"მედიკამენტებით უზრუნველყოფისა და ფალსიფიკაციის რისკების შემცირების მიზნით, ჯანდაცვის სამინისტრომ წამლის ხარისხის ეროვნული ლაბორატორიის შექმნა დაიწყო," - ამის შესახებ განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ, უწყების ანგარიშის წარდგენის ღონისძიებაზე.
მინისტრის განცხადებით,მიმდინარეობს შენობის მოწყობა და საჭირო აპარატურის შესყიდვა. ლაბორატორიის ამოქმედება დაგეგმილია 2022 წლის ბოლომდე.
გარდა ამისა, 2020 წელს გაიცა პირველი GMP და GDP სერტიფიკატები. 2022 წლიდან ფარმაცევტული საწარმოებისა და დისტრიბუტორებისთვის სავალდებულო გახდება GMP და GDP სტანდარტის დაცვა. GMP/GDP სერტიფიკატების მისაღებად სააგენტოს უკვე მომართა 15-მა დაწესებულებამ.