საქართველოში პენსიის ზრდა ხელისუფლების ავტომატური ვალდებულებაა და ის ინფლაციასა და ეკონომიკურ ზრდასთან პირდაპირ კავშირშია. კერძოდ, 2020 წლის ივლისში პარლამენტმა დაამტკიცა სახელმწიფო პენიიის ინდექსაციის წესი. შესაბამისად, შემუშავებულ იქნა ინდექსირების წესი სახელმწიფო პენსიისათვის. ინდექსირების წესის მთავარი მიზანია:
1. მაქსიმალურად შეინარჩუნოს ჩანაცვლების კოეფიციენტი;
2. შეინარჩუნოს ფისკალური მდგრადობა საპენსიო ხარჯების სტაბილიზაციის გზით;
3. გამორიცხოს პენსიის ცვლილების შესახებ ფისკალურად არამდგრადი გადაწყვეტილებების მიღება და ამით შეამციროს ფისკალური რისკები.
ამ გარემოებების გათვალისწინებითა და საერთაშორისო სავალუტო ფონდთან დეტალური კონსულტაციების შედეგად შეჯერებულ იქნება შემდეგი გადაწყვეტილება:
- 70 წლამდე პენსიონერთათვის პენსია ყოველწლიურად გაიზრდება ინფლაციის ოდენობით,
მინიმუმ 20 ლარით;
- 70 და უფროსი ასაკის პენსიონერთათვის პენსია ყოველწლიურად გაიზრდება ინფლაციისა
და ეკონომიკური ზრდის 80 პროცენტის ოდენობით, მინიმუმ 25 ლარით;
- თითოეულ შემთხვევაში პენსია დამრგვალდება 5 ლარის სიზუსტით ზემოთ.
აღნიშნული სქემის შესაბამისად, საპენსიო ხარჯები შენარჩუნებულია სტაბილურად და არ აღემატება მშპ-ს 5.2 პროცენტს გრძელვადიან პერიოდში.