რას იწვევს კონტრაბანდული „მანჩესტერის“ მოხმარება - სამეგრელოს რეგიონში ყველაზე გაყიდვადი სიგარეტი 2.5 ლარი ღირს

რას იწვევს კონტრაბანდული „მანჩესტერის“ მოხმარება - სამეგრელოს რეგიონში ყველაზე გაყიდვადი სიგარეტი 2.5 ლარი ღირს

access_time2019-09-27 14:30:08

თამბაქოს ნაწარმის გაძვირების საგანგაშო შედეგებს შორის პირველ ადგილს კონტრაბანდული სიგარეტის რაოდენობის ზრდა წარმოადგენს, ამ კუთხით დიდი ხანია სამეგრელოს რეგიონი ყურადღების ცენტრშია. ოკუპირებული აფხაზეთიდან შემოტანილი სიგარეტი „მანჩესტერი“ , ზუგდიდსა და სამეგრელოს სოფლებში 2.5 ლარად იყიდება, ადგილობრივების თქმით, ეს სიგარეტი აფხაზეთში 1,5 ღირს.


სამეგრელოში ამბობენ, რომ ამ  კონკრეტული სიგარეტის მოხმარებას სხვადასხვა უკუეფექტები აქვს მოხმარების პროცესშივე, როგორებიცაა სისუსტის შეგრძნება და თავბრუსხვევა. ახალგაზრდები, ვინც ამ სიგარეტს აქტიურად მოიხმარენ მიჩნევენ, რომ თამბაქოს ეს კონკრეტული ნაწარმი იმდენად არაჯანსაღია, რომ ზოგჯერ მისი მოწევა შეუძლებელიც კია, მაგრამ ფასიდან გამომდინარე ზუგდიდში ყველაზე ოპტიმალურ ვარიანტად მიიჩნევა.


„მთელი ზუგდიდი „მანჩესტერს“ ყიდულობს რა თქმა უნდა.  იმის მერე, რაც სხვა სიგარეტზე ფასი გაიზარდა, ამ სიგარეტის შემოტანა გალიდან აქტიურად დაიწყეს. იყიდება ბაზარში ძალიან ბევრ ადგილას. ვიცით, რომ დიდი მანქანა შემოდის და სოფელ რუხში იცლება.“  - ამბობს ერთ-ერთი მაცხოვრებელი.

 

„არალეგალურად გადმოაქვთ და  ამ სიგარეტს  2.5 ლარად ყიდიან.  საშინელი მოსაწევია,  ერთი ღერი 10 წუთი იწვის, ზოგჯერ თავისით ქრება, არ ვიცი რა შემადგენლობა აქვს, მაგრამ სადაც  ოკუპირებულ აფხაზეთში 1,5 ღირს ეს სიგარეტი , წარმომიდგენია რა საშინელებას ვეწევით. თან ხველება ეწყება ზოგიერთს, პირველივე ღერი დღეში გთენთავს და გულის რევის შეგრძნებას გიჩენს“ - ამბობს თამბაქოს ერთ-ერთი მომხმარებელი „კომერსანტთან“ საუბარში.


„კომერსანტი“ საკითხთან დაკავშირებით ტოქსიკოლოგ სოსო კუტუბიძეს დაუკავშირდა, რომელიც მსგავსი თამბაქოს გამოყენების შემთხვევაში ფილტვებთან და თავის ტვინთან დაკავშირებული პრობლემების შესახებ საუბრობს. 


„თამბაქოებს ემატება სხვადასხვა არომატიზირებული პროდუქტი, ან გარკვეული დანამატები, რომელმაც შეიძლება ფილტვების სერიოზული დაზიანება გამოიწვიოს. ადამიანი მწვავე თამბაქოს მოწამვლით ვერ მოხვდება საავადმყოფოში, მაგრამ უვითარდებათ ფილტვის პათოლოგიები, აქვთ თავის ტვინთან დაკავშირებული პრობლემები იმაზე ადრე, ვიდრე შემოწმებული თამბაქოს მოხმარებისას. იაფფასიანი არის ის, რაც დაბალხარისხიანია, ასე რომ საფრთილოა.რა შემადგენლობა აქვს მსგავს სიგარეტებს ამაზე ინფორმაცია არ მაქვს, მაგრამ კარგი იქნება თუ შემოწმდება და გაკონტროლდება, რომ ეს თამბაქო აღარ გაიყიდოს და ახალგაზრდები ნაკლები რისკის ქვეშ იყვნენ“  ამბობს სოსო კუტუბიძე.



სამეგრელოს რეგიონში, ოკუპირებული  აფხაზეთიდან კონტრაბანდული სიგარეტის შემოტანის საკითხი დიდი ხანია პრობლემურია და  არალეგალური შემოტანის ფაქტების არაერთხელ გამოვლენის მიუხედავად, სიტუაცია განსაკუთრებით  ბოლო პერიოდში მასიურ სახეს იღებს.  

 

 „სამეგრელოს რეგიონში სიგარეტზე აქციზის გაძვირების შემდეგ ჩვენი გაყიდვები ნულამდე დაიეცა“ -  ამბობს JTI-ს კომუნიკაციების სპეციალისტი ივა ხასია საკითხის შეფასებისას.


ოკუპირებული აფხაზეთიდან შემოდის არა მარტო  „მანჩესტერი არამედ სხვა“,  სხვა ბრენდებიც.  ჩვენი ყველაზე იაფფასიანი არის 5 ლარიანი სიგარეტი , შესაბამისად კონკურენციას ვერ ვუწევთ.  მომხმარებლის გადმოსახედიდან რომ შევხედოთ რა თქმა უნდა ურჩევნია 2 ლარი ან 2,5 გადაიხადოს ვიდრე 5 ლარი . ეს პრობლემა დგას უკვე დიდი ხანია. ამის კონტროლს რაც შეეხება ვიცით, რომ შემოსავლების სამსახური და საბაჟოც ძალზედ აქტიურად მუშაობენ ამ მიმართულებით, რომ მაქსიმალურად შეიზღუდოს ამ პროდუქტის შემოდინება,  არის დაკავებების ფაქტებიც და ეს ძალიან კარგია.  თუმცა,ეს არ არის საკმარისი იმიტომ, რომ იმდენად მასიური სახე აქვს ამ ყველაფერს, რომ ფაქტობრივად მთელს რეგიონს მოიცავს. მოსახლეობის მსყიდველუნარიანობა დაბალია აქციზის მატების გამო. მივიღეთ ძალიან ცუდი შედეგი, საქართველო ამოვარდა კონტექსტიდან რეგიონში სიგარეტის ფასის კუთხით. იმიტომ, რომ ყველგან ჩვენზე იაფია.  ეს რა თქმა უნდა, პირდაპირ უბიძგებს არაკანონიერ მეწარმეებს, შემოიტანონ და არაკანონიერი გზებით აწარმოონ ამ პროდუქტის რეალიზაცია. ისინი არაფერს არ იხდიან და პირდაპირ მათ ჯიბეში მიდის ის შემოსავალი, რაც კონტრაბანდული სიგარეტიდან შემოსდით.“ –განმარტავს ივა ხასია.


ზუგდიდის მაცხოვრებლები მიანიშნებენ იმაზეც, რომ სამეგრელოში, ოკუპირებული აფხაზეთიდან კონტრაბანდული სიგარეტის შემოტანის შესახებ პოლიციის უწყების ნაწილს არათუ ინფორმაცია აქვს, არამედ ლობირებს კიდეც ბიზნესს და ხელს უწყობს მათ რეალიზაციას.


„შემოვა ხოლმე მანქანა და წრეს შემოარტყამს რამდენიმე პოლიციელი, ხდება დაცლა საქონლის. ეს ყველამ იცის“ - ამბობს ერთ–ერთი მაცხოვრებელი.შემოდის თუ არა და  როგორ კონტროლდება ოკუპირებული აფხაზეთიდან კონტრაბანდული სიგარეტი, ამის გარკვევად  „კომერსანტი“  ფინანსთა სამინისტროს საგამოძიებო სამსახურს დაუკავშირიდა. როგორც უწყებაში განმარტავენ, ფინანსთა სამინისტროს საგამოძიებო სამსახურის საგამოძიებო დეპარტამენტის თანამშრომლები აქტიურად ატარებენ შესაბამის ღონისძიებებს საფინანსო-ეკონომიკურ სფეროში არსებული დანაშაულებრივი ქმედებების გამოვლენისა და დამნაშავე პირების მხილების მიზნით.

„საგამოძიებო დეპარტამენტის სამეგრელო-ზემო სვანეთის სამმართველოს საქმიანობის ერთ-ერთ პრიორიტეტულ მიმართულებას, საქართველოს ოკუპირებული ტერიტორიების სიახლოვის გათვალისწინებით, წარმოადგენს მარკირებას დაქვემდებარებული აქციზური საქონლის აქციზური მარკის გარეშე შენახვა-გადაზიდვა-რეალიზაციის ფაქტების გამოვლენა და აღკვეთა.


მიმდინარე წლის განვლილ პერიოდში, სამეგრელო-ზემო სვანეთის სამმართველოს მიერ, რეგიონში გამოვლენილია აღნიშნული კატეგორიის დანაშაულის 50 ფაქტი. საქართველოს სსკ-ის მე-200 მუხლით გათვალისწინებული დანაშაულის ჩადენისათვის, სისხლისსამართლებრივი დევნა დაწყებულია 67 პირის მიმართ, მათ შორის დაკავებულია 44 პირი. საგამოძიებო მოქმედებების შედეგად ჯამში ამოღებულია 97 000 კოლოფზე მეტი უაქციზო სიგარეტი.


აქვე შეგვიძლია აღვნიშნოთ, რომ სს კოდექსის მე-200 მუხლის თანახმად, ქმედება დასჯადია, როდესაც უაქციზო საქონლის ღირებულება აღემატება 2 000 ლარს, ხოლო თუ მისი ღირებულება 2000 ლარზე ნაკლებია, ამ შემთხვევაში ადგილი აქვს ადმინისტრაციულ სამართალდარღვევას, რაზედაც რეაგირებას ახორციელებს შემოსავლების სამსახურის შესაბამისი დანაყოფი.


საგამოძიებო დეპარტამენტის ქვედანაყოფები აქტიურად მუშაობენ და გააგრძელებენ შესაბამის ღონისძიებებს, აღნიშნული კატეგორიის დანაშაულის მაქსიმალურად აღკვეთისა და შემცირების მიზნით“-აღნიშნავენ საგამოძიებო სამსახურში.  რაც შეეხება ადგილობრივების  ინფორმაციას,რომ რომ საგამოიებო სამსახურის თანამშრომლების ნაწილი ჩართულია არალეგალური თამბაქოს რეალიზაციაში და ლობირებას უწევს, უწყებაში განმარტავენ: „აღნიშნული კითხვა უსაფუძვლოა. თუკი ვინმეს გააჩნია კონკრეტული ინფორმაცია საჯარო მოსამსახურეების, მათ შორის საგამოძიებო სამსახურის თანამშრომლების კანონსაწინააღმდეგო ქმედებების შესახებ, აღნიშნულის თაობაზე შეუძლიათ მიმართონ საქართველოს გენერალურ პროკურატურას“. 


 

მარიამ მორგოშია






„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს

„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს
access_time2020-08-12 17:20:01
„ნიკორა ჯგუფი“ ზარალზეა - კომპანიამ, რომლის ბრუნვა წინა წლებში ნახევარ მილიარდს აღემატებოდა, 2019 წელს მოგებაზე გასვლა ვერ შეძლო და წელი 8.2 მლნ ლარის ზარალით დაასრულა. აღსანიშნავია, რომ თიბისი კაპიტალის დახმარებით სს ნიკორამ საჯარო ემისიის სახით 2019 წელს 28 მილიონი ლარის ოდენობის ობლიგაციები განათავსა. ფასიანი ქაღალდები საქართველოს საფონდო ბირჟაზე დაილისტა. როგორც ლარის სხვა საჯარო ობლიგაციები, სს ნიკორას ეს ობლიგაციებიც საქართველოს ეროვნულ ბანკშია დაგირავებადი, რაც ინვესტორ კომერციული...

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს
access_time2020-08-12 14:20:03
დამოუკიდებელი სასამართლო ექსპერტიზის ახალი დასკვნა, რომელიც „ლიდერფუდის“ საქმეში გამოჩნდა, კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელი, სასამართლომაც სათანადო დასკვნები არ გააკეთოს, იმის თაობაზე, თუ ვინ ვის რა შინაარსის წერილი ჩააბარა 2019 წლის 22 მაისს. ამის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი...

რამ გადააწყვეტინა თამაზ გაიაშვილს პოლიტიკაში წასვლა

რამ გადააწყვეტინა თამაზ გაიაშვილს პოლიტიკაში წასვლა
access_time2020-08-12 18:10:42
„თუ იძულებულს არ ხდიან, პოლიტიკაში მოსვლის სურვილი არცერთ ბიზნესმენს აქვს“ — ამის შესახებ, ბიზნესმენი, „აირზენა - ჯორჯიან ეარვეისის“ დამფუძნებელი - თამაზ გაიაშვილი 2015 წელს „პალიტრა TV-ს“ გადაცემაში ბიზნეს PRESS-ი მიცემული ინტერვიუში აცხადებდა. დღეს პოლიტიკური გაერთიანება ლელოს გუნდს თამაზ გაიაშვილი შეუერთდა, რომელმაც პოლიტიკაში მოსვლა გადაწყვიტა. ბრიფინგზე ის „ლელოს თავმჯდომარემ, მამუკა ხაზარაძემ წარადგინა. მამუკა...

თურქეთის გაზის ბაზარზე აზერბაიჯანი რუსეთს ანაცვლებს

თურქეთის გაზის ბაზარზე აზერბაიჯანი რუსეთს ანაცვლებს
access_time2020-08-12 19:00:37
თურქეთის აზერბაიჯანული გაზის შესყიდვების გაზრდას გეგმას - ამის შესახებ ანკარაში თურქეთის საგარეო საქმეთა მინისტრმა მევლუთ ჩავუშოგლუმ თავის აზერბაიჯანელ კოლეგასთან ჯეიხუნ ბაირამოვთან ერთად ჩატარებულ ერთობლივ პრეს-კონფერენციაზე განაცხადა. მისი თქმით, აზერბაიჯანი თურქეთში გაზის მიწოდების მხრივ პირველ ადგილზე გავიდა. ანკარა შესყიდვების შემდგომაც გეგმავს ზრდას. „ერთ-ერთი ჩვენი პრიორიტეტია - გაზსადენი ნახჩევანიდან, რომელიც ჩვენი ქვეყნისთვის სტრატეგიულად...

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს"

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს
access_time2020-08-12 12:00:17
საქართველოს ბიზნეს ასოციაცია საქართველოს პარლამენტში შრომის კოდექსის საკანონმდებლო პაკეტთან დაკავშირებით მიმდინარე განხილვას კიდევ ერთხელ ეხმიანება, კერძოდ, ასოციაციაში აცხადებენ, რომ: „საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შრომის კოდექსთან დაკავშირებული საკანონმდებლო პაკეტის მეორე მოსმენით მხარდაჭერა სულ მცირე ალოგიკურად გამოიყურება იმ ფონზე, როცა კონონპოექტის ინიციატორმა არ გაიზიარა არც თავად წამყვანი კომიტეტის მიერ პირველი მოსმენის დროს...


მსგავსი სიახლეები

up