„ენმ“ - ის ძალა ერთობაშიას მცხეთის მაჟორიტარი დეპუტატობის კანდიდატი და „ქართული ლუდის კომპანიის“ დამფუძნებელი ცეზარ ჩოჩელი პარტიის მიერ გამართულ აქციაზე სიტყვით გამოვიდა და ბიზნესმენებს, მეწარმეებს და კერძო სექტორში დასაქმებულ ადამიანებს თანადგომისკენ მოუწოდა.

„მე მინდა მოვუწოდო ყველა მეწარმეს, ყველა ბიზნესმენს და ყველა კერძო სექტორში დასაქმებულ ადამიანს, თუ  ჩვენ გვინდა, რომ ხვალიდნელი დღე იყოს უკეთესი,  თუ ჩვენ გვინდა, რომ ჩვენი ქვეყანა ფეხზე იდგეს, არა ისე როგორც დღეს მიაქანებენ  ჭაობში, მაშინ დღეს  ჩვენ უნდა  დავდგეთ ყველა ერთად, არჩევნებზე უნდა გამოვიდეთ და  ვთქვათ, რომ ესეთი ცხოვრება ჩვენ აღარ გვინდა,  ჩვენ უკეთეს მომავალს  ვიმსახურებთ.

მე დარწმუნებული ვარ ხალხის გონიერების, ხალხის შემართების, რომელიც იტყვის, რომ ჩვენ ვიმსახურებთ და გვინდა უკეთესი საქართველო და ამასთან ერთად მე მინდა ვთქვა და მოვუწოდო ჩვენ კოლეგებს,  არანაირი სიმდიდრე არ ღირს  სახელად,  ჩვენ რაც არ უნდა  შევქმნათ, რამდენი ქარხანაც  არ უნდა  ავაშენოთ, რამდენი ბიზნესიც არ უნდა  გვქონდეს,  დრო გაივლის და ამ ქვეყანაში დარჩება მხოლოდ სახელი,  მე მოვუწოდებ ყველას, რომ მხოლოდ  სახელისთვის ვიბრძოლოთ“, -  აღნიშნა ცეზარ ჩოჩელმა.

სიტყვით გამოსვლისას ცეზარ ჩოჩელმა სამარცხვინო უწოდა „ქართული ოცნების“ იმ განცხადებას, სადაც „ქართული ოცნება“ ამომრჩეველს ენმ-ს  დასრულებას ჰპირდებოდა.

„2012- ში იმის მიუხედავად, რომ ჩვენ ბრძოლა წავაგეთ, მეც თქვენთან ერთად გულის სიღრმეში მჯეროდა, რომ დღეს თუ ხავლ იქნებოდა უკეთესი  საქართველოს მშენებლობის დასაწყისი, მაგრამ თქვენთან ერთად მეც  გამიცრუვდა ეგ იმედი, ველოდი 2013, 2014, 2015 და 2016  წლებს და ასე  გაგრძელდა და გუშინ გამოგვიცხადეს, თურმე  ყველაზე დიდი რასაც გააკეთებენ დასრულდება ნაციონალური მოძრაობა.  მე მიმაჩნია, რომ ეს  განცხადება სამარცხვინოა, თუ მეტი არაფერი გაქვს ხალხისთვის სათქმელი, თუნდაც ის, რომ ჩვენ 2012 ში მივიღეთ დაპირება, რომ იქნებოდა აღდგენილი ღირსება, მე  ვკითხულობ დღეს რომელ ღირსებაზეა საუბარი, რომელიც არ გვაძლევს საშუალებას, რომ  დამოუკიდებლად  მივცეთ ხმა იმას ვისაც ჩვენ გვინდა? ნუთუ ეს არის ჩვენი ღირსების აღდგენა? გაივლის დრო და ჩვენი დღევანდელი შეკრება ისტორიაში იქნება, მე  ვიცი რომ იწერება ახალი ისტორია.“ -  განაცხადა ცეზარ ჩოჩელმა.