რატომ არ დაეხმარნენ საკუთარ ქვეყანას რუსი მილიარდერები პანდემიის დროს

რატომ არ დაეხმარნენ საკუთარ ქვეყანას რუსი მილიარდერები პანდემიის დროს

access_time2020-08-01 20:00:00

რუსეთში ბოლო 24 საათში  ახალი კორონავირუსით დაინფიცირების 5 509 შემთხვევა დაფიქსირდა. დაავადებულთა მთლიანმა რაოდენობამ 834 499-ს მიაღწია, ხოლო დაღუპულთა რაოდენობა 13 802-მდე გაიზარდა.

 

დამოუკიდებელი რუსული მედია და ექსპერტები ჯერ კიდევ ივნისში ვარაუდობდნენ, რომ რუსეთში ეპიდემიური სიტუაცია ვერ გაუმჯობესდებოდა, ვინაიდან საკონსტიტუციო ცვლილებების შესახებ საყოველთაო რეფერენდუმი ადამიანების დიდ შეკრებებთან იყო დაკავშირებული. მასობრივი ხმის მიცემის პროცესი გარდაუვალი იყო და ეპიდსიტუაციის განმუხტვას ნამდვილად არ ემსახურებოდა. ემსახურებოდა მხოლოდ ერთ რამეს და ეს ერთი რამ მოხდა კიდეც – ვლადიმერ პუტინმა 1-ელ ივლისს რუსეთის მოქალაქეები საარჩევნო ოლქებში საკუთარი ძალაუფლების განსამტკიცებლად მიიყვანა. როგორც ოფიციალური მონაცემებიდან არის ცნობილი, რუსეთის კონსტიტუციის ცვლილებებს მოქალაქეების 70%-მა დაუჭირა მხარი. გარდა სხვადასხვა მნიშვნელოვანი განახლებისა, ძალაში შევიდა ის ცვლილებაც, რომლის მიხედვით ვლადიმერ პუტინს 2036 წლამდე პრეზიდენტად კენჭისყრის უფლება დაუმტკიცდა.

 

 

გასაგებია, როგორც მოიქცა რუსეთის ხელისუფლება. მეორე მხრივ კი განხილვის თემაა, თუ როგორ გამოიჩინა თავი კრემლთან დაახლოებულმა რუსულმა ბიზნესელიტამ. როგორც ვიცით,  მსოფლიოს ბიზნესელიტა უდიდეს ძალისხმევასა და ფინანსებს დებს “კოვიდ-19”-თან ბრძოლაში და მილიონობით დოლარს რიცხავს როგორც მსოფლიო, ასევე, საკუთარი ქვეყნების ფონდებში. გვახსოვს, ამ საქმეში ქველმოქმედების სახით ქართული ბიზნესის წარმომადგენლებიც ჩაერთნენ. ამავე დროს, ირკვევა, რომ ის რუსი მილიარდერები, რომლებიც „ფორბსის“ სიაში არიან და მსოფლიოს უმდიდრესი ადამიანების რეიტინგში მუდამ ხვდებიან, პანდემიის დაწყებისას, პირველ ყოვლისა,  საკუთარი ოჯახებისთვის ფილტვის ხელოვნური ვენტილაციის აპარატების ყიდვა დაიწყეს.

 


როგორც რუსულ მედიაში წერენ: „ეს ადამიანები ღმერთის მოტყუებას შეეცადნენ, დაიჯერეს, რომ უკვდავები არიან და სიცოცხლის ყიდვა ისევე შეუძლიათ, როგორც  – ბუტიკში სამოსის. უფრო მეტიც, უმსხვილესი მეწარმეები და სახელმწიფო კომპანიების ხელმძღვნელები არაფრით  დაეხმარნენ საზოგადოებას ისტორიის ერთერთ ყველაზე ცუდ პერიოდში. მათმა აბსოლუტურმა უმრავლესობამ არ გაიღო კაპიკიც კი კორონავირუსთან ბრძოლისთვის. სრულ „თვითიზოლაციაში“ წავიდნენ, დაიმალნენ სასახლეებში რუბლიოვკაზე, სეიშელის, კარიბისა და მალდივის კუნძულებზე მაშინ, როცა უბრალო მოკვდავებს სამედიცინო ნიღბების ყიდვა არ შეგვიძლია აფთიაქებში“.
თუმცა, ზოგმა მათგანმა გარკვეული ფინანსური ხარჯი გაიღო და შექმნა შთაბეჭდილება, რომ საკუთარი ქვეყნის მოქალაქეების სიცოცხლე  ძალიან ადარდებს. რუსული „ფორბსის“ სიის პირველ ნომრად დასახელებულმა ძმებმა როტენბერგებმა ბოტკინის საავადმყოფოს, დაახლოებით, 600 ათასი დოლარი გადაურიცხეს. პუტინთან დაახლოებულმა ბიზნესმენმა ძმებმა ეს ფული რუსეთის იმ ერთერთ ყველაზე  ცნობილ კლინიკას ჩაურიცხეს, რომელიც ნახევრად დანგრეულ მდგომარეობაშია და ინფიცირებულებს მაინც იღებდა.

 

რუსულ მედიაში წერენ, რომ, შედარებისთვის, ერთ დღე-ღამეში ყაზახეთში იქაურმა ბიზნესმენებმა ეროვნული დახმარების ფონდში 41 მილიონი დოლარი გადარიცხეს.

 

„ფორბსის“ რუსული რეიტინგის 12 ფიგურანტიდან ოთხი იმ რეგიონებს დაეხმარა, რომლებშიც კომპანიები აქვს. სამმა იმ კომპანიას გადაურიცხეს ექსპრეს-ტესტების შესასყიდად თანხები, რომელიც როტენბერგების ოჯახთან არის დაკავშირებული. ასევე, რამდენიმე რუსმა მილიარდერმა რატომღაც უცხოელი ექიმების დახმარება არჩია – ალბათ, იმავე მოტივით, რა მოტივითაც ვლადიმერ პუტინმა იტალიაში სამხედრო ექიმები და დეზინფექტორები მაშინ გაგზავნა, როდესაც რუსეთში საკუთარი ხალხი ჰყავდა დასახმარებელი. РУСАЛ-ის მფლობელმა, მილიარდერმა ოლეგ დერიპასკამ ირკუტსკში 3 კლინიკის აშენება წამოიწყო – 160 ადამიანზე გათვლილი და 3 რეანიმობილი იყიდა. დერიპასკას კომპანია РУСАЛ-ი ალუმინის წარმოების მსოფლიო ბაზარზე ერთერთი ყველაზე მსხვილი მოთამაშეა. უშუალოდ ოლეგ დერიპასკას ქონება 1,8 მილიარდ დოლარად არის შეფასებული. აღსანიშნავია, რომ ეს ბიზნესმენი მსოფლიო ასპარეზზე არასუფთა თამაშშია შემჩნეული – რა თქმა უნდა, კრემლის დავალებით. როგორც ევროპული პრესა წერდა, 2016 წელს მან დიდი ფული დახარჯა მონტენეგროში სახელმწიფო გადატრიალების დაფინანსებაში. თუმცა, ეს ფული მართლაც წყალში ჩაეყარა. პუტჩი ჩავარდა, მონტენეგროს პრემიერმინისტრი ლიკვიდაციას გადაურჩა, ხოლო, რუსეთის წინააღმდეგობის მიუხედავად, ეს პატარა მთიანი რესპუბლიკა ნატო-ს ახალ წევრად მაინც მიიღეს.

ძალიან აღშფოთდნენ რუსები მაშინაც, როცა ჯგუფ USM-ს მფლობელმა, ალიშერ უსმანოვმა საჯაროდ აღიარა, რომ კორონავირუსის ძალიან ეშინია და მშობლიურ უზბეკეთში გადაიმალა. სწორედ უზბეკეთს შესწირა მან 20 მილიარდი დოლარი ეპიდემიასთან ბრძოლისთვის, ხოლო რუსეთში – იქ, სადაც მისი მილიონიანი ბიზნესებია, მას ფული ქველმოქმედებაზე დასახარჯად დაენანა.

ამგვარად, როგორც ჩანს,  რუსეთის ფედერაციაში ხელისუფლებაც და ბიზნესიც ერთი გზით მიდის – ჰგონიათ, რომ უკვდავები არიან და ღმერთის მოტყუება სურთ. თუმცა, ასე ხომ კომუნისტებსაც ეგონათ, მაგრამ 2036 წლამდე ვერ მიაღწიეს…

წყარო: kvira.ge

 





29 სექტემბერი - რეგიონში ქართული ლარი გამყარდა, თურქული ლირა და სომხური დრამი გაუფასურდა

29 სექტემბერი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2020-09-29 18:10:00
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 29 სექტემბრის ვაჭრობის შედეგად, ქართული ლარის კურსი 4 თეთრით გამყარდა და ერთი აშშ...

რა პრობლემებია მოსალოდნელი სომხეთსა და აზერბაიჯანში შესაძლო სამხედრო მობილიზაციის პროცესში?

რა პრობლემებია მოსალოდნელი სომხეთსა და აზერბაიჯანში შესაძლო სამხედრო მობილიზაციის პროცესში?
access_time2020-09-29 20:00:00
როგორც სომხეთს, ასევე აზერბაიჯანს მობილიზებისთვის საკმარისი ადამიანური რესურსები გააჩნიათ - სომხეთს 1,4 მლნ., აზერბაიჯანს კი 3,8 მლნ. ადამიანის მობილიზება შეუძლიათ.   თუმცა, შეიარაღებული კონფლიქტის ესკალაციის შემთხვევაში ნებისმიერმა ქვეყანამ რამდენიმე კითხვას პასუხი უნდა გასცეს.   პირველი - შესაძლებელია თუ არა სწრაფი გამარჯვების მიღწევა უკვე არსებული ძალებით? მეორე - შეუძლია თუ არა ქვეყანას მობილიზებული ადამიანების იარაღით, სამხედრო აღჭურვილობით,...

Die welt: ერდოღანი ყარაბაღში პუტინს უპირისპირდება

Die welt: ერდოღანი ყარაბაღში პუტინს უპირისპირდება
access_time2020-09-29 19:00:32
კვირას, დილის 4 საათზე, სომხეთს და აზერბაიჯანს შორის მორიგი ომი დაიწყო.   საომარი შეტაკებები ორ ქვეყანას შორის მუდმივად ხდება იმის შემდეგ, რაც 90-ანი წლების დასაწყისში ხანგძლივი და სისხლისმღვრელი ომის შედეგად, აზერბაიჯანის შემადგენლობაში მყოფი მთიანი ყარაბახის ტერიტორია სომხეთმა დაიკავა.   1994 წელს მხარეებმა ზავი გააფორმეს, თუმცა ის მუდმივად ირღვევა. ბოლოს ეს ივლისში მოხვდა, როდესაც 2 აზერბაიჯანელი ჯარისკაცი დაიღუპა, ხოლო რამდენიმე დაიჭრა. როგორც...

„ეროვნული ბანკის ინტერვენციებს შესაძლოა უკუეფექტიც კი ჰქონდეს და ლარი უფრო გაუფასურდეს“ - ლევან სურგულაძე

„ეროვნული ბანკის ინტერვენციებს შესაძლოა უკუეფექტიც კი ჰქონდეს და ლარი უფრო გაუფასურდეს“ - ლევან სურგულაძე
access_time2020-09-29 16:30:35
COVID-19-ის კრიზისის დაწყების შემდეგ ეროვნულმა ბანკმა ბაზარს საკუთარი რეზერვებიდან 450 მილიონ დოლარზე მეტი მიაწოდა, ამასთან, კობა გვენეტაძის განცხადებით, სებ-ი ინტერვენციების სახით წლის ბოლომდე კიდევ 200 მილიონ დოლარზე მეტს გაყიდის, მაგრამ ლარის კურსის გაუფასურება ამ ნაბიჯებმა მაინც ვერ შეაჩერა. პირიქით, ჯამურად ლარი დოლართან მიმართებაში სექტემბერში თითქმის 7%-ით გაუფასურდა. საპენსიო სააგენტოს ყოფილი ხელმძღვანელი და ფინანსისტი ლევან სურგულაძე...

entrepreneur: 11 საუკეთესო ვებგვერდი დამატებითი თანხის გამოსამუშავებლად

entrepreneur: 11 საუკეთესო ვებგვერდი დამატებითი თანხის გამოსამუშავებლად
access_time2020-09-29 17:30:33
არ აქვს მნიშვნელობა, გადასახადების გადახდის კიდევ ერთ გზას ეძებთ, პროფესიული განვითარების ახალ საშუალებებს თუ უბრალოდ, თავისუფლების შეგრძნება მოგწონთ, რასაც შტატგარეშე თანამშრომლობა გთავაზობთ, რადგან უკვე მილიონობით ადამიანი დარწმუნდა, რომ ამ ტიპის სამსახურს უზომოდ დიდი უპირატესობები აქვს. რაც უფრო პოპულარული ხდება ციფრული ცხოვრების სტილი, მით მეტად იზრდება რესურსების რაოდენობა შტატგარეშე თანამშრომელთათვის.   სამსახურის დამოუკიდებლად დასაწყებად საკმაოდ ბევრი...


მსგავსი სიახლეები

up