რატომ იტყუება მუდმივად ქართული ოცნება - ნაწილი მეხუთე

რატომ იტყუება მუდმივად ქართული ოცნება - ნაწილი მეხუთე

access_time2019-06-16 12:02:03

ბათუმში, ყოფილი 25-ე და 53-ე ბატალიონის ტერიტორიაზე, სადაც არანაირი ინფრასტრუქტურა არ არსებობს, ორი ათასზე მეტი ოჯახი უკანონოდ ცხოვრობს. ეს ადგილი, ალბათ, ადამიანთა უბადრუკი ყოფის ერთ-ერთი ყველაზე თვალსაჩინო დასტურია. ანტისანიტარია ერთიანად იგრძნობა ყნოსვით, ხედვით, შეხებით, სმენითაც კი.


ხელისუფლება მუდმივად იმეორებს, რომ „ოცნების ქალაქში“ მცხოვრებთა შორის უმეტესობას ალტერნატიული საცხოვრებელი აქვს და ეკომიგრანტთა რიგებს საჭიროების გარეშე შეუერთდა.


2013 წლის 13 ნოემბრის საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის #779 ბრძანებაში ნათქვამია, რომ სტიქიური მოვლენების შედეგად დაზარალებულ და გადაადგილებას დაქვემდებარებულ ოჯახად (ეკომიგრანტად) ჩაითვლება ოჯახი, რომლის საცხოვრებელი სახლი ან მისი ნაწილი დანგრეულია და აღდგენას არ ექვემდებარება, ან სახლი არ არის დანგრეული, მაგრამ მიმდებარე ტერიტორიაზე არსებული სტიქიური მოვლენები საფრთხეს უქმნის იქ მცხოვრებ ადამიანთა სიცოცხლესა და ჯანმრთელობას, ასევე, მათ საკუთრებაში არსებულ ქონებას.


აქედან გამომდინარე, „ოცნების ქალაქში“ ჩასახლებულთა შორის მხოლოდ ეკომიგრანტები არ არიან, იქ სოციალურად დაუცველები და შშმ პირებიც ცხოვრობენ. ასევე, ისინიც, ყველა სტატუსს ერთბაშად რომ ფლობენ, ან, საერთოდ, სტატუსმიღმა არიან დარჩენილნი, თუმცა მათი მდგომარეობა ეკომიგრანტებისას არაფრით სჯობს.




როგორ იწყებოდა ოცნება


დაახლოებით ოთხი წლის წინათ ბათუმის გარეუბანში მიგრანტთა პირველი ნაკადი მოვიდა და, როგორც თვითონ ამბობენ, საკუთარი სოფლებიდან მოტანილი ფიცრებით პრიმიტიული საცხოვრებელი ააგო. ამ დასახლების ისტორია „ქართული ოცნების“ არჩევნებში გამარჯვებასა და ხელისუფლებაში მოსვლასთან ერთად დაიწყო, ამიტომაც მას „ოცნების ქალაქი“ თვითონ ჩასახლებულებმა უწოდეს. მანამდე ისინი ნათესავების, მიტოვებული შენობებისა და ზოგჯერ სრულიად უცხო, ღვთისნიერი ადამიანების ხიზნები იყვნენ.


შემდეგ ერთმა ჯგუფმა, რომელთა შორის წალკიდან დაბრუნებული ეკომიგრანტებიც იყვნენ, რუსული სამხედრო ბაზების 53-ე და 25-ე ბატალიონების მიერ დაცლილ ტერიტორიებსა და „ოპიზრების“ მიწებზე პირველი ქოხების აგება დაიწყო.



ფიცრები, მუყაო, ჯვალოს ტომრები, პოლიეთილენის პარკები, თუნუქის ფურცლები და სხვისთვის უსარგებლო მრავალი ნივთი ამ ადამიანების საცხოვრებლებისთვის საშენ მასალად იქცა. ტერიტორიას ნელ-ნელა ითვისებდნენ და სახლებისა და დასახლებულების რიცხვი ლამის გეომეტრიული პროგრესიით იზრდებოდა.


მაშინ იმედი ჰქონდათ, რომ „ოცნების ხელისუფლება“ ოცნებას აუსრულებდათ და ამ ქოხების ნაცვლად ნორმალური საცხოვრებლით უზრუნველყოფდათ. ამ მოლოდინმა ბევრი მოატყუა და ასი ქოხი ორასად იქცა, შემდეგ - ორი ათასად. დღეს მათი რიცხვი კიდევ უფრო მეტია.


ხელისუფლებამ არაერთხელ მიანიშნა აქ მცხოვრებლებს, რომ მათ ოცნებას ასრულება არ უწერია, თუმცა ისინი იმედს არ კარგავენ და კვლავაც საცხოვრებლებით უზრუნველყოფას ელოდებიან. ამ მოლოდინში რამდენიმე „ოცნების ქალაქელმა“ ქვის სახლი აიშენა და მანქანაც შეიძინა. აქედან წასვლას არავინ აპირებს, მით უმეტეს, საკუთარი ნებით. თითოეული მათგანი საცხოვრებლით უზრუნველყოფაზე ოცნებობს.


რატომ არ ბრუნდება არაეკომიგრანტი მოსახლეობა აჭარის მთიანეთში


დღეს „ოცნების ქალაქში“ მცხოვრებთა დიდი ნაწილი დახმარების არც ერთი პროგრამით არ სარგებლობს. მათ არც სოციალურად დაუცველის სტატუსი აქვთ, არც ეკომიგრანტის. ხელისუფლება ამბობს, რომ ამ ადამიანებს საცხოვრებელი არ ეკუთვნით, რადგან თავიანთ სოფლებში სახლიც აქვთ და მიწაც. თვითონ მოსახლეობა კი ამბობს, რომ მთის სოფლებიდან იქ არსებული გაუსაძლისი მდგომარეობის გამო წამოვიდნენ. მათთვის ხელმისაწვდომი არ იყო ჯანდაცვა, საბავშვო ბაღი, სკოლა და ა.შ.


ბევრ სოფელში მეწყრული საფრთხის კერებია და მათ მუდმივი შიშის ქვეშ უწევდათ ცხოვრება. გარდა ამისა, წყალდიდობისა და სხვა სტიქიური უბედურების დროს წაღებული ხიდებისა და გზების აღდგენა დიდხანს ვერ ხერხდება. ამიტომ ბავშვები სკოლებსა და საბავშვო ბაღებში ვერ მიჰყავდათ. ეგ კიდევ არაფერი, მაგრამ სასწრაფოს გამოძახებაც პრობლემა იყო. უგზოობის გამო მანქანა ვერ გადაადგილდებოდა, ამიტომ ავადმყოფის დახმარებას ვერ ახერხებდნენ.


მცირემიწიან და მეწყერსაშიშ მთიანეთში, როგორც მოსახლეობა ამბობს, ჰიდროელექტროსადგურების მშენებლობამ და გვირაბების გაყვანამ მეწყრული პროცესები კიდევ უფრო გაააქტიურა. სახლებიც დაიბზარა და მწყობრიდან გამოვიდა. ის დარჩენილი სასოფლო-სამეურნეო მიწა, რომლებსაც გლეხები ამუშავებენ, მწირ მოსავალს იძლევა, რაც სოფელში ცხოვრების პირობებს კიდევ უფრო ამძიმებს.


ყველა ეს პრობლემა თავს იყრის და „ოცნების ქალაქში“ ჩასახლებულებს აიძულებს, უარი თქვან თავიანთ საცხოვრებელ ადგილებში დაბრუნებაზე. ისინი, მართალია, ბათუმში სამსახურს ვერ პოულობენ, მაგრამ სეზონურად ან ყოველდღიურად გადადიან მეზობელი თურქეთის ტერიტორიაზე და თავიანთი ოჯახებისთვის ელემენტარული საარსებო პირობების შექმნას ცდილობენ. ზოგიც მშენებლობაზე მუშაობს და მიღებული ანაზღაურებით ოჯახს ინახავს.


როგორ იცვლება ხის ქოხები აგურისა და ბეტონის სახლებით


თურქეთის საზღვრისპირა ქალაქებსა და სოფლებში აქაურ იაფ მუშახელზე დიდი მოთხოვნილებაა. „ოცნების ქალაქის“ მცხოვრებლები, სხვა თვითდასაქმებულების მსგავსად, ყოველ დილით მიდიან და გვიან ბრუნდებიან. ისინი თანხას საცხოვრებელი პირობების გასაუმჯობესებლად აგროვებენ. მართალია, ამის უფლება მათთვის არავის მიუცია, მაგრამ თვითნებურად მაინც აშენებენ ქვის სახლებს.


ახლა რამდენიმე ოჯახს მუყაოს, პოლიეთილენისა თუ ხის თავშესაფრის ნაცვლად, აგურის ან ბეტონის სახლი


Factcheck




დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up