან და ევროსთან გამყარდა, რუბლთან გაუფასურდა
access_time2021-12-03 18:00:48
3 დეკემბრის ვაჭრობის შედეგად ლარი აშშ დოლართან მიმართებაში 0.73 თეთრით 3.1210-მდე გამყარდა. Bloomberg-ის პლატფორმაზე დღის ბოლოს კურსმა 3.1093 შეადგინა. საერთაშორისო ვალუტებიდან ლარი ევროსთან 1.39 თეთრით 3.5302-მდე, ბრიტანულ ფუნტთან 2.16 თეთრით 4.1447-მდე, ხოლო აზერბაიჯანულ მანათთან 0.46 თეთრით 1.8375-მდე, ლარი თურქულ ლირასთან 0.40 თეთრით 0.2291-მდე, 1000 სომხურ დრამთან 5.39 თეთრით 6.3327-მდე გამყარდა. 100 რუსულ...

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება
access_time2021-12-03 15:32:51
სადაზღვევო კომპანიები მოსახლეობისთვის მედიკამენტების ხელმისაწვდომობის გაზრდის მიზნით ინიციატივით გამოდიან. ისინი მთავრობას სთავაზობენ, მედიკამენტების ფასების რეგულირების ნაცვლად, სხვა სახის გადაწყვეტილებები იქნას მიღებული. მათი ნაწილის ინიციატივა შემდეგია: როგორც ცნობილია, 2017 წლიდან „საყოველთაო ჯანდაცვის“ პროგრამაში ცვლილებები შევიდა და დიფერენცირებული პაკეტები მოქმედებს. კერძოდ, ყოველთვიურად 1000 ლარზე ნაკლები შემოსავლის მქონე მოქალაქეები,...

დღის TOP10 საინტერესო ამბავი

დღის TOP10 საინტერესო ამბავი
access_time2021-12-03 21:00:10
დღის TOP10 საინტერესო ამბავი:     1. თემურ ჭიჭინაძე ენერგოკომპანიებთან დადებული ხელშეკრულებების გადახედვას ითხოვს ენერგომომარაგების ხელშეკრულებების უმეტესობა გაუმჭვირვალობის გამო უამრავ კითხვას აჩენს. ეს მხოლოდ ტარიფებს არ ეხება,  ენერგეტიკოსი თემურ ჭიჭინაძე აცხადებს, რომ თავიდან ბოლომდე  ეჭვს იწვევს როგორც ჰესების...

საქართველოში, მხოლოდ გრატოს სათბურებში მოყვანილი, შობის ვარსკვლავი

საქართველოში, მხოლოდ გრატოს სათბურებში მოყვანილი, შობის ვარსკვლავი
access_time2021-12-03 14:55:22
გრატო, ერთადერთი სათბურია საქართველოში, რომელსაც 10 წელია შობის ვარსკვლავი ადგილზე მოჰყავს. პოინსეტია ტროპიკული მცენარეა, ამიტომ მას ესაჭიროება კონკრეტული პირობების შექმნა, რაც გრატოს სათბურებში მაქსიმალურად არის მიღწეული. გრატოს სათბურებში, მცენარეებს, ჩითილის ფაზიდანვე უტარდება მუდმივი, ყოველკვირეული კონტროლი მავნებელ-დაავადებებზე. ვინაიდან, მათი ერთ-ერთი უმნიშვნელოვანესი ამოცანაა, მომხმარებელს მიაწოდონ ჯანმრთელი და ხარისხიანი მცენარე. ასევე, პოინსეტიას...

სამომხმარებლო კალათაში შემავალი 305 დასახელების პროდუქტიდან 270 გაძვირდა

სამომხმარებლო კალათაში შემავალი 305 დასახელების პროდუქტიდან 270 გაძვირდა
access_time2021-12-03 14:30:17
ნოემბერში საქართველოში ინფლაციის წლიურმა განაკვეთმა 12.5% შეადგინა, თუმცა ცალკეულ პროდუქციაზე ფასები ბევრად უფრო მეტად გაიზარდა. სამომხმარებლო კალათაში შესული 305 დასახელების პროდუქტიდან და მომსახურებიდან 270 შემთხვევაში ფასები გაიზარდა, 10 დასახელების პროდუქტზე უცვლელად შენარჩუნდა 25 შემთხვევაში კი შემცირდა.   ბოლო ერთ წელიწადში თევზის კონსერვი და მოხარშული ძეხვი 13-13 პროცენტით გაძვირდა, შოკოლადი, ნიგოზი, ბანანი და კარაქი 14-14 პროცენტით, შებოლილი ხორცი 16%-ით, სულგუნი...


მსგავსი სიახლეები

up