რას საქმიანობს სააგენტო, რომელიც მთავრობამ ანაკლიის პროექტის მონიტორინგისთვის შექმნა

რას საქმიანობს სააგენტო, რომელიც მთავრობამ ანაკლიის პროექტის მონიტორინგისთვის შექმნა

access_time2019-03-15 15:38:55

უკვე მეორე წელია, რაც ინფრასტრუქტურის სამინისტროს შემადგენლობაში არსებობს სსიპ-ი, რომელიც მთავრობამ ანაკლიის ღმრმაწყლოვანი პორტის მონიტორინგისთვის შექმნა.


BMG-იმ სამინისტროსგან გამოითხოვა ინფორმაცია იმის შესახებ, თუ რას აკეთებს ეს უწყება იმისთვის, რათა პორტი აშენდეს.


წარმოგიდგენთ სამინისტროს პასუხებს:


  1. რას საქმიანობს ანაკლიის ღრმაწყლოვანი პორტის განვითარების სააგენტო?


სსიპ ანაკლიის ღრმაწყლოვანი ნავსადგურის განვითარების სააგენტო შეიქმნა მთავრობის 2017 წლის 23 მარტის დადგენილებით და მის საქმიანობაზე სახელმწიფო კონტროლის განხორციელება დაევალა საქართველოს ეკონომიკისა და მდგრადი განვითარების სამინისტროს.


2017 წლის 6 ოქტომბერის მთავრობის გადაწყვეტილებით, სააგენტოზე კონტროლის განმახორციელებელი უწყება გახდა რეგიონული განვითარებისა და ინფრასტრუქტურის სამინისტრო.


სსიპ ანაკლიის ღრმაწყლოვანი ნავსადგურის განვითარების სააგენტოს მიზანია:


• საქართველოს მთავრობასა და შპს „ანაკლიის განვითარების კონსორციუმს“ შორის 2016 წლის 3 ოქტომბერს გაფორმებული ანაკლიის ღრმაწყლოვანი ნავსადგურის მშენებლობის, ოპერირებისა და გადმოცემის (BOT) შესახებ საინვესტიციო ხელშეკრულების (შემდგომში – საინვესტიციო ხელშეკრულება) მონიტორინგის განხორციელება.


• საინვესტიციო ხელშეკრულებიდან გამომდინარე, უფლება-მოვალეობათა განხორციელება საქართველოს კანონმდებლობით და ხელშეკრულებით მინიჭებული კომპეტენციის შესაბამისად, მათ შორის საინვესტიციო ხელშეკრულებით გათვალისწინებული სხვადასხვა სახელმწიფო ორგანოს კომპეტენციას მიკუთვნებულ საკითხებზე შესაბამისი ქმედებებისა და რეაგირების კოორდინაცია, საქართველოს კანონმდებლობისა და კომპეტენციის შესაბამისად.



როგორც ზემოთ აღვნიშნეთ, სააგენტოს შექმნის მთავარი მიზანია ანაკლიის განვითარების კონსორციუმსა და საქართველოს მთავრობას შორის გაფორმებული საინვესტიციო ხელშეკრულებასთან დაკავშირებული კოორდინაცია და ხელშეკრულებით ნაკისრი ვალდებულებების მონიტორინგი. შესაბამისად, სააგენტოს სტრატეგია ან პოლიტიკის განმსაზღვრელი დოკუმენტების შემუშავება არ ხდება. მისი საქმიანობის საგანი, ფუნქციები და უფლებამოსილების ფარგლები განსაზღვრულია მთავრობის დადგენილებით დამტკიცებული დებულებით.


3. რატომ არ არის სააგენტოს საქმიანობის ანგარიში საჯარო?


სააგენტოს ანგარიშგება სამინისტროს წინაშე ხდება საქართველოს მთავრობასა და შპს „ანაკლიის განვითარების კონსორციუმს“ შორის 2016 წლის 3 ოქტომბერს გაფორმებული ანაკლიის ღრმაწყლოვანი ნავსადგურის მშენებლობის, ოპერირებისა და გადმოცემის (BOT) შესახებ საინვესტიციო ხელშეკრულების შესრულების მონიტორინგთან დაკავშირებით. იმის გათვალისწინებით, რომ აღნიშნული საინვესტიციო შეთანხმება წარმოადგენს კომერციულ საიდუმლოს, სააგენტოს მიერ მომზადებული ანგარიშები სამინისტროს მიმართ ვერ იქნება საჯარო ინფორმაცია.


4. ვინ არის სააგენტოს ხელმძღვანელი? რამდენი ადამიანი მუშაობს მასში?


სსიპ ანაკლიის ღრმაწყლოვანი ნავსადგურის განვითარების სააგენტოს ხელმძღვანელი არის დავით ჯავახაძე. სააგენტოში დასაქმებულია 9 ადამიანი (მათ შორის, არამუდმივი და დამხმარე ფუნქციის შესასრულებლად დაქირავებული პირები).


5. რა არის სააგენტოს ბიუჯეტი და როგორია მისი ათვისების მაჩვენებელი?


სააგენტოს ხარჯის უდიდეს ნაწილს წარმოადგენს საკონსულტაციო კომპანიებისთვის გადახდილი თანხა. ტექნიკური და იურიდიული პროფილის საკონსულტაციო კომპანიები სააგენტოს ეხმარებიან ინვესტორის მიერ წარმოდგენილი კვლევების/სამუშაოების შეფასებაში და საინვესტიციო ხელშეკრულებით განსაზღვრულ ვალდებულებებთან და დამკვიდრებულ საუკეთესო პრაქტიკასთან შესაბამისობის დადგენაში.


2017 წელი: საწყისი ბიუჯეტი 1,540,000 ლარი, დაკორექტირებული ბიუჯეტი 727,270 ლარი, ათვისების მაჩვენებელი 596,200 ლარი;


2018 წელი: საწყისი ბიუჯეტი 2,500,000 ლარი, დაკორექტირებული ბიუჯეტი 649,000 ლარი, ათვისების მაჩვენებელი 603,010 ლარი;


სახელფასო და საკონსულტაციო ხარჯი:


2017 წელი: სახელფასო ხარჯი 57,947 ლარი, საკონსულტაციო ხარჯები 527,122 ლარი;


2018 წელი: სახელფასო ხარჯი 199,632 ლარი, საკონსულტაციო ხარჯი 399,473 ლარი.


bm.ge






აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“
access_time2019-05-23 13:47:39
"სამოქალაქო მოძრაობის" იმერეთის ორგანიზაციის წევრები წითელ წიგნში შეტანილი ხეების მოჭრას აპროტესტებენ. უნიკალური ხეები ქუთაისის ტექნოლოგიური უნივერსიტეტის მშენებლობას ეწირება. ლაპარაკია ქუთაისთან ახლოს მდებარე მუხრანის ტყეზე, რომელსაც საღორიის ტყესაც ეძახიან. აქციის მონაწილეები  მშენებარე ტექნოლოგიურ უნივერსიტეტთან...

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში ლიდერი ქვეყანა გახდება

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში   ლიდერი ქვეყანა გახდება
access_time2019-05-23 12:16:07
დარწმუნებული ვარ, სამედიცინო სერვისების მიწოდებით საქართველო გახდება ლიდერი ქვეყანა რეგიონში, - ამის შესახებ საქართველოს პრემიერ-მინისტრმა მამუკა ბახტაძემ თბილისის სახელმწიფო სამედიცინო უნივერსიტეტში, სამედიცინო განათლების საერთაშორისო ასოციაციის (AMEE) რეგიონული წარმომადგენლობის გახსნის ღონისძიებაზე სიტყვით გამოსვლისას განაცხადა. პრემიერმა სამედიცინო განათლების საერთაშორისო ასოციაციის, AMEE-ის ცენტრის გახსნის მნიშვნელობაზე ისაუბრა და მადლობა გადაუხადა...

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი გვაკავშირებს“

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი  გვაკავშირებს“
access_time2019-05-23 12:30:03
 „ადგილობრივ ბანკებთან, სტანდარტული  ურთიერთობის გარდა,(რომელიც გულისხმობს კლიენტს/ბანკს)არაფერი გვაკავშირებს  —  საქართველოს ჯანდაცვის ჯგუფი დაზღვევის კავშირის თანათავმჯდომარეს, ვასილ ახრახაძეს მიმართავს, რომელმაც კომერსანტთან არაპროფილური აქტივების ფლობასთან დაკავშირებით...

თურქეთი C-400-ის გამო ამერიკული სანქციებისთვის ემზადება

 თურქეთი C-400-ის გამო ამერიკული სანქციებისთვის ემზადება
access_time2019-05-22 20:30:00
ანკარაში ჩატარებულ პრესკონფერენციაზე თურქეთის თავდაცვის მინისტრმა ხულუსი აკარმა განაცხადა, რომ  აშშ-სთან მოლაპარაკებებში რუსული საჰაერო თავდაცვის სისტემა C-400-ის შეძენასთან დაკავშირებით, გარკვეული პროგრესი შეინიშნება. თუმცა, მისი თქმით, ამის მიუხედავად, თურქული მხარე ემზადება სანქციებისთვის, რომელიც შესაძლოა მიღებულ იქნას ვაშინგტონის მიერ ამ სისტემების ყიდვის გამო. როგორც აკარმა აღნიშნა, ამჟამად თურქეთი სწავლობს ალტერნატიულ...

რადიო თავისუფლება: სოხუმში ვითარება იძაბება

რადიო თავისუფლება: სოხუმში ვითარება იძაბება
access_time2019-05-22 17:30:37
სოხუმში საპროტესტო მიტინგებს მართვას ადგილობრივი ოპოზიცია; გრძელდება სამოქალაქო დაუმორჩილებლობის აქციაც. ოპოზიცია 21 ივლისს დანიშნული საპრეზიდენტო არჩევნების ნოემბერში გადატანას მოითხოვს, რასაც პარლამენტი მხარს არ უჭერს. ოკუპირებულ აფხაზეთში ოპოზიციის წარმომადგენლებმა პროტესტის ნიშნად გადაკეტილი ორიდან ერთი ავტომაგისტრალი გახსნეს . სახელმწიფოებრიობის დაცვის საერთო ეროვნული მოძრაობის შტაბის ხელმძღვანელმა, თეიმურაზ ხიშბამ ჟურნალისტებს აცნობა,...


მსგავსი სიახლეები

up