„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

access_time2020-11-24 17:30:23

ვაგრძელებთ წერილების ციკლს, რომელსაც ერთადერთი მიზანი აქვს - ერთი პატარა აგური მაინც დაიდოს ქართული ფეხბურთის უკეთესი მომავლის საქმეში. თქვენს წინაშეა მორიგი წერილი, რომელიც, ალბათ, ბევრს გაანაწყენებს კიდეც, მაგრამ თავს იმთავითვე იმით დავიმშვიდებ, რომ ქართული ფეხბურთის დღევანდელი მდგომარეობის გათვალისწინებით აღარავის ფერების დრო აღარ არის...


...დიახ, აღარ არის, რადგან თუ ბევრი რამ არ შევცვალეთ, თავზე დაგვემხობა ყველაფერი და ვერც დიდ საფეხბურთო ფორუმზე ვითამაშებთ იმის მიუხედავად, გვეყოლება თუ არა ძლიერი ნაკრები. საქმე ეხება ქართული საკლუბო ფეხბურთის დაფინანსებას სახელმწიფოს მხრიდან.


ჩვენ არაერთხელ დავწერეთ, რომ ჩვენს საკლუბო ფეხბურთში ჩადებული ეს ფული დიდწილად წყალში იყრება. ამის მიზეზი ბევრია: არაკვალიფიციური და საშოვარზე გადაგებული კადრები ჩვენს კლუბებში (ყველას არ ეხება), ყოველთვიური, უზრუნველყოფილი შემოსავლებით ტკბობა, თანამედროვე საფეხბურთო ტენდენციების უცოდინარობა და ასე შემდეგ.


ეს ყველაფერი გასაგებია. ამბობენ, მომავალი წლისთვის ფეხბურთის განვითარების ფონდის პრიორიტეტები იცვლებაო და თუ ეს მართალია, ძალიანაც კარგი. იმ ფულით, რომელიც ჩაიდო ქართულ საკლუბო ფეხბურთში, მივაღწიეთ ერთადერთ რამეს - ეროვნული ჩემპიონატი არ ჩაგვეშალა და ფეხბურთელები კუთვნილ ხელფასს იღებენ. თუმცა ყველგან არა და უცნაურია, რატომ არ ინტერესდებიან ამ საკითხით სამართალდამცავი ორგანოები. სად მიდის ჩვენი ფული? ეს სხვა თემაა და ასე მარტივად გადასაწყვეტი ამბავი სულაც არ გახლავთ. ჩვენ კი ამის გარკვევა სამომავლოდ გადავდოთ და ჩვენი წერილის მთავარ თემას გავყვეთ...


კი ბატონო, ვატარებთ ჩემპიონატს და ეს ძალიან კარგია, მაგრამ ახლა ის ვიკითხოთ, ამდენი ხარჯის შემდეგ წავიდა თუ არა მისი დონე წინ, გაიზარდა თუ არა ფეხბურთელების სათამაშო ოსტატობა და ასე შემდეგ.


რად გვინდა ბევრი იწილო-ბიწილო, გადავხედოთ თუნდაც ბოლო ევროთასებს და ყველა კითხვაზე პასუხს მივიღებთ. თბილისის "ლოკომოტივის" გარდა, ყველა გუნდი ცუდად გამოვიდა, თბილისის "დინამომ" კი სულაც ისე ითამაშა, ამის გახსენება არც გვინდა - ერთხელაც ნუ მოვიყრით მარილს ჭრილობებზე.


და რა ხდებოდა, სანამ ფონდი იქნებოდა? მაშინ ჩვენი კლუბები შედარებით უკეთ თამაშობდნენ ევროთასებზე. ქართულ ფეხბურთში სპონსორები უფრო მეტ ფულს დებდნენ, ვიდრე ახლა და შედეგიც იყო. გვახსოვს, ერთდროულად ორი ქართული კლუბიც კი გასულა ევროპალიგის პლეი ოფში. ამასაც არ ვჯერდებოდით, მეტი გვინდოდა და კრიტიკა არც მაშინ დაგვიშურებია. ახლა ხომ იმასთან შედარება აღარ არის!


მაშ რა მოხდა? სახელმწიფო დაფინანსებას მეტი სპონსორი უნდა მოეზიდა ქართული ფეხბურთისთვის და ასე ნამდვილად არ არის. უფრო პირიქით - ბევრი მიეჩვია იმას, რომ მინიმალური დანახარჯებით შეიძლება გუნდის შენახვა.



აქ მივადექით ძალიან მნიშვნელოვან საკითხს. ქართული ფეხბურთის განვითარების ფონდი კი არ უნდა გაუქმდეს, არამედ მისი პრიორიტეტები უნდა შეიცვალოს. ეს ის პრობლემაა, რომლის მოგვარების გადადებაც ნამდვილად არ შეიძლება. ბევრი გვეკითხება იმის თაობაზე, თუ როგორ უნდა შეიცვალოს ეს პრიორიტეტები. რა თქმა უნდა, მსჯელობის თემაა და ამ საკითხზე ყველას თავისი აზრი შეიძლება ჰქონდეს. ჩვენ ჩვენსას დავწერთ.


პირველ რიგში, კლუბებს უნდა აეკრძალოთ ფონდის ფულით ფეხბურთელებისთვის ხელფასების დარიგება. მე, როგორც რიგით გადამხდელს, რომლის ფულიც იხარჯება ამ პროექტში, იქნებ სულაც არ მინდა, რომ ჩემი ფულით აიღონ ხელფასები იმ ფეხბურთელებმა, რომელთა უმრავლესობაც საერთაშორისო ასპარეზზე სრულიად არაკონკურენტულია.


მავანი გვეტყვის, რომ ასე ბევრი კლუბი დაგვეშლება, მაგრამ რაც უვარგისია და რასაც ვერანაირი სარგებლობა ვერ მოაქვს, ის უნდა დაიშალოს. რა აზრი აქვს იმ კლუბის დაფინანსებას, რომელიც მხოლოდ ერთადერთ მიზანს ისახავს: როგორმე გაძლოს ქართულ საფეხბურთო სინამდვილეში. რა სარგებელს უნდა ველოდოთ მათგან? - ნაკრებს ფეხბურთელებს ვერ გაუზრდიან და ევროთასებზე ვერ ითამაშებენ. თუ ვინმე ფეხბურთის მასობრიობაზე ჩამოაგდებს სიტყვას, ეს უკვე სულ სხვა რამეა, სხვა თემაა...


არ არის აუცილებელი, მაინცდამაინც ბევრი ლიგა გვქონდეს და ბევრი ფეხბურთელი გვყავდეს. ვისი ოსტატობაც ელემენტარულ კრიტიკას ვერ უძლებს, ის ჯობია, გაერთოს. დილა-საღამოს ფეხბურთის თამაში შეიძლება და ამაში ფულის აღება სულაც არაა აუცილებელი.


ჩვენ უნდა ვათამაშოთ ჩვენს ჩემპიონატში (პირველ ორ ლიგაში მაინც) მხოლოდ და მხოლოდ კერძო პროფესიული კლუბები. ყველა გუნდს დიდ პატივს ვცემთ, მაგრამ ბევრს უკვე სულაც არ აინტერესებს შედეგი - ძალიან კარგად იცის, რომ მისაღებ თანხას მაინც მიიღებს და მიჰყვება დინებას.


ზემოთ პრიორიტეტების შეცვლის აუცილებლობა ვახსენეთ და ეს სასწრაფოდაა გასაკეთებელი. ფეხბურთელი კლუბში რომ მიდის, ის არის ძალიან ხშირად აბსოლუტურად მოუმზადებელი. ქართველ მწვრთნელთა დიდ ნაწილს თავისი მინუსები ეყოფა, მაგრამ რა უნდა ქნას მწვრთნელმა, რომელ შედეგზეა ლაპარაკი, როცა "პროფესიონალმა" ფეხბურთელმა ელემენტარული საფეხბურთო ნიუანსები არ იცის. არ იცის ისეთი რამეები, რასაც საფეხბურთო სკოლებში ასწავლიან. მხედველობაში გვაქვს ნორმალური საფეხბურთო სკოლები და არა იმ სკოლების სოლიდური ნაწილი, რომელიც დღეს გვაქვს საქართველოში.


აქედან დასკვნა: ფული აუცილებლად უნდა ჩაიდოს ბავშვთა ფეხბურთში. უნდა გაიზარდოს ბავშვთა მწვრთნელების ანაზღაურება, რათა მათ მოტივაცია მოემატოთ, და რა თქმა უნდა კვალიფიკაციაც - ბავშვები ევროპული სტანდარტებით უნდა მოვამზადოთ, რათა აქედანვე მიჩვეულები იყვნენ იქაურ მოთხოვნებს. ამაზე სიტყვას აღარ გავაგრძელებთ, რადგან უკვე დავწერეთ ამ მეტად მნიშვნელოვან თემაზე.


დიახ, ბოლო დროს განვითარებული მოვლენები ნათლად გვიჩვენებს, რომ გაცილებით მნიშვნელოვანია ბავშვთა ფეხბურთის განვითარება, ვიდრე იმ ფეხბურთელების დაფინანსება, რომელთაგანაც აწი აღარაფერი გამოვა. თუ არ მოუკლებენ თამაშს, ვერც მოუმატებენ.


ამასთან ერთად უნდა მოწესრიგდეს საფეხბურთო ინფრასტრუქტურა ბავშვთა საფეხბურთო სკოლებში. თუ თბილისში მინიმალურად მაინც არის ეს პრობლემა გადაჭრილი, რეგიონებში თითქმის არანაირი პირობა არ აქვთ ჩვენს ბავშვებს.


ამას კი ძალიან დიდ ნეგატივთან მივყავართ: როცა მშობელი ხედავს, რომ რეგიონში მისი შვილის განვითარებისთვის არანაირი პერსპექტივა არ არის შექმნილი, აუცილებლად მიიჩნევს მის თბილისში გადაყვანას. არაერთი მოზარდის ფსიქიკა არ არის მზად იმისთვის, რომ სრულიად ახალ რეალობას მოერგოს და ის უბრალოდ იკარგება - ჯერ თამაშს უკლებს, მერე კი საერთოდ ანებებს თავს ფეხბურთს - დედ-მამა, ახლო ნათესავები, ძმაკაცები ენატრება... რა თქმა უნდა, ჯობია, რომ ასეთი მოზარდები მშობლიურ ქალაქში დაოსტატდნენ და არ შეასკდნენ იმ დიდ პრობლემას, რომელზეც დავწერეთ.


ძალიან კარგად ვიცით, რომ ლევან კობიაშვილის პრეზიდენტობის დროს ქალთა ფეხბურთი იმაზე უკეთაა, ვიდრე წინა მმართველების დროს, მაგრამ ესეც არ არის საკმარისი. განა, ლანჩხუთის საფეხბურთო კლუბი, ჩემპიონთა ლიგაზე შესანიშნავი თამაშით რომ გვახარებს, არ იმსახურებს მეტ ყურადღებას?


ისიც ვიცი, რომ ფეხბურთის ფედერაცია გარკვეული თანხით შეეწევა გუნდს, მაგრამ ეს მაინც ერთჯერადი აქციაა. რომ ვუყურებ ჩვენი ფეხბურთელი ქალები გაცილებით მეტს იმსახურებენ და თუ თანმიმდევრობით მივყვებით საკეთებელს, ვინძლო, მალე საქართველოში ქალთა ფეხბურთი ძალიან პოპულარულიც გახდეს.


ბავშვთა ფეხბურთი და ინფრასტრუქტურა - ეს უნდა იყოს ფეხბურთის განვითარების ფონდის ძირითადი პრიორიტეტები 2021 წელს. რა თქმა უნდა, ეს უცბად ვერ გამოიღებს შედეგს, მაგრამ ცდა გვიჯობს უეჭველად განწირული პროექტის ერთგულებას.


lelo.ge

თეგები:
ფეხბურთი



დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-26 21:00:36
დღის TOP 10 საინტერესო ამბავი: 1.2020 წელს თიბისი ბანკმა საქართველოს ბანკზე ორჯერ მეტი მოგება მიიღო 2020 წელს ყველაზე დიდი, საბანკო სექტორის მოგების ნახევარზე მეტი „თიბისი“ ბანკმა მიიღო, რომელმაც 123 181 000 ლარი შეადგინა, ხოლო „საქართველოს ბანკის“ მოგება 57 109 000 ლარს გაუტოლდა. აღსანიშნავია, რომ მესამე ადგილს „კრედო “ ბანკი იკავებს,...

„ბიზნესი მზად არის თავისი წილი ვალდებულება აიღოს, მთავარია, მთავრობამ ეკონომიკა გახსნას“

„ბიზნესი მზად არის თავისი წილი ვალდებულება აიღოს, მთავარია, მთავრობამ ეკონომიკა გახსნას“
access_time2021-01-26 15:50:41
ბიზნეს სექტორი ეკონომიკის გახსნას ითხოვს. ივა ჭყონიას შეფასებით, ბიზნესის მრავალი სექტორი იმდენად მძიმე მდგომარეობაშია, რომ მათ არ იციან მომავალში როგორ შეიძლება ფუნქციონირება აღადგინონ. როგორც დისტრიბუტორთა ასოციაციის თავმჯდომარე აცხადებს, თუ მთავრობა მარტამდე რეგულაციების შემსუბუქების ან მოხსნის გადაწყვეტილებას არ მიიღებს მცირე და საშუალო ბიზნესის ბევრი წარმომადგნელი გაკოტრდება. დისტრიბუტორთა ასოციაციის თავმჯომარე ეკონომიკის მინისტრის მოადგილესთან...

საქართველოს ბიზნეს ასოციაციის წევრებისთვის „მეწარმეთა შესახებ“ ახალი კანონის პროექტის გარშემო ვებინარი ტარდება

საქართველოს ბიზნეს ასოციაციის წევრებისთვის „მეწარმეთა შესახებ“ ახალი კანონის პროექტის გარშემო ვებინარი ტარდება
access_time2021-01-26 13:00:01
საქართველოს ბიზნეს ასოციაციის, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანადაფინანსებული პროექტის “საქართველოს კომერციული სამართლის და პრაქტიკის გაუმჯობესება” ფარგლებში საქართველოს ბიზნეს ასოციაციის წევრებისთვის „მეწარმეთა შესახებ“ ახალი კანონის პროექტის გარშემო სამდღიანი ვებინარი ტარდება.ვებინარი ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანადაფინანსებული პროექტის...

HYATT CENTRIC BOULEVARD BATUMI 2025 წელს გაიხსნება

HYATT CENTRIC BOULEVARD BATUMI 2025 წელს გაიხსნება
access_time2021-01-26 14:40:19
Hyatt-ი საქართველოში სასტუმრო Hyatt Centric Boulevard Batumi-ის მშენებლობას გეგმავს.საერთაშორისო სასტუმრო ბრენდი ინფორმაციით, უკვე გაფორმდა შპს „ალიანს სიტისთან“ მართვის ხელშეკრულება გააფორმა. ხელშეკრულება ბათუმში, ზღვის სანაპიროზე , სასტუმრო Hyatt Centric Boulevard Batumi-ის მშენებლობას ითვალისწინებს. 180-ნომრიანი სასტუმრო 2025 წლისთვის უნდა გაიხსნას. აღსანიშნავია, რომ Hyatt Centric-ის ბრენდი პირველად შემოდის საქართველოში, ევროპის მასშტაბით კი ეს...

გიორგი გახარია - თუ თბილისში დადებითობის მაჩვენებელი ჩამოცდება 4%-ს უახლოეს კვირაში, მუნიციპალური ტრანსპორტის გახსნაზეც უფრო სწრაფად უნდა ვისაუბროთ

გიორგი გახარია - თუ თბილისში დადებითობის მაჩვენებელი ჩამოცდება 4%-ს უახლოეს კვირაში, მუნიციპალური ტრანსპორტის გახსნაზეც უფრო სწრაფად უნდა ვისაუბროთ
access_time2021-01-26 12:55:00
თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა. ინფორმაციას მთავრობის ადმინისტრაციის პრესსამსახური ავრცელებს. როგორც მთავრობის მეთაურმა აღნიშნა, როგორც კი...


მსგავსი სიახლეები

up