რატომ ტოვებენ მეიჯარეები მცირე სავაჭრო ცენტრებს?!

რატომ ტოვებენ მეიჯარეები მცირე სავაჭრო ცენტრებს?!

access_time2020-01-14 11:30:59

თბილისში ყოველდღიურად მატულობს იმ მაღაზიების რაოდენობა, რომლებიც მუშაობას აჩერებენ. ამის მიზეზი კი გაძვირებული პროდუქცია და შემცირებული მყიდველია. მცირე მეწარმეები ახალი საქონლის შემოტანაზე აღარ ფიქრობენ. ამ ეტაპზე ისინი არსებული პროდუქციის რეალიზაციაზე ზრუნავენ.

 

„კომერსანტი“ დაინტერესდა როგორ მუშაობენ თბილისში განთავსებული მცირე სავაჭრო ცენტრები და  განვითარების რა პერსპექტივას ხედავენ? 


 როგორც აღმოჩნდა, საახალწლო პერიოდის მიუხედავად მათ საქონლის რეალიზაცია გაუჭირდათ. სავაჭრო ცენტრ „პასაჟი 2000“-ში დასაქმებული მოვაჭრეები ამბობენ, რომ  ბოლო წლებია  საქონლის რეალიზაცია და რეალიზაციიდან მიღებული შემოსავალიც მნიშვნელოვნად შეუმცირდათ . თუმცა,  ყველაზე რთული პერიოდი წელს ჰქონდათ,  რადგან მოვაჭრეების დიდი ნაწილი იჯარით აღებული ფართის გადასახადს ვერ იხდის. ნაწილი კი სავაჭრო ცენტრს ტოვებს.

 

მაღაზიებში არსებულ საქონელზე მომატებულ ფასებს, მოვაჭრეები იმ მიზეზით ხსნიან, რომ პროდუქციას დოლარში ყიდულობენ  და ლარში  ყიდიან . სავალუტო კრიზისის გამო კი მოგებას ვეღარ ნახულობენ. 



სავაჭრი ცენტრ „პასაჟში“ მოვაჭრე თეა სეფიაშვილი ამბობს, რომ ბაზრობებსა და მოცულობით პატარა სავაჭრო ცენტრებში ყოველწელს უარესდება მდგომარეობა. „შარშანწინდელთან შედარებით შარშან უფრო ნაკლები მყიდველი გვყავდა, წელს კიდევ უფრო ნაკლები და მომდევნო თვეებში რა იქნება არ მინდა წარმოვიდგინო. უამრავი  ფინანსური ვალდებულება გვაქვს, როგორც საბანკო, ასევე იჯარის სახით.  გადახდას კი ვერ ვახერხებთ. ახალი წლის პერიოდს რაც შეეხება, საერთოდ არ გვიგრძვნია, რადგან მყიდველი არ გვყავდა. რაც შეეხება  ქირას, რომელსაც ფართში ვიხდით  არ გაგვზრდია, დირექცია შედის ჩვენს მდოგომარეობაში და ყველანაირად ცდილობს რომ არსებული იჯარა შეინარჩუნოს.“


ანალოგიურ მდგომარეობაზე საუბრობს, „პასაჟის“ კიდევ ერთი მოვაჭრე დალი სანაია. მისი თქმით,სარეალიზაციოდ საქონელი  უმეტეს შემთხვევაში უცხოეთიდან შემოაქვთ და შესაბამისად,დოლარს იხდიან. ფასებს ვერ ზრდიან, რადგან კლიენტი არ ჰყავთ. სანაიას თქმით, მისი კოლეგების დიდმა ნაწილმა ამ მიზეზის გამო სავაჭრო ცენტრი უკვე დატოვა.

 

„მიუხედავად იმისა, რომ იჯარის თანხა არ გაგვზრდია, იმასაც ვერ ვიხდი რაც დაწესებული გვაქვს. მიზეზი უმუშევრობაა, ახალი წლის დღეებშიც კი არ გვიმუშავია რომ სხვა დღეები გადაეწონა. გაუფასურებული ლარის პირობებში ვერც მყიდველი ახერხებს საჭირო ნივთის შეძენას და ვერც ჩვენ გაყიდვას. ამას ემატება დიდი სავაჭრო ცენტრები, კონკურენციის გამო მყიდველთა რაოდენობა შეგვიმცირდა. ბოლო ნახევარი წლის განმავლობაში  რამდენიმე თანამშრომელმა საერთოდ დაკეტა სავაჭრო ობიექტი“-ამბობს ლილი სანაია.


„კომერსანტი“ სავაჭრო ცენტრ „პასაჟი 2000“-ის დირექტორს დაუკავშირდა იმის გასარკვევად,ახერხებენ თუ არა მეიჯარეები იჯარის გადახდას და ლარის გაუფასურების გამო, გაეზრდებათ თუ არა ქირის ფასი. „პასაჟი 2000“-ის დირექტორი ნიკოლოზ საღარაძე გვპასუხობს, რომ მეიჯარეებს ყველანაირად ხელს უწყობენ. მისი თქმით, არ გაზრდიათ ქირის ხარჯი და არც სამომავლოდ იგეგმება, რადგან, მოვაჭრეებს არსებული იჯარის დაფარვაც უჭირთ.


ნათია ლომიძე




ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„კომერსანტის“ 22 იანვრის TOP 10 თემა

„კომერსანტის“ 22 იანვრის TOP 10 თემა
access_time2020-01-22 21:00:21
„კომერსანტის“ 22 იანვრის TOP 10 თემა 1.სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო 2.„სოფლის მეურნეობის დარგში სტაბილური განვითარების დინამიკა არ აღინიშნება„ 3.სამორინეების ინკოგნიტო...

Deutche welle: ამერიკა ჩინეთისთვის ენერგორესურსების მთავარი მიმწოდებელი გახდება

Deutche welle: ამერიკა  ჩინეთისთვის ენერგორესურსების მთავარი მიმწოდებელი გახდება
access_time2020-01-22 20:00:27
2021 წელს  აშშ-ს შეუძლია ჩინეთისთვის ენერგორესურსების მთავარი მიმწოდებელი გახდეს, და ჩაანაცვლოს რუსეთი, საუდის არაბეთი, ანგოლა, და ავსტრალია . ასეთი დასკვნამდე  გერმანიის ეკონომიკის ინსტიტუტი ამერიკულ-ჩინური სავაჭრო შეთანხმების შესწავლის შედეგად მივიდა.   როგორც ცნობილია, დოკუმენტს   ხელი 15 იანვარს ხანგძლივი სავაჭრო ომის შემდეგ მოეწერა.   კერძოდ, ჩინეთი იღებს თავის თავზე ვალდებულებას 2 წლის მანძილზე 200 მლრდ....

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...


მსგავსი სიახლეები

up