რატომ არის CoCa-Cola და Marriot ინოვაციური? – კომპანიები Forbes-ის რეიტინგს აფასებენ

რატომ არის CoCa-Cola და Marriot ინოვაციური? – კომპანიები Forbes-ის რეიტინგს აფასებენ

access_time2017-08-10 17:00:31

 

ამერიკულმა გამოცემა Forbes-მა  მსოფლიოში ყველაზე ინოვაციური კომპანიების 100–ული გამოაქვეყნა. კომპანიების ნაწილის მიერ წარმოებული პროდუქცია საქართველოში იმპორტით შემოდის, თუმცა მათ შორის მოხვდა 2 ისეთი კომპანია, რომლებიც საქართველოს ბაზარზეც მუშაობენ, აქვთ წარმოება და ფლობენ სასტუმროების ქსელს – ესენი არიან CoCa-Cola და Marriot–ი.

 

Forbes-ის რეიტინგში მოხვდნენ Tesla, Amazon.com, Adobe Systems, Starbucks, Visa, Mastercard, Magnit და ა.შ. რეიტინგის შედგენისას Forbes-ი ითვალისწინებს რამდენიმე კრიტერიუმს, მათ შორის, ინოვაციების ფასს და ფინანსურ მაჩვენებლებს. ამასთან, რეიტინგში მოსახვედრად კომპანიები ბაზარზე მინიმუმ 7 წლის გამოჩენილები უნდა იყვნენ, გამოცემა სწორედ ბოლო 7 წლის ფინანსურ მაჩვენებლებს იყენებს კომპანიების შესაფასებლად. სიაში არ შედიან ბანკები, საფინანსო და ენერგეტიკული ორგანიზაციები. 

 

როგორც უკვე აღვნიშნეთ, ამ სიაში მოხვდნენ CoCa-Cola და Marriot–ი. „კომერსანტი“ დაინტერესდა, თუ რატომ არიან ის კომპანიები ინოვაციურები და რამ განაპირობა მათი ამ რეიტინგში მოხვედრა.

 

„CoCa-Cola-ს შეფუთვა, მიდგომა, სარეკლამო კამპანიები – ეს ის მთავარი მიზეზებია, რის გამოც „CoCa-Cola Forbes-ის ყველაზე ინოვაციური კომპანიების სიაში მოხვდა, – ამის შესახებ „კომერსანტს“ „კოკა-კოლა ბოთლერს ჯორჯიას დამფუძნებელმა, ბიზნესმენმა თემურ ჭყონია განუცხადა.

 

მისი თქმით, CoCa-Cola მსოფლიოს საუკეთესო და ინოვაციური კომპანიების სიაში სისტემატურად ფიგურირებს. ის არის ერთ–ერთი ყველაზე ძვირადღირებული და პოპულარული ბრენდი მსოფლიოში.

 

„მნიშვნელოვანია, რომ ბრენდი მსოფლიო ბაზარზე არის უკვე 125 წელიწადი. მე ვარ სხვადასხვა ქვეყანაში CoCa-Cola–ს ლაბორატორიებში ნამყოფი და იმ წარმოებებში, სადაც CoCa-Cola–ს კონცენტრატი მზადდება და გავეცანი ინგრედიანტების შერჩევის პროცესს. იმ მცდარ შეხედულებებს, რაც „კოკა–კოლაზე“ ვრცელდება, პასუხს იმიტომ არ ვცემთ, რომ ვიცით, რეალურად რას ვაწარმოებთ“, – განაცხადა თემურ ჭყონიამ.

 

ამასთან, ბიზნესმენი „კოკა–კოლას“ ინოვაციურობის მიზეზად სასმელის სხვადასხვა სახით შეფუთვას  ასახელებს: „ჩვენ სხვადასხვა შეფუთვით ვუშვებთ CoCa-Cola–ს, მათ შორის 0,25 ლიტრიანს, 0,5 ლიტრიანს და ა.შ. ეს გადაწყვეტილება გამომდინარეობს იქიდან, რომ ჩვენ ვფიქრობთ მომხმარებელზე, რადგან ყველას ერთნაირი ფინანსური შესაძლებლობა არ აქვს. კიდევ ერთი მიზეზი, თუ რატომ არის კოკა–კოლა ინოვაციური, ის არის, რომ კომპანია ცდილობს წარმოებაში შაქრის შემცველობის მინიმუმამდე შემცირებას.

 

საერთოდ, ინოვაცია მხოლოდ წარმოებას არ ნიშნავს, ეს არის სარეკლამო კამპანიაც, რომელიც ასევე ძალიან მნიშვნელოვანია კომპანიისთვის. სარეკლამო კამპანიები უამრავ სამუშაო ადგილებს ქმნის, რაც ასევე ინოვაციაა“, – განუცხადა „კომერსანტს“ თემურ ჭყონიამ.

 

ვირტუალური ტურები სასტუმროს ნომრებში, მობილური check in და check out, გამართული მენეჯმენტი – ეს იმ ფაქტორების მცირე ჩამონათვალია, რასაც Marriot–ის სასტუმროების ქსელის საქართველოს წარმომადგენლობაში კომპანიის ინოვაციურობის მიზეზად ასახელებენ. როგორც Marriot–ის ქსელის პიარ კოორდინატორი ქეთევან სამსონაძე „კომერსანტთან“ საუბრისას აცხადებს, გლობალურ დონეზე Marriot–ი ყოველთვის ინოვაციებზე არის ორიენტირებული, ეს იქნება ტექნოლოგიური თუ არა ტექნოლოგიური.

 

„თუ რამე სიახლე შემოდის,  Marriot–ი თავის ქსელში მას აუცილებლად ნერგავს. მაგალითად, წლების წინ, როდესაც ბაზარზე ტექნოლოგია Virtual Reality გამოჩნდა, Marriot–ი იყო პირველი სასტუმრო, რომელმაც ეს პროდუქტი თავის რამდენიმე სასტუმროში წარმოადგინა.

 

გარდა ამისა, Marriot–ის  საკადრო პოლიტიკაც განსხვავებულია, კომპანია ყოველთვის ცდილობს, რომ საკუთარი თანამშრომლები წაახალისოს. „Marriot–ი თანამშრომელს აყენებს პირველ ადგილზე, რადგან თანამშრომელი არის პირველ რიგში მისი წარმატების საშუალება. Marriot–ი ყოველთვის ამბობს – იზრუნე თანამშრომლებზე, თანამშრომლები კი იზრუნებენ შენზე. სწორედ ეს მიზეზებია, რის გამოც Marriot–ი მსოფლიოში ერთ–ერთ ყველაზე ინოვაციურ კომპანიად დასახელდა“, – განაცხადა ქეთევან სამსონაძემ.

 

 

კომერსანტი

 




Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...

„20-მდე კომპანიის გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“

„20-მდე კომპანიის  გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“
access_time2020-04-07 16:45:20
ჯანდაცვის სამინისტროს შრომის პირობების ინსპექტირების დეპარტამენტის უფროსის ბექა ფერაძის ინფორმაციით, საქმიანობის ნებართვის გაგრძელების სურვილის მქონე 20-მდე კომპანია გადამოწმდა, რომელთაგან 6-ს განაცხადი ჯანდაცვის სამინისტროს რეკომენდაციების შეუსრულებლობის გამო არ დაუკმაყოფილდა. როგორც ბექა ფერაძემ „ინტერპრესნიუსს“ საწარმოების მხრიდან რეკომენდაციების შესრულების მონიტორინგის პროცესის შესახებ განუცხადა, ერთი დღის განმავლობაში COVID 19-ის გავრცელების პრევენციის მიზნით...

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე
access_time2020-04-07 15:00:16
მარტის თვის მდგომარეობით ქვეყანაში ინფლაციის დონე მნიშვნელოვნად არის გაზრდილი, 6.1%-ს შეადგენს და მიზნობრივ მაჩვენებელს ორჯერ აღემატება. ჩნდება კითხვა, - რატომ ვერ ართმევს ცენტრალური ბანკი თავს თავის უმთავრეს მოვალეობას  და რატომ ვერ ახერხებს ფასების საერთო დონის მოთოკვას. ამ კითხვებით „კომერსანტმა“, ახალგაზრდა ფინანსისტთა და ბიზნესმენთა ასოციაციის - „აფბას“ ვიცე-პრეზიდენტს, პაატა ბაირახტარს მიმართა. - პაატა,...


მსგავსი სიახლეები

up