რას ფიქრობენ  „ერთიანი ნაციონალური მოძრაობის“ მმართველობის დროს დაზარალებული ბიზნესმენები შერჩეულ მოსამართლეებზე

რას ფიქრობენ „ერთიანი ნაციონალური მოძრაობის“ მმართველობის დროს დაზარალებული ბიზნესმენები შერჩეულ მოსამართლეებზე

access_time2019-09-25 10:00:53

იურიდიულ საკითხთა კომიტეტმა 2019 წლის 6 სექტემბერს საქართველოს პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების მოსმენა დაიწყო. პროცესები როგორც მოსახლეობაში, ასევე პოლიტიკურ ასპარეზზეც ამ დრომდე ვნებათა ღელვას იწვევს. „კომერსანტი“ დაინტერესდა რას ფიქრობენ „ერთიანი ნაციონალური მოძრაობის“ მმართველობის დროს დაზარალებული ბიზნესმენები შერჩეულ მოსამართლეებზე, რომლებიც პირდაპირ კავშირში არიან ძველი რეჟიმის სასამართლოსთან.

 

„უზენაესი სასამართლოს მოსამართლეობის კანდიდატთა სიაში, ორი მოსამართლე ჩემს წინააღმდეგ განხორციელებულ ძალადობაში და უკანონო ქმედებებში მონაწილეობდნენ“,- ასე აფასებს უზენაესი სასამართლოს მოსამართლეობის კანდიდატთა სიის შემადგენლობას, ერთიანი ნაციონალური მოძრაობის“ მმართველობის დროს დაზარალებული ბიზნესმენი დავით ბეგიაშვილი. ჰოლდინგური კომპანია „ვაკე-5-ისა“ და „ალბატროს ჯგუფის“ დამფუძნებელი ამბობს, რომ თუ პარლამენტი მხარს დაუჭერს იუსტიციის უმაღლეს საბჭოს მიერ შერჩეულ 20 კანდიდატს, ქვეყანაში უსამართლობის დაკანონება მოხდება.

 

„ერემაძე მირანდა და ქადაგიძე ნინო უზენაესი სასამართლოს მოსამართლეობის იმ 20 შერჩეული კანდიდატთა შორის  არიან რომლებიც ჩემ წინააღმდეგ სახელმწიფოს მხრიდან წარმოებულ კანონსაწინააღმდეგო მოქმედებებში მონაწილეობდნენ. როგორც ჩანს,ეს ხელისუფლება უარს არ ამბობს უსამართლობის დაკანონებაზე. 2012 წელს ქართული ოცნების ერთ-ერთი მთავრი დაპირება იყო სამართლიანობის აღდგენა. ამდენი ხნის განმავლობაში ქვეყანაში არ მოხერხდა სამართლებრივი სივრცის შექმნა. თუმცა, იმდენ შეცდომას უშვებს უკვე ხელისუფლება, რომ  არც გამიკვირდება უზენაესი სასამართლოს მოსამართლეობის კანდიდატთა არსებული სია დაამტკიცოს. უზენაესი სასამართლოს მოსამართლეობის კანდიდატთა დასახლებას წინ უძღვოდა მოსამართლეთა შერჩევის არალეგიტიმური პროცესი, სწორედ ამიტომ პარლამენტმა უარი უნდა თქვას არსებული სიის დამტკიცებაზე. მოსამართლეების შერჩევის პროცესი გამჭვირვალე უნდა იყოს, ადამიანები დარწმუნებულები უნდა იყვნენ იმაში, რომ ღირსეულ კანდიდატს ირჩევენ .ერთხელ და სამუდამოდ უნდა მივაღწიოთ იმას, რომ ქვეყანაში ნორმალური მართლმსაჯულება გვქონდეს“,- განმარტავს დავით ბეგიაშვილი.

 

იურიდულ საკითხთა კომიტეტში უკვე მოუსმინეს უზენაესი სასამართლოს მოსამართლეობის კანდიდატს თამარ ალანიას რომელიც „ერთიანი ნაციონალური მოძრაობის“ მმართველობის დროს დაზარალებული კიდევ ერთი ბიზნესმენის ბაკურ კიღურაძის საქმეში ფიგურირებს. პოლიტპატიმრის სტატუსით განთავისუფლებული ბიზნესმენის ბაკურ კიღურაძის თქმით, „ქართული ოცნების“ სასამართლო სისტემა „ერთიანი ნაციონალური მოძრაობის“ სასამრთლო სისტემისგან დიდად არ განსხვავდება.

 


„ძალიან კარგად მახსოვს რას ჩადიოდა და როგორ იქცეოდა ქალბატონი ალიანია პროცესზე. სიას არ ვიცნობ ამიტომ ვერ გეტყვით უნდა დაუჭიროს თუ არა მხარი პარლამენტმა უზენაესი სასამართლოს მოსამართლეობის კანდიდატთა 20- კაციან შემადგენლობას, თუმცა, მე პირადად თამარ ალიანს მიმართ უარყოფითი დამოკიდებულება მაქვს“, - განაცხადა ბაკურ კიღურაძემ.

 

უზენაესი სასამართლოს მოსამართლეობის კანდიდატთა სიაზე განსხვავებული დამოკიდებულება აქვს „ერთიანი ნაციონალური მოძრაობის“ მმართველობის დროს დაზარალებული კიდევ ერთ ბიზნესმენს, რომელიც რამდენიმე წლის წინ ათობით მილიონი დოლარის ღირებულების ქონებას ფლობდა.  ჯემალ ლეონიძე აცხადებს რომ ქართული ოცნების ხელისუფლებაში მოსვლის შემდეგ სასმართლო სისტემა გაჯანსაღდა.


„სიას ზუსტად არ ვიცნობ, თუმცა,რამდენადაც ვიცი არ არის ისეთი ადამიანი რომელსაც ჩემს წინააღმდეგ უარყოფითი გადაწყვეტილება ჰქონდეს მიღებული. მაგრამ ჩემს მიმართ თუ აქვს უარყოფითი გადაწყვეტილება გამოტანილი, შეიძლება სხვის მიმართ ჰქონდეს დადებითი გადაწყვეტილება მიღებული. ის სია, რომელიც შარშან მიაწოდეს პარლამენტს ჩემთვის მიუღებელი იყო. ახალ სიაშიც არიან დადებითებიც, არიან უარყოფითებიც, როგორც ყველგან ბიზნესში, პროკურატურაში, საგადასახადო სამსახურში, სასმართლოში და ა.შ. 2012-2013 წლიდან დღემდე ჩემს მიმართ არ ყოფილა ისეთი მიდგომა რომ ვერ დამედგინა ჩემი სიმართლე. ქონებებთან დაკავშირებით სამოქალაქო დავის 30-მდე ეპიზოდი მაქვს, მხოლოდ ერთი დავა მაქვს წაგებული ისიც ხანდაზმულობის გამო“, - განაცხადა ჯემალ ლეონიძემ.

 

 

4 სექტემბერს იუსტიციის უმაღლეს საბჭოში კენჭი უყარეს 48 კანდიდატს. კენჭისყრა ორეტაპიანი და ფარული იყო. პირველი ეტაპის შედეგად შეირჩა 20 კანდიდატი და იგივე ოცეული მოხვდა საბოლოო სიაშიც.

 

ესენია არიან:

 

  1. ალანია თამარ (11 ხმა);
  2. გაბინაშვილი მერაბ (11 ხმა);
  3. გეწაძე შოთა (11 ხმა);​
  4. ერემაძე მირანდა ( 10 ხმა);
  5. ვასაძე მამუკა (10 ხმა);
  6. ვაჩაძე მაია (11 ხმა);
  7. ზამბახიძე თამარ (11 ხმა);
  8. თადუმაძე შალვა (10 ხმა);
  9. თავაძე ზაზა (10 ხმა);
  10. კაკაბაძე ვლადიმერ (10 ხმა);
  11. მიქაბერიძე ლევან (10 ხმა);
  12. მიქაუტაძე გიორგი (11 ხმა);
  13. სილაგაძე პაატა (10 ხმა);
  14. სხირტლაძე ნუგზარ (11 ხმა);​
  15. ფაფიაშვილი ლალი (11 ხმა);
  16. ქადაგიძე ნინო (11 ხმა);
  17. ქოჩიაშვილი ლაშა (10 ხმა);
  18. ცინცაძე ქეთევან (10 ხმა);
  19. წულაძე ალექსანდრე (10 ხმა);​
  20. ჯეირანაშვილი გოჩა (10 ხმა).


ბაჩო ადამია




20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...

ბიზნესი პრემიერს ამხნევებს - კერძო სექტორმა გახარიას ორი მოთხოვნით მიმართა

ბიზნესი პრემიერს ამხნევებს - კერძო სექტორმა გახარიას ორი მოთხოვნით მიმართა
access_time2020-10-20 16:26:31
„ჩვენ შეხვედრის დასაწყისშივე გავამხნევეთ პრემიერი და მან თქვა, რომ საკმაოდ მხნედ იყო , ფორმაში იყო და ეს ძალიან ღირებულია ჩვენთვის იმიტომ, რომ არაორდინალურ გარემოში გვიწევს ცხოვრება და ეს ყველას კარგად უნდა გვესმოდეს,“- საქართველოს პრემიერ-მინისტრ გიორგი გახარიასა და ბიზნესის წარმომადგენლებს შორის შეხვედრა ცოტა ხნის წინ დასრულდა. ჟურნალისტებთან ბიზნეს ასოცაციის პრეზიდენტმა სოსო ფხაკაძემ ისაუბრა იმ ძირითად საკითხებზე, რაც ბიზნესმა დღის წესრიგში დააყენა. მისი...

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს
access_time2020-10-20 14:50:23
„m2 ჯგუფი“ სამშენებლო კომპანია „ოლიმპიური ვარსკვლავის“ ობიექტზე სამშენებლო სამუშაოებს იწყებს.  ხელშეკრულების პირობების თანახმად, მშენებლობა სამი წლის ვადაში დასრულდება და, თორმეტწლიანი ლოდინის შემდეგ, 400-მდე დაზარალებული ოჯახი, კუთვნილ ბინებს მიიღებს. პროექტი თბილისის მერიასთან 23 ივნისს გაფორმებული მემორანდუმის ფარგლებში ხორციელდება. აღნიშნული დოკუმენტი, მხარეების კომპეტენციის ფარგლებში, „ოლიმპიური ვარსკვლავის“ მიერ დაუმთავრებელი...

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!
access_time2020-10-20 15:00:08
სოციალური და სარიტუალო ღონისძიებების ჩატარება - ქორწილი, იუბილე, ქელეხი - კორონავირუსის მეორე ტალღის გამწვავებისას,  10 სექტემბრიდან ღია სივრცეშიც აიკრძალა. ღონისძიებები ესაა სფერო, რითაც  შემოსავალს 20-მდე სხვადასხვა პროფესიის ადამიანი იღებდა.  თითქოს ჩავარდნილი გაზაფხულისა და ზაფხულის სეზონების შემდეგ, სოციალური ივენთების მიმართულება გამოცოცხლებას იწყებდა და წყვილებმა ქორწილებისა და დაბადების დღეების აღნიშვნაც კი  შემოდგომაზე გადაწყვიტეს, მორიგი...


მსგავსი სიახლეები

up