რატომ შეისყიდა შპს „ეფკომ“  საპარტნიორო ფონდის გაკოტრებული  4 მილიონიანი ბიზნესი 12 მილიონად

რატომ შეისყიდა შპს „ეფკომ“ საპარტნიორო ფონდის გაკოტრებული 4 მილიონიანი ბიზნესი 12 მილიონად

access_time2020-07-02 17:00:03

ლურჯი მოცვის პლანტაციების აქტივების მმართველი კომპანიის სს „ვანრიკ აგროს“ ვალდებულებები შპს „ეფკომ“ გადაიბარა. კომპანიის აქტივები აღსრულების ეროვნული ბიუროს მიერ გამოცხადებულ საჯარო აუქციონზე 2020 წლის 29 ივნისს გაიყიდა. აუქციონის სასტარტო ფასი 4 570 302 ლარს შეადგენდა. საჯარო აუქციონზე გამართული ვაჭრობის შედეგად, გამარჯვება ქართულმა კომპანია შპს „ეფკომ“ მოიპოვა და მძაფრი კონკურენციის პირობებში, 85 ბიჯის შემდეგ, სს „ვანრიკ აგროს“ აქტივები 12 339 817 ლარად შეიძინა.


სს „ვანრიკ აგროს“ მიმართ, მისი დირექტორის მიმართვის საფუძველზე, 2019 წლის მარტში დაიწყო გაკოტრების საქმისწარმოება, რამაც სს „ვანრიკ აგროს“ მისცა შესაძლებლობა, ამ წარმოების პერიოდში აუქციონით გადაეცა აქტივები სარგებლობაში შპს „ეფკოსთვის“.


შპს „ეფკოს“ თანადამფუძნებელი რატი მორჩილაძე „კომერსანტთან“ საუბრისას იმ მიზეზებზე ამახვილებს ყურადღებას რის გამოც გაკოტრებული სს „ვანრიკ აგროს“ აქტივები შეიძინეს.


„2015 წლის მაისის შემდეგ აღებული გვაქვს ამ პლანტაციის მენეჯმენტი, შესაბამისად, კარგად ვიცოდით მისი როგორც დადებითი ასევე უარყოფითი მხარეების შესახებ. მთავარი მიზეზი რატომაც გადავწყვიტეთ გაგვეკეთებინა ინვესტიცია და შეგვეძინა ეს პლანტაცია, მისი განვითარების უდიდესი პოტენციალია. ეს საკმაოდ მაღალი რესურსის მქონე პლანტაციაა, უბრალოდ როდესაც ჩავიბარეთ, ნერგები დეგრადირებული იყო და ბოლო 1 წლის განმავლობაში შევძელით, რომ არსებული ვითარება გამოგვეცოცხლებინა და ნერგები ახლა მაქსიმალურ მსხმოიარობაზეა. ამ პლანტაციის პოტენციალი ჩვენი მთავარი ამოსავალი წერტილია, როგორც ცნობილია დაახლოებით 250 ჰა. არის განსავითარებელი და დარწმუნებულები ვართ, რომ სწორი მიდგომით, ის გახდება ფართომაშტაბიანი პროექტი არამარტო ამ რაიონში, არამედ საქართველოში“, - განმარტა რატი მორჩილაძემ.



კომპანიის თანადამფუძნებლის თქმით, მიუხედავად იმისა, რომ საქართველოში მოცვის  წარმოება ევროპის მასშტაბებს ვერ უტოლდება, ექსპორტზე პროდუქციის გატანა მაინც იგეგმება და ძირითადი სავაჭრო მიმართულება დასავლეთ ევროპის ქვეყნები იქნებიან. რატი მორჩილაძე განსახორციელებელ ინვესტიციებზე და ვალდებულებებზეც საუბრობს, რომელიც კომპანიას საპარტნიორო ფონდის მიმართ აქვს.


„ინვესტიცია დაახლოებით 3-4 წლის განმავლობაში 6 მლნ. დოლარი იქნება. ასეთი დიდი ინვესტიციის განხორციელებამდე, საკმაოდ სკულპუროზული ანალიზი გავაკეთეთ, რამაც დაგვარწმუნა, რომ  ეს ინვესტიციაც და აუქციონზე გადახდილი თანხაც გამართლებულია. 7 წლის განმავლობაში საპარტნიორო ფონდთანაც უნდა დავფაროთ თანხა, თუმცა წელს უკვე  საკმაოდ მასშტაბურ მოსავალს ველოდებით, შესაბამისად უკვე ვგეგმავთ მოგებაზე გასვლას. შეგვიძლია თამამად ვთქვათ, რომ ეს პროექტი ფინანსურად 100%-ით გამართლებულია“, - განაცხადა რატი მორჩილაძემ.


შეგახსენებთ, რომ სს „ვანრიკ აგრო“ 2015 წელს დაარსდა და მის მთავარ საქმიანობას ლურჯი მოცვის მოყვანა, გადამუშავება და რეალიზაცია წარმოადგენდა. კომპანიის მფლობელობაში იყო ოზურგეთის მუნიციპალიტეტის დაბა ლაითურში მდებარე მიწის ნაკვეთი ნაწილობრივ განაშენიანებული ლურჯი მოცვის პლანტაციითა და გადამამუშავებელი საწარმოო ხაზით.


ნინო თამაზაშვილი

 



თეგები:
მოცვი ეფკო



აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება
access_time2020-09-24 14:00:38
აჭარაში 22:00 საათიდან რესტორნები დაიხურება, საზოგადოებრივი ტრანსპორტის გადაადგილება კი მთლიანად შეჩერდება.   შესაბამისი გადაწყვეტილება უწყებათაშორისმა საბჭომ მიიღო.   „ხვალიდან 22.00 საათიდან აჭარაში რესტორნები აღარ იმუშავებს, ასევე ხვალიდან მთლიანად გაჩერდება საზოგადოებრივი ტრანსპორტი“, - განაცხადა მთავრობის ადმინისტრაციის უფროსმა ნათია მეზვრიშვილმა.

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა
access_time2020-09-24 10:15:56
პროექტის „აქტიური ცხოვრება ჩემი სტიქიაა“ ფარგლებში, კომპანია „სოკარის“ მხარდაჭერით, სამშვიდობო მისიებსა და სხვადასხვა საომარ მოქმედებაში დაჭრილი ჯარისკაცებისა და ვეტერანებისთვის, თერჯოლაში, მეღვინეობა „მახარეში“ 8 დღიანი „ბანაკი 2020“ ჩატარდა. 20–ზე მეტმა დაჭრილმა სამხედრო მოსამსახურემ და საქართველოს სხვადასხვა რეგიონში მცხოვრებმა 100–ზე მეტმა შშმ პირმა საკუთარი ძალები 10 სხვადასხვა ინტეგრირებულ სპორტულ–კულტურულ შეჯიბრებაში მოსინჯა. მათ იასპარეზეს ნარდისა და დომინოს ტურნირებში,...

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა
access_time2020-09-24 11:30:45
„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების” დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით. ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ...

გიორგი გახარია - დღესაც, საქართველო მწვანე ზონად რჩება

გიორგი გახარია - დღესაც, საქართველო მწვანე ზონად რჩება
access_time2020-09-24 11:00:18
მობილობის ზრდის შედეგია ის, რაც დღეს ხდება, განსაკუთრებით აჭარაში, თუმცა ყველას კარგად უნდა გვესმოდეს, რომ ეს იყო აბსოლუტურად პროგნოზირებადი და ჩვენ ამისთვის ვემზადებოდით, -  ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.   მთავრობის მეთაურმა ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა, რომ ფიქსირდება ინფიცირების რაოდენობის მკვეთრი ზრდა, თუმცა ეს მოსალოდნელი იყო.   „ჩვენ, ჩვენს...

Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...


მსგავსი სიახლეები

up