რატომ გვატყუებს მუდმივად ქართული ოცნება? - ნაწილი მეშვიდე

რატომ გვატყუებს მუდმივად ქართული ოცნება? - ნაწილი მეშვიდე

access_time2019-06-18 18:00:10

რატომ გვატყუებს მუდმივად “ქართული ოცნება“? - ამ რუბრიკით “კომერსანტი“  factcheck.ge-ს უკვე მეშვიდე მასალას აქვეყნებს,  რომლებიც  ფაქტ-მეტრის ანალიზს ემყარება.  კვლევა ძირითადად მმართველი გუნდის დაპირებებს და ქართული ოცნების წარმომადგენლების განცხადებებს ეხება — დასკვნა კი უმეტეს შემთხვევაში უარყოფითია. 


ამჯერად გთავაზობთ ქართული ოცნების დეპუტატის დიმიტრი ხუნდაძის განცხადებას   “წინა მთავრობის დროს მოსახლეობის საყოველთაო აღწერის შედეგები გაყალბებული იყო, გვეუბნებოდნენ, თითქოს იყო 4.5 მლნ, თუმცა ბოლო აღწერამ აჩვენა, რომ 3.7 მლნ-ია


ვერდიქტი: დიმიტრი ხუნდაძის განცხადება არის ტყუილი.




რეზიუმე:  2014 წლის მოსახლეობის საყოველთაო აღწერის მიხედვით, საქართველოს მოსახლეობის რიცხოვნობა 3 713 804 იყო, რაც წინა, 2002 წლის აღწერის შედეგთან შედარებით, 657 731 ადამიანით ნაკლებია.


2014 წლამდე არსებული მოსახლეობის რაოდენობის მაჩვენებელები 2002 წლის საყოველთაო აღწერის შედეგებს ეფუძნებოდა, ამ მონაცემებს საქსტატი ყოველწლიურად, მიგრაციული სალდოს და ბუნებრივი მატების მაჩვენებლის მიხედვით ცვლიდა.


საქსტატში განმარტავენ, რომ მოსახლეობის რაოდენობის შემცირება ძირითადად გარე მიგრაციასთან იყო დაკავშირებული. ამასთან, საქსტატის და გაეროს მოსახლეობის ფონდის მიმოხილვის თანახმად, 2002 წლის საყოველთაო აღწერის შედეგები არ იყო ბოლომდე ზუსტი. თუმცა, ეს მაინც არ იძლევა იმის თქმის საფუძველს, რომ მოსახლეობის რაოდენობა გაყალებებული იყო. მით უმეტეს, სრულიად საფუძველს მოკლებულია ამის წინა ხელისუფლებისთვის დაბრალება. წინა ხელისუფლების („ნაციონალური მოძრაობა“) პერიოდში (2004-2012 წლებში) მოსახლეობის საყოველთაო აღწერა საერთოდ არ ჩატარებულა.


ანალიზი 4


აპრილს, პარლამენტის პლენარულ სხდომაზე, საპარლამენტო უმრავლესობის წევრმა დიმიტრი ხუნდაძემ წინა ხელისუფლების წარმომადგენლებს მიმართა: „გაყალბებული იყო საყოველთაო აღწერის შედეგები. თქვენი დათვლით მოსახლეობა თითქოს 4.5 მლნ იყო და ბოლო აღწერამ აჩვენა, რომ, სამწუხაროდ, 3.7 მლნ იყო“.




საქართველოს მოსახლეობის პირველი ეროვნული საყოველთაო აღწერა 2002 წელს ჩატარდა. შემდეგი საყოველთაო აღწერა კი - 2014 წელს. მოსახლეობის საყოველთაო აღწერა წინა ხელისუფლების („ნაციონალური მოძრაობა“) მმართველობის პერიოდში საერთოდ არ ჩატარებულა.


2002 წლის საყოველთაო აღწერის მიხედვით, საქართველოს მოსახლეობის რიცხოვნობა, საქართველოს არაკონტროლირებადი ტერიტორიების (აფხაზეთის და სამხრეთ ოსეთის) გამოკლებით, 4 371 535 იყო.



2014 წლის მოსახლეობის საყოველთაო აღწერის მიხედვით, საქართველოს მოსახლეობის რიცხოვნობა 3 713 804 იყო, რაც 2002 წლის აღწერის შედეგთან შედარებით, 657 731 ადამიანით ნაკლებია.



მოსახლეობის რიცხოვნება საქართველოს მოქალაქეების ჯამურ რაოდენობას არ ნიშნავს. ქვეყნის მოსახლეობის რიცხოვნობა არის აღწერის პერიოდში ქვეყნის ტერიტორიაზე მცხოვრებ ადამიანთა რაოდენობა. მოსახლეობის რიცხოვნებაში არ შედიან ქართველი ემიგრანტები და პირიქით, შედიან სხვა ქვეყნის მოქალაქეები, რომლებიც ცხოვრობენ საქართველოში.


მოსახლეობის რაოდენობის ცვლილებას ორი ძირითადი ფაქტორი განსაზღვრავს: ბუნებრივი მატება (სხვაობა შობადობასა და სიკვდილიანობას შორის) და მიგრაციული სალდო (სხვაობა იმიგრანტებსა და ემიგრანტებს შორის). საქსტატი მოსახლეობის რაოდენობას ყოველწლიურად აქვეყნებს, აღწერიდან მიღებული შედეგი - მოსახლეობის რაოდენობა, ბუნებრივი მატებისა და მიგრაციული სალდოს გათვალისწინებით, ყოველწლიურად იცვლება.



მოსახლეობის საყოველთაო აღწერებს შორის პერიოდში (2002-2014 წლებში), ჯამში, მიგრაციული სალდოც და ბუნებრივი მატების მაჩვენებელიც დადებითია, რაც იმას ნიშნავს, რომ მოსახლეობის რაოდენობა იზრდებოდა. თუმცა, 2014 წლის მოსახლეობის საყოველთაო აღწერის შედეგებმა საპირისპირო აჩვენა და მოსახლეობის რაოდენობა მნიშვნელოვნად შემცირებული აღმოჩნდა.


სტატისტიკის ეროვნულ სამსახურში განმარტავენ, რომ მოსახლეობის რაოდენობის შემცირება ძირითადად მიგრაციასთან იყო დაკავშირებული. მიუხედავად იმისა, რომ ოფიციალური სტატისტიკით აღწერათაშორის პერიოდში მიგრაციული სალდო დადებითია, ის რეალურ სურათს არ ასახავს, რადგან 2012 წლამდე მეთოდოლოგიაში ხარვეზები იყო. არ არსებობდა სისტემა, რომელიც ემიგრანტების და მიგრანტების რაოდენობას ზუსტად აღრიცხავდა. კერძოდ, „2004 წლამდე მიგრაციული სალდო ძირითადად გაიანგარიშებოდა ე.წ. ექსპერტული შეფასებებით. 2004 წლიდან ავიღეთ საზღვრის კვეთის მონაცემები, თუმცა აქ იყო ხარვეზი, რადგან ვერ ხერხდებოდა მიგრანტების იდენტიფიცირება, და ამ მონაცემებში იყო რეალურად ყველა ის პირი, ვინც ქვეყნის ტერიტორიაზე შემოვიდა ან გავიდა. 2012 წლიდან უკვე დაინერგა ახალი მეთოდოლოგია და ზუსტად ხდება მიგრანტებისა და ემიგრანტების იდენტიფიცირება“, - განმარტავენ საქსტატში. აქვე აღსანიშნავია, რომ 2012 წლიდან ყოველწლიური მიგრაციული სალდო უარყოფითია, რაც იმას ნიშნავს, რომ ქვეყნიდან უფრო მეტი ადამიანი მიდის.



2017 წელს გამოქვეყნდა საქსტატის და გაეროს მოსახლეობის ფონდის კვლევა - მოსახლეობის დინამიკა საქართველოში.
აღნიშნული კვლევის მიხედვით, მოსახლეობის რაოდენობის მნიშვნელოვანი ცვლილება გარე მიგრაციასთან არის კავშირში. ამასთან, “მოსახლეობის 2002 წლის საყოველთაო აღწერის შედეგებიც ნაკლებად სარწმუნოდ მიიჩნევა, ვინაიდან ძალიან ბევრ შემთხვევაში ოჯახები ქვეყნიდან წასულ პირებს საკუთარი შინამეურნეობის წევრებად ასახელებდნენ, ვინაიდან უფრთხოდნენ გარკვეული უფლებებისა და სოციალური დახმარებების დაკარგვის შესაძლებლობას. აღნიშნულის გამო, ამჟამად მიიჩნევა, რომ მოსახლეობის 2002 წლის საყოველთაო აღწერის შედეგები დაახლოებით 8 ან 9%-ით მეტად არის შეფასებული“, - აღნიშნულია კვლევაში.


საქსტატის და გაეროს მოსახლეობის ფონდის მონაცემებზე დაყრდნობით შეიძლება ვთქვათ, რომ 2002 წლის საყოველთაო აღწერის შედეგები არ იყო ზუსტი. ამასთან, აღწერათაშორის პერიოდში, დიდი ალბათობით, მიგრაციული სალდოც უარყოფითი იყო, თუმცა მიგრაციის მაჩვენებლის აღრიცხვა ზუსტად ვერ ხდებოდა. მაგრამ, ეს არ ნიშნავს, რომ სტატისტიკა გაყალბებული იყო.


factcheck.ge





პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...


მსგავსი სიახლეები

up