რატომ არ იაფდება საქართველოში მსოფლიოს მაშტაბით მკვეთრად გაიაფებული საწვავი?

რატომ არ იაფდება საქართველოში მსოფლიოს მაშტაბით მკვეთრად გაიაფებული საწვავი?

access_time2020-02-05 18:45:09

მსოფლიო ბაზარზე ნავთობის ფასი ბოლო ორ კვირაში 12 დოლარით დაეცა და ეს ტენდენცია კიდევ გაგრძელდება. მიუხედავად ამისა, შემცირება თითქმის არ ასახულა ქართულ ბაზარზე. მცირე ავტოგასამართ სადგურებზე მართალია უმნიშვნელო გაიაფება უკვე შეინიშნება, მაგრამ ეს არ შეხებიათ დიდ ქსელებს. მაშინ, როცა ეროვნული ვალუტა მყარდება და ნავთობის ფასიც ეცემა, ავტოგასამართ საგურებზე ფასი უცვლელი რჩება.


ბრენტის ტიპის ერთი ბარელი ნავთობის ფასი ლონდონის ბირჟაზე 54 დოლარამდე დაეცა. ასეთი დაბალი ნიშნული ბოლოს 2019 წლის 3 იანვარს აღინიშნა. ნავთობის ღირებულების ვარდნას კორონავირუსის გავრცელება იწვევს. საქმიანი აქტივობისა და ტურიზმის შემცირების პირობებში, ჩინეთში ნავთობზე მოთხოვნა 20 პროცენტით შემცირდა.


ჩინეთი ნავთობის უმსხვილესი იმპორტიორი და ნავთობის სიდიდით მეორე მომხმარებელია, ამიტომ მოთხოვნის შემცირება ნავთობის ფასებს სავარაუდოდ კიდევ უფრო შეამცირებს. ნავთობპროდუქტების ექსპორტიორი ქვეყნების ორგანიზაციის წარმომადგენლები, ისევე როგორც რუსეთი, შეთანხმდნენ, რომ 4 და 5 თებერვალს ნავთობის ბაზრებზე არსებული ვითარების განსახილველად ვენაში შეხვდებიან.


ნავთობიმპორტიორთა კავშირის თავმჯდომარე ვანო მთვრალაშვილი ,,რეზონანსთან” აღნიშნავს, რომ ეს ჯერ კიდევ არ არის საფასო ფსკერი და კლება კვალავ გაგრძელდება.


,,უახლოეს პერიოდში უფრო მკაფიო სურათი იქნება. საწვავის მოხმარების ასეთი ვარდნა არ ყოფილა ათეული წლების განმავლობაში და ეს პროცესი ჯერ არ დასრულებულა. საგანგაშო მდგომარეობაა და ეს კიდევ არ არის ფსკერი, ველოდებით, რომ სტატისტიკა ისევ შეიცვლება, სავარაუდოდ, კლების მიმართულებით, რაც ეკონომიკაში დიდ დანაკარგს გამოიწვევს. მიმდინარე მოვლენები ოპტიმისტური გადაწყვეტილების საბაბს ჯერჯერობით არ იძლევა.


ადგილობრივ ბაზარზე ბოლო პერიოდში ნავთობპროდუქტების ფასი შემცირებულია. ცხადია, მომხმარებლისთვის ყოველთვის კარგია, როცა იაფდება, მაგრამ ეკონომიკაში ჩნდება პრობლემური მომენტები“, - აღნიშნა ვანო მთვრალაშვილმა.



საერთაშორისო ტენდენციას დიდ ქსელურ გასამართ სადგურებში ჯერჯერობით კვლავ არ მოუხდენია გავლენა, მიუხედავად იმისა, რომ მსოფლიო ბაზარზე ნავთობი უკვე ორ კვირაზე მეტია იაფდება. რაც შეეხება მცირე სადგურებს, იქ ფასი უკვე დაბლა მოდის.


ანალიტიკოსი, ბექა კემულარია ამბობს, რომ ჯანსაღი კონკურენციის პირობებში, პირიქით უნდა მომხდარიყო და ფასები, პირველ რიგში, მსხვილ კომპანიებში შემცირებულიყო, თუმცა დღესდღეობით ვერავინ იტყვის, როდის მოისურვებს 5 დიდი კომპანია გააიაფოს პროდუქცია.


,,წვრილმა ბენზინ გასამართ სადგურებმა 5-7 თეთრით უკვე შეამცირეს ფასი, მსხვილ ქსელებზე კი ჯერ არავითარი ასახვა არ ყოფილა. წესით და ყველა ლოგიკით, ჯანსაღი კონკურენციის პირობებში, ეს პირიქით უნდა მომხდარიყო.


წვრილი კომპანიები სულ რამდენიმე ავტოგასამართ სადგურს ფლობენ, ქსელურ კომპანიებს კი საკუთარი ბაზები და ძლიერი მენეჯმენტი აქვთ, რაც უნდა განაპირობებდეს მყისიერ რეაქციას. მცირე კომპანიებზე უფრო მტკივნეულად უნდა აისახებოდეს ნებისმიერი მნიშვნელოვანი ცვლილება. ჩვენთან პირიქითაა, რადგან.... ყველამ იცის რატომაც. ნაცვლად კონკურენციისა, ბრენდირებული სადგურები შეთანხმებულად ახდენენ საფასო ცვლილებებს”, - აღნიშნა ,,რეზონანსთან” კემულარიამ.


ჯანსაღი კონკურენციის პირობებში რომ საერთაშორისო ტენდენცია უნდა ასახულიყო ქართულ ბაზარზე, ამას აფბა-ს ანალიტიკოსი პაატა ბაირახტარიც ადასტურებს. ვერც იგი აკეთებს პროგნოზს, როდის მოაღწევს გაიაფების ტალღა საქართველომდე, რადგან ეს არავითარ ეკონომიკურ ლოგიკას არ ექვემდებარება.


,,გარდა იმისა, რომ ნავთობის ღირებულება მსოფლიო ბაზარზე ეცემა, ეროვნული ვალუტაც მყარდება და საფასო პოლიტიკისთვის ესეც მნიშვნელოვანი მდგენელია, მაგრამ ეს არ აისახება დიდი ქსელური ავტოგასამართი სადგურების პოლიტიკაზე. წესით, აქამდე უნდა დაწყებულიყო გაიაფება, ზუსტად ისე, როგორც ეს მცირე კომპანიების შემთხვევაში მოხდა, თუმცა ყველამ იცის, რატომ არ ექვემდებარება არავითარ ეკონომიკურ ლოგიკას ფასები ამ ხუთ კომპანიაში. სწორედ ამის დამსახურებაა, რომ პროგნოზირებაც შეუძლებელია, როდის შეიძლება დაიწყოს გაიაფება, რადგან ეს არ არის დამოკიდებული ბაზრის რეალურ მდგომარეობაზე”, - განაცხადა ბაირახტარმა.


,,რეზონანსი” ცდილობდა დიდი ქსელური კომპანიებისგან გაეგო, რატომ არ ასახულა ფასზე ამ მასშტაბის შემცირება, ან როდის დაიწყება გაიაფება, თუმცა კომპანიის წარმომადგენლებმა კომენტარის გაკეთება არ ისურვეს.


გაზეთი „რეზონანსი“



თეგები:
საწვავი



ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

პანდემიამდელ პერიოდთან შედარებით ეკონომიკური ზრდა 6,4%-ის დონეზეა

პანდემიამდელ პერიოდთან შედარებით ეკონომიკური ზრდა 6,4%-ის დონეზეა
access_time2021-07-31 10:00:13
ივნისში საქართველოს ეკონომიკა გაიზარდა არა მხოლოდ პანდემიური 2020 წლის ანალოგიურ პერიოდთან, არამედ 2019 წელთან შეადრებითაც.  ბიზნესგარემოს საგარეო ეკონომიკური კონიუნქტურის გაუმჯობესება,  წარმოების ზრდა და  რეკორდული ფინანსური ტრანზაქციები  უცხოეთიდან - ეს ის ფაქტორებია, რამაც წინა თვეში ეკონომიკა მაღალი ორნიშნა მაჩვენებლით გაზარდა.  2019 წელთან შედარებით, ზრდა 6,4%-ის დონეზეა. როგორც  სტატისტიკოსი სოსო არჩვაძე ,,კომერსანტთან“...


მსგავსი სიახლეები

up