რას ურჩევს მცხეთის დაწუნებული გენგეგმის ავტორი ახალი გეგმის შემქმნელებს?

რას ურჩევს მცხეთის დაწუნებული გენგეგმის ავტორი ახალი გეგმის შემქმნელებს?

access_time2018-12-07 20:40:44

2016 წელს შემუშავებული მცხეთის მიწათსარგებლობის გეგმის ერთ–ერთი ავტორი, ქალაქმგეგმარებელი მერაბ ბოლქვაძე მიიჩნევს, რომ მისი თანამონაწილეობით შექმნილი გენგეგმა მცხეთის საკრებულომ, მისი წევრების კერძო ინტერესების გამო, დაიწუნა.



ამის შესახებ მან BM.GE-სთან საუბრისას განაცხადა.



„საკრებულოს რამდენიმე წევრს მოსახლეობაზე ზრუნვის საბაბით უნდოდა, რომ სამთავროს მონასტრის თავზე განვითარება შემდგარიყო. შეფასების კრიტერიუმი ასეთი იყო - თუ იქ გენგეგმა მშენებლობას დაუშვებდა, მაშინ ის კარგი დოკუმენტი იქნებოდა, თუ არ დაუშვებდა, მას ბევრი უარყოფითი ფაქტორი ექნებოდა. ის უფრო მთავარია, რომ იქ თუნდაც ნაწილმა, ორმოცდაათმა მოქალაქემ საცხოვრებელი სახლი ააშენოს, თუ ის, რომ ეს მსოფლიო კულტურული მემკვიდრეობის ძეგლთა სიაში დარჩეს. ეს არ არის მხოლოდ მცხეთისა და იმ 50 მოქალაქის ძეგლი, ეს მთელი საქართველოს ძეგლია“, – განაცხადა მერაბ ბოლქვაძემ.



მან ასევე გაიხსენა, რომ 2016 წელს შექმნილ დოკუმენტს ეკონომიკისა და მდგრადი განვითარების სამინისტოსგან, ასევე რამდენიმე არასამთავრობო ორგანიზაციის მხრიდან დადებითი შეფასება ჰქონდა.




„მე ახლაც ვთვლი, რომ ის კვალიფიციურად შესრულებული სამუშაოა. ამას ეს პერსპექტიული ტენდერიც დაადასტურებს, რადგან იქ ბევრი რამ ამ გენგეგმიდან იქნება ასახული“, – აღნიშნა მან.



რაც შეეხება ახალ გენგეგმას, რომლის შესაქმნელად ტენდერი საქართველოს მუნიციპალური განვითარების ფონდმა უკვე გამოაცხადა, მერაბ ბოლქვაძის აზრით, ახალი დოკუმენტის ავტორებმა, მის მსგავსად უნდა გაითვალისწინონ, რომ სამთავროს მონასტრის მიმდებარედ და ისტორიული ლანდშაფტის დაცვის სხვა ზონებში, სამშენებლო განაშენიანება დაუშვებელია.



„ამ ქალაქს ტერიტორიული განვითარების რესურსი არ აქვს. მეორე ფაქტორი, რაც ასევე გასათვალისწინებელია და ეს უმთავრესია - ჯვარი, სვეტიცხოველი და სამთავროს მონასტერი მსოფლიო კულტურული მემკვიდრეობის ძეგლებია და ბუნებრივია, იმ არეალში, ეს ისტორიული ლანდშაფტის დაცვის ზონაა, ძალიან ფრთხილად უნდა იმოქმედონ. განსაკუთრებით, ეს სამთავროს თავზე არსებულ ტერიტორიებს ეხება, სადაც სამწუხაროდ, გაცემულია მიწის ნაკვეთები და მოსახლეობის ნაწილს ამ ტერიტორიის განვითარების ინტერესი აქვს. ამაზე კი, იმ გენერალურმა გეგმამ ცალსახად გაუსვა ხაზი, რომ ამ ტერიტორიების სამშენებლო განვითარება ყოვლად დაუშვებელია, რადგან იმ წუთში მცხეთა მსოფლიო კულტურული მემკვიდრეობის ძეგლების ნუსხიდან ამოვარდება, რადგან იქ მნიშვნელოვანი არქეოლოგიაა და სამთავროს თავზე სამშენებლო განვითარება დაუშვებელია, ამიტომ ის, ვინც ამ კონკურსს მოიგებს და ამ ტენდერის შემდეგ სამუშაოს შეასრულებს, ეს მნიშვნელოვანი ფაქტორი გასათვალისწინებელი ექნება“, – მიიჩნევს ქალაქმგეგმარებელი.



შეგახსენებთ, რომ მიმდინარე პერიოდში მცხეთის მიწათსარგებლობის გენერალური გეგმის შექმნის მესამე მცდელობაა. 2016 წელს აღნიშნული დოკუმენტი მცხეთის მუნიციპალიტეტის დაკვეთით ორგანიზაცია „სალი 2011“-მა მოამზადა, რომელიც ადგილობრივმა საკრებულომ დაიწუნა.



სწორედ აღნიშნული ორგანიზაციის მიწვევით მუშაობდა მერაბ ბოლქვაძე.



ამის შემდეგ, მიმდინარე წლის მაისში, მცხეთის გენგეგმისთვის ტენდერი ეკონომიკისა და მდგრადი განვითარების სამინისტრომ გამოაცხადა, თუმცა შემდეგ მთავრობის სტრუქტურული რეფორმა განხორციელდა და სივრცითი დაგეგმარების საკითხები რეგიონული განვითარებისა და ინფრასტრუქტურის სამინისტროს გადაეცა, ამიტომ ტენდერი შეწყდა. ამ საკითხზე მესამე ტენდერი მუნიციპალური განვითარების ფონდმა მიმდინარე წლის 23 ნოემბერს გამოაცხადა.



bm.ge


თეგები:
გენგეგმა



“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ

“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ
access_time2019-05-20 19:00:52
...

Google Amazon-ს კონკურენციას გაუწევს

Google Amazon-ს  კონკურენციას გაუწევს
access_time2019-05-20 20:00:13
რამდენიმე დღის წინ Google-მა განაახლა სერვისები, რომლებიც დაკავშირებულია ონლაინ ვაჭრობასთან. განახლებული Google Shopping და Google Express დაეხმარება კლიენტებს საქონლის მოძიებაში და ფასების შედარებაში სხვადასხვა გამყიდველებთან. ექსპერტების აღნიშნავენ, რომ ეს არის ახალი ტენდენცია - Google აქტიურად იწყებს ბრძოლას ონლაინ-ვაჭრობის ბაზარზე პირველობისთვის. 16 წლის წინ კომპანიამ, რომელიც ჯერ ბირჟაზეც კი არ იყო გასული,...

თემურ ბასილია: „მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია“

თემურ ბასილია: „მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია“
access_time2019-05-20 18:00:16
„საპენსიო რეფორმის წარმატება დამოკიდებულია იმაზე, როგორ მოხდება ამ რესურსების მართვა,“— ასე აფასებს  2019 წლის 1 იანვარს ამოქმედებულ  საპენსიო რეფორმას საქართველოს ყოფილი ყოფილი ვიცე პრემიერი, ყოფილი პრეზიდენტის ეკონომიკური მრჩეველი თემურ ბასილია „კომერსანტთან“  ექსკლუზიურ ინტერვიუში. როგორც ბასილია განმარტავს, მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია. მისივე...

მერიის ტრანსპორტის საქალაქო სამსახურის უფროსი: ე.წ. სტაიანშიკების მიმართ მოწყალებას ვიჩენთ

მერიის ტრანსპორტის საქალაქო სამსახურის უფროსი: ე.წ. სტაიანშიკების მიმართ მოწყალებას ვიჩენთ
access_time2019-05-20 17:00:16
წელიწადზე მეტია, რაც საპარკინგე ადგილების ადმინისტრირება თბილისის სატრანსპორტო კომპანიის დაქვემდებარებაში გადავიდა, თუმცა არჩევნებამდე დაპირებული პარკირების  პრობლემა არათუ მოგვარდა, კიდევ ურო დამძიმდა. უამრავ მიზეზებთან ერთად “კომერსანტთან“ ექსპერტები ე.წ. სტაიანშიკებსაც ასახელებენ, რომლებიც დედაქალაქში თვითნებურად მუშაობენ და საკუთარ წესებს ადგენენ. თბილისის მერიის ტრანსპორტის საქალაქო სამსახურის უფროსი მამუკა მუმლაძე ამ თემაზე...

„m²“ ამერიკის სავაჭრო პალატის წევრებს სასტუმროების ქსელის განვითარების კონცეფცია გააცნო

„m²“ ამერიკის სავაჭრო პალატის წევრებს სასტუმროების ქსელის განვითარების კონცეფცია გააცნო
access_time2019-05-20 13:25:06
ა/წ 17მაისს, 18:00 საათზე, სასტუმრო „რუმს ჰოტელ თბილისში“ დეველოპერულმა კომპანია „m²“-მა, ამერიკის სავაჭრო პალატასთან ერთად, მიღება გამართა და სავაჭრო პალატის წევრ კომპანიებს სასტუმროების ქსელის განვითარების ახალი მიმართულებისკონცეფცია წარუდგინა. ამ ეტაპზე, სასტუმროების ქსელის განვითარების მიმართულებით, საქართველოს მასშტაბით, 10 სასტუმროს გახსნა იგეგმება, რომლებიც,საერთო ჯამში,1,000-ზე მეტ ნომერს გააერთიანებს.სრული ინვესტიცია სასტუმროების განვითარების...


მსგავსი სიახლეები

up