პასუხი ინდივიდუალური, თუმცა ამავდროულად ზოგადია. იმიტომ, რომ დროსთან ერთად, ჩვენს გარშემო ყველაფერი იცვლება. გამონაკლისი არც ის მსხვილი კომპანიებია, რომელთა ლოგოს გასახსენებლად არანაირი რეკლამა აღარ გვჭირდება, რადგან მათ ჩვენს ცხოვრებაში უკვე დაიმკვიდრეს თავი.
ტექნოლოგიური კომპანიები, როგორც ყველა სხვა სფეროში მოღვაწე კომპანია, მუდმივად ცდილობენ საკუთარ მომხმარებლებზე იზრუნონ და მათ განახლებული პროდუქტი/მომსახურება შესთავაზონ. შესაბამისად, პროდუქტის გაუმჯობესებასთან ერთად საჭიროა ბრენდის ვიზუალის - ლოგოების ცვლილება
წარმოგიდგენთ 10 ყველაზე ცნობილი, ტექნოლოგიური კომპანიების ლოგოების ევოლუციას დასაწყისიდან დღემდე.
- კომპანია DELL
კომპიუტერების მწარმოებელმა ამერიკულმა ტექნოლოგიურმა კომპანია Dell 1984 წელს დაარსდა. ლოგოს ხშირი ცვლილებით ის არ გამოირჩვეა. კომპანიამ 2016 წელს გადაწყვიტა ბრენდის ლოგო რაიმე არაორდინალური და უცხო შტრიხით განახლებულიყო, რომელიც მომხმარებელს დაამახსოვრდებოდა. ბრენდის დიზაინერებმა უბრალოდ დახარეს ასო ,,E’’.
2. Microsoft
მულტინაციონალურმა კომპიუტერული ტექნოლოგიების კომპანია Microsoft-მა გადაწყვიტა კორპორაციის პროდუქტები ლოგოს ფერთა გამაში გამოეტანა.
კომპანიის ლოგოში წითელი კვადრატი კომპანიის მიერ შექმნის საოფისე პროგრამებს აღნიშნავს, მწვანე - თამაშებს, ცისფერი -Windows -ს, ხოლო ყვითელი კომპანიის საძიებო სისტემის, Bing-ის აღმნიშვნელია.
3. HP
ამერიკული კომპანია The Hewlett-Packard ცნობილი როგორც HP ტექნოლოგიურ ბაზარზე ერთ-ერთი უმსხვილესი კორპორაციაა.
კომპანიამ შეინარჩუნა მისი ლოგოსთვის დამახასიათებელი სიმარტივე. 80-იანი წლებიდან კომპანიის ბრენდინგში შემოვიდა მუქი ლურჯი ფერი, რომელიც დღემდე HP-ის პროდუქტებთან ასოცირდება.
4. Google
მსოფლიოში ყველაზე დიდი და ცნობილი საძიებო სისტემის Google-ის ფერთა კომბინაცია კომპანიის პირველი სერვერის ერთ-ერთ ნაწილს უკავშირდება.
Google-ის პირველი სერვერის ერთი მხარე ლეგოს ფერადი სათამაშო კუბებისგან იყო აწყობილი, რომელშიც ლურჯი, წითელი, ყვითელი და მწვანე ფერი ფიგურირებდა.
5. Intel
კორპორაცია ,,ინტელი’’ 1968 წელს დაფუძნდა. მუქი ლურჯი ფერი, რომელიც სტაბილურობას, სიმშვიდეს, სანდოობასა და ლოიალურობას გამოხატავს კომპანიის ბრენდინგში დაარსების დღიდან ფიგურირებს.
2020 წელს კომპანიამ გადაწყვიტა, ტრადიციულად მარტივი შრიფტით შეინარჩუნოს ლოგოს კონცეფცია და უკვე შავი ფერით გააგრძელოს მოღვაწეობა ტექნოლოგიურ ბაზარზე.
6. Facebook
მიუხედავად იმისა, რომ Facebook-ის ლოგო რადიკალურად არ შეცვლილა, თქვენ ალბათ ვერც კი შეამჩნევდით, რომ ყოველი ცვლილების დროს იგი მინიმალისტური ხდებოდა. მცირე სიახლე რაც ლოგომ განიცადა მხოლოდ და მხოლოდ ლურჯი ოთხკუთხედის ჩრდილები და ფონტი იყო.
ლოგოს ფერი მარკ ცუკერბერგმა შეარჩია. მარკი ვერ ასხვავებს წითელსა და მწვანეს, ამიტომ მხედველობის ნაკლოვანების გამო, ფერების აღსაქმელად მან ლურჯი ფერი შეარჩია.
7. IBM
კომპიუტერული ტექნიკისა და პროგრამული უზრუნველყოფის მწარმოებელი ერთ-ერთი უმსხვილესი კომპანია IBM-ის თანამშრომლები მუდმივად ატარებენ ცისფერ უნიფორმას, რის გამოც კომპანიას ,,ცისფერ გიგანტს’’ უწოდებენ.ცნობილი ზოლები, რომელსაც კომპანიის ამჟამინდელ ლოგოში ვხედავთ, 1966 წლიდან დაინერგა, რაც კომპანიის სწრაფად ზრდას ნიშნავს.
8.Samsung
დღეისათვის “სამსუნგი“ 80-მდე კომპანიას მოიცავს და საქონელს და მომსახურებას თითქმის ყველა დარგში აწარმოებს. მის თავდაპირველ ლოგოზე გამოსახული სამი ვარსკვლავი სიტყვის აღმნიშვნელი სიმბოლიკაა. კომპანია კორეელმა ბიზნესმენმა ლი ბონ ჩოლიმ დააარსა. კორეულად სიტყვა ,,სამსუნგი’’ სამ ვარსკვლავს ნიშნავს. დამფუძნებლის იდეით, მას სურდა კომპანია გამხდარიყო ისეთივე ძლიერი და მარადიული, როგორც ვარსკვლავები ცაში.
9. Amazon
ამაზონის ცნობილი ნარინჯისფერი ისარი, რომელიც ლოგოს მთავარ კონცეფციას ატარებს კომპანიის ყველა პროდუქტს აღნიშნავს. ისარი სწორედ ,,A’’ ასოდან ,,Z’’- მდეა დასმული, რაც იმას ნიშნავს, რომ კომპანია ამაზონი მომხმარებელს ყველა დასახელების პროდუქტს სთავაზობს - A დან Z მდე.
10. Photoshop
ფოტოშოპი უკვე 30 წელზე მეტია გრაფიკული დიზაინისთვის განკუთვნილ პროგრამებს შორის ლიდერის პოზიციას იკავებს.
მისი ლოგოს ცვლილებები ისეთივე მრავალფეროვანია, როგორც თავად პროგრამა. ლოგოზე აღნიშნული ასოები იცვლება უფრო მრგვალი, მარტივი ფორმისკენ.
წყარო: itstep.org