ბინის ყიდვა ძალიან მნიშვნელოვანი მოვლენაა, რომელიც ზოგჯერ, ადამიანის ცხოვრებაში ერთხელ ხდება. როგორც წესი ამ საკითხს განსაკუთრებული ყურადღებით ეკიდებიან. მაძიებლები ბევრ სხვადასხვა ფაქტორს ანიჭებენ მნიშვნელობას, თუმცა რამდენიმე მათგანი გამოკვეთილია.

ადგილი და ლოკაცია

პირველი და უმთავრესი ნაბიჯი, ბინის ძებნის დაწყებამდე ლოკაციის განსაზღვრაა. მაძიებელმა უნდა გადაწყვიტოს სად სურს, მდებარეობდეს მისი ახალი სახლი - თბილისის ცენტრალურ უბანში, საიდანაც ნებისმიერ წერტილში რამდენიმე  წუთში შეძლებს  მოხვედრას, თუ  უფრო მშვიდ ადგილას მეტი გამწვანების და ნაკლები ხმაურის პირობებში. 

სკოლისა და ბაღის სიახლოვე

პრიორიტეტულია ისეთი საცხოვრებელი ადგილები, რომლის მახლობლადაც სკოლა და ბაღი მდებარეობს. მოგეხსენებათ, დაძაბული მოძრაობის ფონზე, მარტივი არ არის, ბავშვების სკოლასა თუ ბაღში სატრანსპორტო საშუალებით გადაადგილება. პანდემიის პირობებში კი ამ საკითხს განსაკუთრებული მნიშვნელობა მიენიჭა, რადგან მშობლებს ეშინიათ შვილების საზოგადოებრივი ტრანსპორტით მგზავრობის. შესაბამისად, სასწავლო დაწესებულების იმ მანძილზე არსებობა, სადაც ფეხით, რამდენიმე წუთში შეძლებს მოსწავლე მოხვედრას, ნამდვილად უპირატესობად შეიძლება ჩაითვალოს. 

პარკინგი

უმთავრესი საკითხი ბინის შეძენისას. ხშირად ერთ ოჯახში 2-3 მანქანა ჰყავთ, ცენტრალურ უბნებში კი განსაკუთრებით ჭირს სახლთან ახლოს თუნდაც ერთი მანქანის გაჩერება. დეველოპერული სექტორი ითვალისწინებს ამ უმნიშვნელოვანეს ფაქტორს და როგორც წესი, ახალაშენებულ კორპუსებს მიწის ქვეშ აქვს საპარკინგე ზონა ან სპეციალურად პარკინგისთვის გამოყოფილი ეზო. 

იზოლირებული ეზო და მყუდრო გარემო

სიმყუდროვე და დაცული ეზო ის  დეტალია, რომელსაც განსაკუთრებულ ყურადღებას მშობლები აქცევენ. ჩვენს ქალაქში, სადაც ჰაერის დაბინძურება საკმაოდ მაღალ მაჩვენებელს აღწევს, მნიშვნელოვანია გამწვანებული ეზო, სადაც ბავშვებს ექნებათ საშუალება გაერთონ და ითამაშონ. კოვიდ 19-მა კიდევ უფრო მეტი დატვირთვა მისცა ამ საკითხს, რადგან სახლში მყოფი ბავშვებისთვის სასიცოცხლოდ მნიშვნელოვანია გასეირნება სუფთა ჰაერზე და თუ ეს სახლთან ახლოს შეიძლება მოხდეს, ამაზე უკეთესს ადამიანი ვერაფერს ინატრებს.

ფასი

ბინის ყიდვისას ბიუჯეტი გადამწყვეტია. ფასი ადგილმდებარეობის,  ფართის, მშენებლობის სტატუსის და ბევრი სხვა ფაქტორის მიხედვით იცვლება. პანდემიამ გარკვეულწილად მოახდინა ფასებზე გავლენა და წინა წელთან შედარებით  ახალაშენებული ბინების საშუალო შეწონილი გასაყიდი ფასი 5%-ით, ხოლო ძველ აშენებულ ბინებზე უმნიშვნელოდ, კვ.მ-ზე მხოლოდ დაახლოებით 1%-ით შემცირდა.

როგორ მოვძებნოთ ბინები თბილისში?

მას შემდეგ რაც, შეარჩევთ ლოკაციას და ჩამოყალიბდებით თუ როგორი გინდათ, იყოს თქვენი ახალი ბინა, დაგჭირდებათ უძრავი ქონების პლატფორმა AREA.GE, სადაც უძრავი ქონების  ყველაზე მეტი განცხადებაა წარმოდგენილი. ძიების პროცესში მნიშვნელოვანია განცხადება იყოს სრულფასოვნად წარმოჩენილი და ახლდეს ისეთ ფოტომასალა, რომელშიც ნათლად იქნება აღწერილი გასაყიდი ბინა. არეას განცხადებები ყველ ამ კრიტერიუმს აკმაყოფილებს, მეტიც შეგიძლიათ, ისარგებლოთ 3დ ტურით, რომლის მეშვეობითაც ვირტუალურად დაათვალიერებთ თქვენთვის საინტერესო ბინას, დეტალურად გაეცნობით ადგილმდებარეობას, განლაგებას, გეგმარებას და საჭიროების შემთხვევაში ვირტუალურადვე აზომავთ სასურველს სივრცეს. გაითვალისწინეთ, ბინის ყიდვა-გაყიდვასთან დაკავშირებულ საკითხებში არეა ყველაზე საიმედო მეგზურია.

(R)