პანდემიის მიუხედავად, კომპანია Tesla-ს აქციები ძვირდება. კომპანია, რომელსაც ყოველი წლის დასაწყისში გაკოტრებას უწინასწარმეტყველებენ, ყოველწლიურად მოგებაზე გადის.
ინვესტორების სამყარო 2 ნაწილად გაიყო - ისინი, ვისაც Tesla-ს მომავლის სჯერათ და ვისაც ეჭვი ეპარება.
ბოლო თვეებში კომპანიის აქციები 500%-ით გაძვირდა, დღესდღეობით, Tesla-ს აქტივბი ერთად აღებულ Bank of America და American Express-ზე მეტი ღირს. ინვესტორები მთელს მსოფლიოში კომპანიის ფასიან ქაღალდებში არა მხოლოდ საკუთარ თავისუფალ თანხებს, არამედ მშობლების საპენსიო დანაზოგებს და შვილების განათლებისთვის გადადებულ ფულს დებენ, ზოგჯერ კრედიტებსაც კი იღებენ.
ეს ყველაფერი კი იმისთვის, რომ მოასწრონ მოგებაზე გასვლა, სანამ კომპანია ამის საშუალებას იძლევა.
ასეთ ზრდას ბევრი ანალიტიკოსი გაუმართლებლად და სპეკულაციურად მიიჩნევს. მათი აზრით, კომპანიის ფუნდამენტალური მაჩვენებლები ძალიან გადაფასებულია.
„Tesla უფრო მეტი ღირს, ვიდრე Fiat Chrysler, General Motors და Ford-ი ერთად აღებული. ამას რეალობასთან საერთო არაფერი აქვს“ - მიიჩნევს ბობ ლუტცი, რომელსაც მაღალი პოსტები Ford, Chrysler და General Motors- ში ეკავა.
Tesla-ს ფენომენი საინვესტიციო საზოგადოებაშიც აქტიურად განიხილება. ზოგიერთი ინვესტორი კომპანიას მორიგ საპნის ბუშტად მიიჩნევს - ისინი ფსონებს მის წინაამღდეგ დებენ და მისი კრახის იმედი აქვთ. ყველა ინვესტორმა, ვინც Tesla-ს წინაამღდეგ თამაშობდა, საბოლოოდ წაგებული დარჩა.
ინვესტორთა მეორე ნაწილი კი პირიქით, ოპტიმიზმითაა სავსე. ინვესტორები ფულს მომავალი სწრაფი ზრდის იმედით აბანდებენ. ამისთვის მიზეზებიც აქვთ - ბოლო 3 კვარტალი კომპანია მოგებას აჩვენებდა და იგივე ტენდენცია შემდეგ თვეებშიც მოსალოდნელი იყო.
თუმცა, პანდემის გავრცელების შემდეგ Tesla-მ კალიფორნიაში ქარხნის მშენებლობა შეაჩერა.
ბევრი ანალიტიკოსი ამის შემდეგ, კომპანიის მდგომარეობის გაუარესებას ელოდა, მაგრამ Tesla-ს - გაყიდვები 2020 წლის მე-2 კვარტალში 5%-ით შემცირდა, თუმცა პროგნოზი 24% იყო.
მე-2 კვარტალში კომპანიის შემოსავალმა 6 მლრდ. დოლარი შეადგინა, სუფთა მოგებამ კი 104 მლნ. დოლარი, რაც 550% მეტია ვიდრე გასული წლის ანალოგიურ პერიოდში.
ამ ინფორმაციის გამოცხადების შემდეგ კომპანიის აქციები კიდევ 5%-ით გაძვირდა.
კერძო ინვესტორი სან-დიეგოდან ერიკ პერკინსი თვლის, რომ Tesla-ს აქციები გაუმართლებლად გაძვირდა და ფასი გადაჭარბებულად მაღალია - თუმცა, ამის მიუხედავად ის მათ გაყიდვას არ ჩქარობს.
ჰოლანდიელმა კერძო ინვესტორმა ორესტ პალამპუგიქსმა 50 000 დოლარის სესხი აიღო Tesla-ს აქციების შესაძენად. მისი დაბანდება წარმატებული აღმოჩნდა - აქციები 6-ჯერ გაძვირდა.
საბოლოოდ შეიძლება იმის თქმა, რომ Tesla- წინაამღდეგობრივი ინვესტიციაა. მისი მომავლის ერთ-ერთი ხეჯ-ფონდის ყოფილ მმართველს დევიდ როკერს არ სჯერა.
„აქციების ასეთი ზრდა ფინანსურ სისტემაში ძალიან ექსტრემალურ პირობებს ქმნის. ყველაფერი ეს დიდი ზარალით და დიდი ცრემლებით დასრულდება“ - თვლის დევიდ როკერი.
RBC.RU
მოამზადა თენგიზ აბლოთიამ