რატომ დატოვა „ნანოკრედიტის“ მფლობელმა ქვეყანა - ირაკლი ბერძენაძის განმარტება

რატომ დატოვა „ნანოკრედიტის“ მფლობელმა ქვეყანა - ირაკლი ბერძენაძის განმარტება

access_time2019-05-14 20:15:32

კომპანია „ნანოკრედიტის“ მფლობელი ირაკლი ბერძენაძე მის მიერ ქვეყნის დატოვების მიზეზებს განმარტავს. როგორც ბერძენაძის მიერ bm.ge-ისთვის მიწოდებულ წერილში წერია, ის იძულებული გახდა ქვეყანა დაეტოვებინა მისი კრიტიკული შეხედულებების გამო. 



„ქვეყნის საფინანსო სისტემაში მიმდინარე გარკვეულ პროცესებზე ჩემი კრიტიკული შეხედულებების გამო, არაერთხელ აღმოვჩნდი ზეწოლის ქვეშ ბიზნესთან ერთად, რაც კიდევ უფრო გამწვავდა მას შემდეგ, რაც გარკვეული ძალების მიერ მოხდა კომპანიის კრედიტორთა ორგანიზებული ჯგუფისათვის უკანონო ქმედებების ხელშეწყობა, კერძოდ, ჩემზე არაერთი თავდასხმა, მათ შორის ფიზიკური ანგარიშსწორების გზით, რომელიც დღემდე შეგნებულად არის გამოუძიებელი შესაბამისი ორგანოების მიერ“,- ნათქვამია განცხადებაში. 


ბერძენაძე ასევე აცხადებს, რომ მისი ინფორმაციით, საქართველოს ფინანსთა სამინისტროს საგამოძიებო სამსახურში მიმდინარეობს გამოძიება შპს „ნანოკრედიტის“ საქმიანობასთან დაკავშირებით. 

კომპანიის მფლობელი ასევე ეხმუარება „ახალგაზრდა ადვოკატების“ განცხადებას „ნანოკრედიტთან“ და უშუალოდ ირაკლი ბერძენაძესთან დაკავშირებით. გთავაზობთ ბერძენაძის განცხადებას უცვლელად: 



„მსურს, გამოვეხმაურო არასამთავრობო ორგანიზაცია „ახალგაზრდა ადვოკატების“ თავმჯდომარის არჩილ კაიკაციშვილისა და შპს „ნანოკრედიტის“ თამასუქის შემძენ ფიზიკურ პირთა ჯგუფის მიერ ბოლო თვეებში პრესის საშუალებით გავრცელებულ არაერთი ბრალდების და მცდარი ინფორმაციის შემცველ განცხადებას, რაც მიზნად ისახავს ყოველგვარი სამართლებრივი საფუძვლის გარეშე ჩემს პიროვნულ და პროფესიულ დისკრედიტაციას. არასამთავრობო ორგანიზაცია „ახალგაზრდა ადვოკატების“ თავმჯდომარე პარალელურად წარმოადგენს მხარეს, კერძოდ, ის არის შპს „ნანოკრედიტის“ თამასუქის შემძენ ფიზიკურ პირთა ჯგუფის პირადი ადვოკატი, შესაბამისად, წარმოდგენილი ორგანიზაციის მიერ გაკეთებული ნებისმიერი ტიპის განცხადება წარმოადგენს სუბიექტურ პოზიციას, რომელიც გაჟღერებულია საადვოკატო მომსახურების ხელშეკრულების ფარგლებში. 



მე, როგორც შპს „ნანოკრედიტის“ 100%-იანი წილის მფლობელი, კომპანიას წარმოვადგენ 2017 წლიდან და არა 2013 წლიდან როგორც ეს ორგანიზაცია „ახალგაზრდა ადვოკატების“ მიერ გავრცელებულ განცხადებაშია აღნიშნული. ასევე ზემოთ აღნიშნულ ფიზიკურ პირთა ჯგუფი წარმოადგენს შპს „ნანოკრედიტის“ თამასუქის (ფასიანი ქაღალდის) შემძენ ფიზიკურ პირებს 2015 წლის პირველი ნახევრიდან, როდესაც მოხდა აღნიშნულ პირებსა და შპს ნანოკრედიტს შორის ფასიანი ქაღალდის (თამასუქის) შეძენის ხელშეკრულების გაფორმება. აღნიშნული ფიზიკურ პირთა რიცხვი იმ დროიათვის შეადგენდა 135-ს, რაც ჯამში ოთხ მილიონ ლარზე მეტ ვალდებულებას წარმოადგენდა კომპანიისთვის. ვფიქრობ, აღნიშნული ფაქტი საყურადღებოა და უნდა გახდეს გამოძიების შესწავლის საგანი, მითუმეტეს, რომ შპს „ნანოკრედიტი“ იმ დროისათვის წარმოადგენდა კომპანიათა ჯგუფის წევრს, რომელშიც ერთიანდებოდა სებ-ის მიერ ლიცენზირებული სს „პირველი საკრედიტო კავშირი“ და სს „მიკროკრედიტი“. ჩემი მმართველობის პერიოდში მოხდა შპს „ნანოკრედიტის“ ვალდებულების მხოლოდ შემცირება, კერძოდ, ოთხ მილიონიანი ვალდებულებიდან 1 300 000 ვალდებულებამდე. აქვე მსურს განვაცხადო, რომ შპს „ნანოკრედიტს“ არ გააჩნია სახელმწიფო ბიუჯეტის მიმართ არანაირი სახის დავალიანება. 




აქვე მინდა ყურადღება გავამახვილო რამდენიმე საკითხზე, რომელიც საზოგადოებას მიეწოდა არასწორი ინფორმაციის სახით, კერძოდ: შპს „ნანოკრედიტი“ არ წარმოადგენს მიკროსაფინანსო ორგანიზაციას და მასზე არ ვრცელდება ეროვნული ბანკის ზედამხედველობა, რაც სრულად არის განმარტებული ფასიანი ქაღალდის (თამასუქის) შეძენის ხელშეკრულებაში რისკების გამჟღავნების ტექსტთან ერთად. აღნიშნული გამჟღავნების ტექსტის ხელშეკრულებაში დართვის ვალდებულება 2017 წლის 1 იანვრიდან აქვს ნებისმიერ საფინანსო ინსტიტუტს, რითაც თამასუქის შემძენმა პირმა უნდა გაითვალისწინოს ყველა ის რისკფაქტორი, რამაც შესაძლოა გამოიწვიოს მათ მიერ განხორციელებული ინვესტიციის გაუფასურება/დაკარგვა და მეორე მხრივ, თამასუქის გამცემი მხარე ითვალისწინებს იმ რისკებს, რომელიც დაკავშირებულია ინვესტირებული ფულადი სახსრების ღირებულების გაუფასურებასთან, რაც ამ შემთხვევაში გამოიწვია სავალუტო კურსის გაუფასურებამ, ეროვნული ბანკის მხრიდან არაერთმა აკრძალვა/შეზღუდვამ შპს „ნანოკრედიტის“ მიმართ, რამაც თვეების განმავლობაში პარალიზება გაუკეთა კომპანიის ნორმალურ ფუნქციონირებას და ზოგადად საფინანსო ბაზარზე არსებული გადახდისუუნარობის ზრდამ. ასევე მსურს დავაზუსტო, რომ წარმოდგენილი თამასუქის შემძენი ფიზიკური პირები 2018 წლის დეკემბრის თვის ჩათვლით იღებდნენ მათი მიერ კომპანიაში ინვესტირებულ თანხაზე დარიცხულ სარგებელს, სანამ კანონით აიკრძალებოდა ის საქმიანობა, რომლის მიხედვითაც ხდებოდა 2015 წლიდან მოზიდული სახსრების გასესხება საფინანსო ბაზარზე. 


რაც შეეხება ჩემს მიერ ქვეყნის დატოვებას, საჭირო გახდა მას შემდეგ რაც ბოლო პერიოდში განვითარებულ და ქვეყნის საფინანსო სისტემაში მიმდინარე გარკვეულ პროცესებზე ჩემი კრიტიკული შეხედულებების გამო არაერთხელ აღმოვჩნდი ზეწოლის ქვეშ ბიზნესთან ერთად, რაც კიდევ უფრო გამწვავდა მას შემდეგ, რაც გარკვეული ძალების მიერ მოხდა კომპანიის კრედიტორთა ორგანიზებული ჯგუფისათვის უკანონო ქმედებების ხელშეწყობა, კერძოდ ჩემზე არაერთი თავდასხმა, მათ შორის ფიზიკური ანგარიშსწორების გზით, რომელიც დღემდე შეგნებულად არის გამოუძიებელი შესაბამისი ორგანოების მიერ. გამომდინარე აქედან იძულებული გავხდი დამეტოვებინა ქვეყანა, რადგან არსებული ზეწოლის რეჟიმში შეუძლებელი იყო არათუ საქმიანობის გაგრძელება და საკუთარი აზრის თავისუფლად გამოხატვა, არამედ ჩემს სიცოცხლეს ემუქრებოდა რეალური საფრთხე. 



როგორც ჩემთვის გახდა ცნობილი, საქართველოს ფინანსთა სამინისტროს საგამოძიებო სამსახურში მიმდინარეობს გამოძიება შპს „ნანოკრედიტის“ საქმიანობასთან დაკავშირებით, თუ გამოძიებას და ყველა დაინტერესებულ პირს სურს აღნიშნულ საქმესთან დაკავშირებით ჭეშმარიტების დადგენა მნიშვნელოვანია შპს „ნანოკრედიტის“ საქმიანობის შესწავლა მოხდეს მისი დაარსების მომენტიდან (2013 წლიდან) და დეტალურად იქნას შესწავლილი რა პირობებში და რა გზით მოხდა შპს „ნანოკრედიტში“ თამასუქის შემძენ ფიზიკურ პირთა მოზიდვა შესაბამისი მოზიდული თამასუქის თანხის სალარო ოპერაციების ჩათვლით, თუმცა რამდენადაც ჩემთვის ცნობილია არ ხდება გამოძიების აღნიშნული კუთხით წარმართვა, რაც სრული უნდობლობის შეგრძნებას იწვევს გამოძიების პროცესისადმი და ვფიქრობ, რომ მიმდინარეობს მიზანმიმართული საწინააღმდეგო ქმედებები აღნიშნულ საქმეზე ჭეშმარიტების დასადგენად, ამიტომ მე, როგორც დაზარალებული, მზად ვარ, გამოვიყენო ყველა ჩემს ხელთ არსებული შესაძლებლობა და მტკიცებულებები სხვადასხვა ევროპულ ინსტიტუციებში, მათ შორის ევროპულ სასამართლოში წარსადგენად, სადაც ჩემი როგორც ადამიანის ძირითადი უფლებები, სიცოცხლე, ბიზნესის თავისუფლება და კერძო საკუთრების ხელშეუხებლობა იქნება დაცული”,- ნათქვამია განცხადებაში. 



ახალგაზრდა ადვოკატების“ ინფორმაციით, კომპანია „ნანოკრედიტი“ გაკოტრების რეჟიმზე გადავიდა. კომპანიის ხელმძღვანელმა ირაკლი ბერძენაძემ კი, საქართველო დატოვა და ამჟამად უცნობია კონკრეტული ადგილსამყოფელი. 


bmg.ge






ათასობით მშენებლობა მიმდინარეობს და ყველა მათგანი ვერ იქნება შემოწმებული - შრომის ინსპექტირების დეპარტამენტის უფროსი 16 წლის მუშის გარდაცვალებაზე

 ათასობით მშენებლობა მიმდინარეობს და ყველა მათგანი ვერ იქნება შემოწმებული - შრომის ინსპექტირების დეპარტამენტის უფროსი 16 წლის მუშის გარდაცვალებაზე
access_time2019-07-17 20:30:58
16 ივლისს, თბილისში მშენებლობაზე  16 წლის გიორგი ბეშკენაძე გარდაიცვალა. ის თბილისში სამუშაოდ ლაგოდეხის მუნიციპალიტეტის სოფელ გვიმრიანიდან იყო ჩამოსული. მიმდინარე კვირს  კიდევ ერთი მუშა გარდაიცვალა, შემთხვევა თუშეთი-ომალოს გზაზე, ჰესის მშენებლობაზე მოხდა. მომხდარ ფაქტებზე, ისევე როგორც მანამდე სამუშაო პროცსის დროს გარდაცვლილ ათობით მუშის საქმეზე,  გამოძიება მიმდინარეობს, მაგრამ წინასწარი ინფორმაციით, ორივე შემთხვევაში ტრაგედიის მიზეზად...

აშშ-ს მთავრობა - Facebook-ის კრიპტოვალუტის წინააღმდეგ

აშშ-ს მთავრობა - Facebook-ის კრიპტოვალუტის წინააღმდეგ
access_time2019-07-17 19:30:46
აშშ-ს ხელისუფლების უკმაყოფილება Facebook-ის მიერ გამოშვებული კრიპტოვალუტის - ლიბრას - გამო,  ახალ დონეზე ავიდა- ამჯერად მის წინააღმდეგ აშშ-ს ფინანსთა მინისტრი სტივენ მნუჩინი გამოვიდა. მისი თქმით,...

Euronews - შილდა მწვანე არქიტექტურის ნიმუშებს შორის მსოფლიოში საუკეთესოა

Euronews - შილდა მწვანე არქიტექტურის ნიმუშებს შორის მსოფლიოში საუკეთესოა
access_time2019-07-17 18:20:46
შილდა მწვანე არქიტექტურის ნიმუშებს შორის მსოფლიოში საუკეთესოა. ევრონიუსმა შილდა მსოფლიოს 5 საუკეთესო მწვანე არქიტექტურის ნიმუშებს შორის დაასახელა. „შილდა“ ისეთ არქიტექტურულ ნიმუშებ შორის მოხვდა, როგორებიც არიან WOHA-ს არქიტექტურა, ტორონტოს ხის კოშკი გერმანიაში და სხვები. “ჯერჯერობით შილდა უდავოდ ჩვენი ფავორიტია, - წერს ევრონიუსი. შილდას ღვინის ქარხანა კახეთში მდებარეობს. ის ბრიტანული X-architecture-ის...

ლახვარი ზურგში - ყაზახეთმა „გაზპრომ-ნეფტი“ უკრაინაზე გაცვალა

ლახვარი ზურგში - ყაზახეთმა  „გაზპრომ-ნეფტი“ უკრაინაზე გაცვალა
access_time2019-07-17 20:00:52
ანტირუსული სანქციების ექო გაისმა ამჯერად მოსკოვის ერთ-ერთ ყველაზე ახლო მეგობარ ქვეყანაში - ყაზახეთში.  ევროკავშირის მიერ დაწესებული სანქციების გამო ერთ-ერთმა მსხვილმა ყაზახურმა კომპანიამ ურთიერთობები გაწყვიტა  „გაზპრომის“ შვილობილ კომპანია  „გაზპრომ-ნეფტ“-თან. ეს არის პირველი შემთხვევა, როდესაც რუსულ კომპანიას შეეზღუდა საქმიანობა ამ ქვეყანაში. ექსპერტების აღნიშნავენ. რომ ამ ისტორიამ შექმნა საშიში პრეცედენტი და მსოფლიოში სულ უფრო ნაკლები...

დაგროვებითი საპენსიო სისტემა უკვე 16-მა დეპუტატმა დატოვა, მათ შორის ოცნების მაჟორიტარმაც

დაგროვებითი საპენსიო სისტემა უკვე 16-მა დეპუტატმა დატოვა, მათ შორის ოცნების მაჟორიტარმაც
access_time2019-07-17 17:30:58
2019 წლის 11 ივლისის მონაცემებით, დაგროვებითი საპენსიო სისტემა 40 წელს ზემოთ მყოფმა პარლამენტის 16-მა დეპუტატმა დატოვა. მათ შორისაა ქართული ოცნების მაჟორიტარი დეპუტატი კახა ოქრიაშვილიც. მონაცემები On.ge-ს საჯარო ინფორმაციის სახით მიაწოდეს.   40 წლამდე პირებისთვის დაგროვებითი საპენსიო სისტემა სავალდებულოა, 40 წლამდე მყოფ პირებს კი შეუძლიათ სურვილის შემთხვევაში სისტემა დატოვონ.   დეპუტატები, რომლებმაც საპენსიო სქემა დატოვეს ქართული...


მსგავსი სიახლეები

up