2021 წლის დასაწყისში კრიპტოვალუტების მკვეთრი გაძვირების ფონზე მაინინგისადმი ინტერესი მნიშვნელოვნად გაიზარდა. მათ შორის ეს სახლის პირობებში მუშაობას ეხება. ექსპერტების თქმით, „ოჯახური ფერმის“ შექმნა შესაძლოა მსხვილ ცენტრებზე მომგებიანი აღმოჩნდეს, რადგანაც კაპიტალურ დანახარჯებს არ მოითხოვს. საშუალოდ, სახლში გახსნილი საწარმო მოგებაზე უკვე 6-8 თვეში გავა.

დღეისთვის ამ ბიზნესში მცირე მეწარმეების წილი საკმაოდ დაბალია. 50 მეგავატის სიმძლავრის ერთი დატა-ცენტრი 5-10 ათას ოჯახურ ფერმას უდრის.

ყველა სამრეწველო ფერმის მთავარი პრობლემაა ენერგომოხმარების შემცირდება. ამ მხრივ სხვაობა ტექნოლოგიებს შორისაც არის - ამ კუთხით უპირატესობა სისტემა ASIC-ს ენიჭება, რომელიც უფრო ეკონომიურია ვიდეოპლატასთან შედარებით.

თუმცა, თავისი ძლიერი მხარეები ვიდეოპლატასაც აქვს. ის სხვადასხვა ტიპის ვირტუალურ ვალუტებზე გადასვლის უკეთეს შესაძლებლობებს იძლევა. პროფესიონალები უპირატესობას სწორედ ვიდეოპლატას ანიჭებენ, იმის მიუხედავად, რომ ის მეტ ელექტროენერგიას მოიხმარს და ამავე დროს მართვის კუთხით უფრო რთულია.

ასევე მნიშვნელოვანია, რომ ვიდეოპლატები ნაკლებად ხმაურიანია, რაც სახლის პირობებში მუშაობის დროს დიდი პლიუსია. ვიდეოპლატა ასევე უფრო ადვილი გასაყიდია მეორად ბაზარზე  ASIC -სთან შედარებით.

„ოჯახური ფერმების“ მუშაობაში ორი სერიოზული პრობლემაცაა გასათვალისწინებელი. უკვე ნახსენები ხმაური და მაღალი ტემპერატურა. ამას ემატება სახლებში გაყვანილი სადენების გადახურება, რადგანაც საყოფაცხოვრებლო ელექტროგაყვანილობა ასეთ დატვირთვაზე გათვლილი არაა.

ასე რომ ფერმის სახლში მოწყობა საკმაოდ ადვილია, ოღონდ ეს ფერმა კომფორტული ნამდვილად არ იქნება. თუმცა, ვირტუალური ვალუტების დღევანდელი კურსიდან გამომდინარე ბევრი ადამიანი ასეთ მძიმე პირობებზეც თანახმა იქნება.

მაგალითისთვის შეგვიძლია მოვიყვანოთ ოჯახური ფერმა, რომელიც Geforce RTX 2060-ის ტიპის 8 ვიდეოპლატისგან შედგება.  ერთი ასეთი სისტემა მეორად ბაზარზე საშუალოდ 600-650 დოლარი ღირს, კიდევ 100 დოლარი აქსესუარები ღირს - კარკასი ვიდეოპლატისთვის, დედა-პლატა, კვების ბლოკი და ოპერატიული მეხსიერება. შესაბამისად, 8 მოწყობილობიდან შემდგარი ფერმის აწყობა  5600-6000 დოლარი ღირს.

საშუალოდ, ასეთი მასშტაბების ფერმის დღიური მოგება  15-დან 25 დოლარამდე მერყეობს - სხვადასხვა ქვეყანაში ეს მაჩვენებელი განსხვავებულია, ელექტროენერგიის ტარიფის განსხვავების გათვალისწინებით. გათვლების მიხედვით, მცირე ფერმა მოგებაზე 6 თვეში გავა, ხოლო მაინერის სტაბილური მოგება წელიწადში საშუალოდ 9-10 ათასი დოლარი იქნება.

rbc