რას ითვალისწინებს „ტურიზმის შესახებ“ კანონპროექტი და რა პოზიცია აქვთ რეგულაციებთან დაკავშირებით სექტორის წარმომადგენლებს

რას ითვალისწინებს „ტურიზმის შესახებ“ კანონპროექტი და რა პოზიცია აქვთ რეგულაციებთან დაკავშირებით სექტორის წარმომადგენლებს

access_time2022-11-21 16:00:45

მთავრობა კერძო სექტორთან ერთად „ტურიზმის შესახებ“ კანონპროექტის შექმნაზე წლებია მუშაობს, საბოლოო ვარიანტი დღის შუქს რამდენიმე თვეში იხილავს. პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე არ გამორიცხავს, რომ პროექტი პარლამენტში გაზაფხულზე დარეგისტრირდეს.


როგორც საქართველოს ტურიზმის ასოციაციის თავმჯდომარემ ნატა კვაჭანტირაძემ „კომერსანტთან“ საუბრისას განაცხადა,  კანონპროექტი ტურიზმის კანონმდებლობის ევროკავშირის დირექტივებთან დაახლოებას, ტურისტების უსაფრთხოების მარეგულირებელ ნორმებს და მომხმარებლის უფლებების დაცვის სტანდარტებს მოიცავს.


„მოხდება ინტეგრირება ევროდირექტივებიდან გამომდინარე, იმ ძირითად საკითხებზე, რომელსაც ზოგადად ევროკავშირი ითხოვს. ასევე ძალიან მნიშვნელოვანია ის, რომ ამ კანონით დარეგულირდება სათავგადასავლო მიმართულებები და უსაფრთხოების ნაწილში მეტი დაცულობის საშუალება გვექნება. მნიშვნელოვანი ფაქტორია ტურისტის უსაფრთხოება. ასევე ძალიან მნიშვნელოვანია ის, რომ კანონის შექმნის პროცესში ინტენსიურად იყო ჩართული კერძო სექტორის წარმომადგენლები და გარკვეულწილად  თანამშრომლობის  მოდელი შეიქმნა.


კანონპროექტით განსაზღვრულია ასევე ისიც, რომ შეიქმნება მრჩეველთა საბჭო, რომელიც იმუშავებს იმ ძირითად გამოწვევებზე, რომელიც სექტორს დღის წესრიგში დაუდგება. ეს არის მიმდინარე საკითხები, თუ არსებული გამოწვევები, რომლის წარდგენაც კანონქვემდებარე აქტებში მოხდება“, - აცხადებს კვაჭანტირაძე.


როგორც საქართველოს ტურიზმის ასოციაციის თავმჯდომარემ აღნიშნა, აღნიშნული საბჭო დაკომპლექტდება, როგორც კერძო და საჯარო სექტორის, ასევე საერთაშორისო ორგანიზაციის წარმომადგენლებისგან.


„პროცედურულად შეიქმნება ერთიანი თანამშრომლობის ფორმატი, რომელიც ითვალისწინებს ძირითადად საკითხებზე ერთობლივ მუშაობას, რათა  თანამშრომლობაზე დაფუძნებული მუშაობით მოხდეს არსებული საკითხების თუ პრობლემების გადაჭრა.


ეს რეკომენდაციები შემუშავდება სწორედ ამ ერთიანი საბჭოს ფორმატში, რომელიც დაკომპლექტდება როგორც საჯარო და კერძო სექტორის წარმომადგენლებისგან. ასევე საერთაშორისო ორგანიზაციების წარმომადგენლებისგან.



მაქსიმალური კოლაბორაცია უნდა მოხდეს, რათა ერთად ვიმუშაოთ და არა განყენებულად, სექტორმა ცალკე, საჯარო სექტორმა ცალკე და ასე შემდეგ. მაგალითად, მარკეტინგის ნაწილი სექტორთან თანამშრომლობით კეთდება, მაგრამ ამ მიმართულებითაც იქნება ერთობლივი კოლაბორაცია.


მთავარია, უნდა შეიქმნას ისეთი დოკუმენტი, რომელიც ხელს არ შეუშლის ბიზნესის განვითარებას. ჩვენი მოტივაცია არის ის, რომ უფრო გააუმჯობესოს და ხელი შეუწყოს ბიზნესების ოპერირებას“, - აცხადებს საქართველოს ტურიზმის ასოციაციის თავმჯდომარე.


მისი თქმით, კანონპროექტის მიხედვით შემოდის მომხმარებლის დაზღვევის მექანიზმი.


„ძირითადი აქცენტი კეთდება იმაზე, რამდენად კეთილსინდისიერად მოემსახურება ბიზნესი მომხმარებელს, რომელიც მიმართავს ტურისტულ სააგენტოს.  ჩვენი მოტივაცია ასევე არის ის, რომ ნებისმიერ ჩანაწერის გაჩენით არ უნდა დაზარალდეს ბიზნესი. არსებული დოკუმენტით ბიზნესი უნდა იყოს მოქნილი, რაც შეეხება ნებისმიერი პუნქტს, ტურისტული პაკეტის შემუშავების ნაწილში თუ დაზღვევის ნაწილში, ეს დღესაც მუშა პროცესია“, - განმარტავს ნატა კვაჭანტირაძე.


წარმოდგენილი ცვლილებებით, ტურისტული საქმიანობის განმახორციელებელი სუბიექტისთვის ეკონომიკურ საქმიანობათა რეესტრში რეგისტრაცია სავალდებულო ხდება, აქ მოიაზრება როგორც ტურ-ოპერატორები, ისე გიდები, კომბინირებული სამოგზაურო მომსახურების გამწევი, ასევე მაღალი რისკის შემცველი ტურისტული საქმიანობები. ამ უკანასკნელის შემთხვევაში კი შემოდის ცალკე მარეგულირებელი ნორმები, კერძოდ, სავალდებულო იქნება როგორც სამთო, ისე სათხილამურო და ალპური გამყოლის სერტიფიცირება.


ტურისტული სააგენტო „გოუ ტურის“ დირექტორი ნინო წიკლაური ამბობს, რომ თუკი ტურისტული საქმიანობის განმახორციელებელი სუბიექტისთვის ეკონომიკურ საქმიანობათა რეესტრში რეგისტრაცია სავალდებულო ხდება, ეს მხოლოდ მისასალმებელია.


„ოდესმე უნდა დავიწყოთ სერვისების განვითარებაზე ფიქრი. სერვისის ხარისხის ზრდა კი მნიშვნელოვანია იმისათვის, რომ ტურიზმის ინდუსტრია კიდევ უფრო განვითარდეს და წინ წავიდეს. მივესალმები, თუკი ტურიზმის სექტორში დასაქმებული ყველა მიმართულების სერტიფიცირება მოხდება. მხოლოდ საუბრით წინ ვერ წავალთ, მთავარია ეტაპობრივად დავიწყოთ“, - განმარტავს ნინო წიკლაური.


აღსანიშნავია, რომ „ტურიზმის შესახებ“ კანონი სხვა საკითხებთან ერთად, დაარეგულირებს ტურისტული ოპერატორებისა და ტურისტების ურთიერთობას. პროექტის მიხედვით, მომსახურების მიმწოდებელი ვალდებული იქნება, იქონიოს ფინანსური უზრუნველყოფა მისი შესაძლო გადახდისუუნარობის შემთხვევისთვის. იმის დასადგენად, თუ რამდენად ადეკვატურია ტუროპერატორის დაზღვევა ან საბანკო გარანტია, სუბიექტმა კონკურენციის სააგენტოს წლიური და კვარტალური ანგარიში უნდა წარუდგინოს.


როგორც პარლამენტის პრესსამსახურის მიერ გავრცელებული ინფორმაციიდან ირკვევა, დარგობრივი ეკონომიკისა და ეკონომიკური პოლიტიკის კომიტეტი იწყებს თემატურ მოკვლევას თემაზე „პოსტკრიზისულ პერიოდში ტურიზმის სექტორის განახლებული სტრატეგია და მისი ეკონომიკური შედეგები“.


„ტურიზმი ეკონომიკაში ერთ-ერთი მნიშვნელოვანი სექტორია, აქედან გამომდინარე მიზანშეწონილად მიიჩნია კომიტეტმა, რომ დაიწყოს თემატური მოკვლევა პოსტკრიზისულ პერიოდში განახლებულ სტრატეგიასა და ეკონომიკურ შედეგებთან დაკავშირებით. ჩვენ მზად ვართ, ვისაც ექნება სურვილი ჩაერთოს ამ თემატურ მოკვლევაში. ამ საკითხზე კომიტეტი აქტიურად ითანამშრომლებს ტურიზმის ეროვნულ ადმინისტრაციასთან, ეკონომიკისა და მდგრადი განვითარების სამინისტროსთან, რათა სტრატეგიის დაგეგმვა შესაბამისობაში იყოს იმ გამოწვევებთან, რომელიც დღეს ტურიზმის სექტორს გააჩნია“, - განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა.





საპენსიო სააგენტომ 3.5 მლნ ლარი "ნიკორას" ობლიგაციებში ჩადო

საპენსიო სააგენტომ 3.5 მლნ ლარი
access_time2022-12-05 14:30:36
“ნიკორამ” საჯარო ემისიის სახით, 35 მილიონი ლარის ოდენობის, 3-წლიანი ობლიგაციები განათავსა. ემისიაში 10%-იანი ინვესტიცია (ანუ 3,5 მლნ ლარი) საპენსიო სააგენტომ განახორციელა, რაც მის მიერ შეძენილი პირველი ადგილობრივი კორპორაციული ფასიანი ქაღალდებია. ობლიგაციები საქართველოს საფონდო ბირჟაზე, ეროვნულ ვალუტაში ნომინალური ღირებულების 100%-ით განთავსდა, რაც "ნიკორას" საშუალებას აძლევს, სავალუტო...

მოგების გადასახადი ბანკებისთვის 15%-ის ნაცვლად 20% იქნება

მოგების გადასახადი ბანკებისთვის 15%-ის ნაცვლად 20% იქნება
access_time2022-12-05 14:12:49
ბანკები და საფინანსო სექტორი მოგების გადასახადების ე.წ ესტონურ მოდელზე აღარ გადადიან, მათთვის შევინარჩუნებთ მოგების გადასახადის არსებულ სისტემას და 15%-ის ნაცვლად 20%-ს გადაიხდიან- ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.      პრემიერ-მინისტრმა განმარტა, რომ ბანკების სუფთა მოგება წლის ბოლოსთვის 2 მილიარდი ლარი იქნება, რაც გაუმართლებელია.     ირაკლი ღარიბაშვილმა...

მთავრობამ კლიმატური და ბალნელოგიური კურორტების ნაწილის პროვატიზება გადაწყვიტა

მთავრობამ კლიმატური და ბალნელოგიური კურორტების ნაწილის პროვატიზება გადაწყვიტა
access_time2022-12-05 14:15:05
ირაკლი ღარიბაშვილი- საქართველოში 300-მდე კლიმატური და ბალნეოლოგიური კურორტი და საკურორტო ადგილი გვაქვს, რომელთა დიდი ნაწილი უბრალოდ არ ფუნქციონირებს, 100 ზე მეტი კურორტის არსებული მდგომარეობა და განვითარების პოტენციალი შევისწავლეთ და გასაყიდად გამოვიტანთ საქართველოში 300-მდე კლიმატური და ბალნეოლოგიური კურორტი და საკურორტო ადგილი გვაქვს, რომელთა დიდი ნაწილი უბრალოდ არ ფუნქციონირებს, 100 ზე მეტი კურორტის არსებული მდგომარეობა და...

საერთაშორისო არბიტრაჟებში საქართველოს ჯამში 2.81 მლრდ აშშ დოლარს ედავებიან

საერთაშორისო არბიტრაჟებში საქართველოს ჯამში 2.81 მლრდ აშშ დოლარს ედავებიან
access_time2022-12-05 14:20:10
2022 წლის 23 სექტემბრის მდგომარეობით საერთაშორისო არბიტრაჟებში 7 მიმდინარე დავის ფარგლებში სადავო თანხის პოტენციური მაქსიმალური ოდენობა შეადგენს დაახლოებით 2.81 მლრდ აშშ დოლარს (7.87 მლრდ ლარს), რაც 2021 წლის მშპ-ს 13%-ს შეადგენს. ამის შესახებ ფინანსთა სამინისტროს მიერ გამოქვეყნებულ ანგარიშშია აღნიშნული. „საერთაშორისო არბიტრაჟებში დავების ფარგლებში, განსაკუთრებით იმ დავების, რომლებიც მასშტაბურია დავის თანხის თვალსაზრისით და უკავშირდებიან მსხვილ პროექტებს,...

როგორი იყო 2022 წელი საავტომობილო ბაზრისთვის - ავტოიმპორტიორები მომავალ წელს ფასების ზრდას ელიან

როგორი იყო  2022 წელი  საავტომობილო  ბაზრისთვის - ავტოიმპორტიორები მომავალ წელს ფასების ზრდას ელიან
access_time2022-12-05 15:10:11
„2022 წელს მეორეულ ავტომობილებზე ფასები 30-40% ით არის  გაზრდილი , რაც წლის ბოლომდე აღარ გაიზრდება, რადგან ავტომობილების ნაწილი კვლავ გზაშია“-  ამის  შესახებ  „კომერსანტის“ გადაცემაში „კომერსანტის დილა“ საქართველოს ავტო იმპორტიორთა ასოციაციის დამფუძნებელმა ალექსი ნონიაძემ ისაუბრა. მისი  თქმით, სავარაუდოდ  მომავალ წელს ფასების 10-15% იანი ზრდა  იქნება.  რაც შეეხება მოთხოვნას, ნონიაძე ამბობს, რომ როდესაც ავტომობილებზე  ფასები იზრდება, მოთხოვნა...


მსგავსი სიახლეები

up