რამდენად ეფექტურია ხელისუფლების მიერ ბიზნესის დაკრედიტების წახალისება - ექსპერტები სამთავრობო პროექტების მინუსებზე საუბრობენ

რამდენად ეფექტურია ხელისუფლების მიერ ბიზნესის დაკრედიტების წახალისება - ექსპერტები სამთავრობო პროექტების მინუსებზე საუბრობენ

person access_time2016-05-27 10:05:19

რუსეთის მთავრობა ბანკებს „აიძულებს“ მცირე და საშუალო ბიზნესი,  ეკონომიკის პრიორიტეტული დარგები, ასევე რეგიონების დაფინანსება გაზარდონ. ამ მიზნის მიღწევას ის ბანკებისთვის ტრილიონი რუბლის მიცემით ცდილობს, რის სანაცვლოდაც საბანკო სისტემამ მცირე და საშუალო ბიზნესის და ხელისუფლების მიერ პრიორიტეტულად გამოცხადებული დარგების დაკრედიტება უნდა გააძლიეროს. როგორც აღმოჩნდა, ამ პოლიტიკამ პირველი შედეგები უკვე გამოიღო: „ვითიბი ბანკი“, რომელიც ჯერ კიდევ რამდენიმე თვის წინ  მცირე ბიზნესს უპერსპექტივოდ განიხილავდა და მის დაფინანსებაზე უარს ამბობდა, დღეს ამ სეგმენტის დაფინანსებას ზრდის. 


დაკრედიტების გააქტიურების მიზნით სხვადასხვა დროს სხვადასხვა ქვეყნის მთავრობები გარკვეულ პოლიტიკას ახორციელებენ. მათ შორისაა  საქართველო. „კომერსანტთან“  საუბარში ექსპერტები „ქართული ოცნების“ ხელისუფლების მიერ ამ მიმართულებით გადადგმული ნაბიჯების ეფექტურობას აფასებენ.

 

მცირე და საშუალო ბიზნესის დაკრედიტების გაზრდის მიზნით მთავრობამ რამდენიმე პროექტი წამოიწყო, მათ შორის არის პროგრამა „აწარმოე საქართველოში“, იაფი აგროკრედიტის პროგრამა, ასევე მცირემიწიან ფერმერთა ხელშეწყობის პროექტი.

 

 რამდენად ეფექტურია სახელმწიფოს მიერ მცირე და საშუალო ბიზნესის სტიმულირებისთვის გადადგმული მსგავსი ნაბიჯები და რა შედეგები მოაქვს მათ?

 

როგორც „კომერსანტთან“ ეკონომისტები აცხადებენ, მცირე და საშუალო ბიზნესის სტიმულირებისთვის სესხის პროცენტის თანადაფინანსების ან სესხის პროცენტის დაწევის მაგივრად, სახელმწიფომ კარგი ბიზნესგარემო უნდა უზრუნველყოს.


„ახალგაზრდა ეკონომისტთა ასოციაციის“ თავმჯდომარის კახა დაუშვილის განცხადებით, ცალ-ცალკე რომელიმე სეგმენტისთვის საბანკო კრედიტებზე პროცენტის დაწევა ან სესხის თანადაფინანსება რეალური შედეგის მომტანი არ არის  და სახელმწიფოსთვის პრიორიტეტული ბიზნესისთვის სარგებლიანი გარემოს შექმნა უნდა იყოს.


 

„რომელიმე დარგში სეგმენტურად პროცენტების დაწევა არის ამ დარგის განვითარების მცდელობა. ახლა რომ სოფლის მეურნეობაში შეღავათიანი აგროკრედიტი გაიცემა, გაიზარდა ამით წარმოება? რა მივიღეთ ამით? მშპ-ში სოფლის მეურნეობის წილი ისევ ძალიან დაბალია. ბოლო 3 წელში ჩავდეთ ამ მიმართულებით 600 მილიონი და რა მივიღეთ საბოლოო შედეგად?

 

საჭიროა, ისეთი ბიზნესგარემოს შექმნა, სადაც საპროცენტო განაკვეთი ეკონომიკური განვითარებიდან გამომდინარე დაიწევს და არა ხელოვნური ინტერვენციიდან გამომდინარე“,-აცხადებს კახა დაუშვილი.

 

მისივე თქმით, დღესდღეობით ქართულ ბიზნესში უმეტეს შემთხვევაში „იდეების შიმშილია“ და არა ფინანსებზე ხელმისაწვდომობის პრობლემა. რაც შეეხება კარგი ბიზნესგარემოს შექმნას, კახა დაუშვილი ამბობს, რომ ამ კუთხით საჭიროა საგადასახადო კანონმდებლობის ადმინისტრირების გამარტივება, გადასახადების შემცირება გარკვეული მიმართულებით, ასევე დღგ-ს 100-ათასლარიანი ზღვარის გადახედვა და ა.შ.

 

„ესტონური მოდელის შემოტანა ძალიან კარგი იქნება, უკვე ცნობილია ისიც, რამდენი თანხა დარჩება ამის შედეგად ბიზნესში. დათვლილია, რომ ამ მოდელით 500 მილიონი ლარი დარჩება კერძო სექტორში. ასეთი  ნაბიჯები ძალიან მნიშვნელოვანია, ეს არის რეალური სტიმულატორი ბიზნესისთვის და არა სესხის თანადაფინანსება“,- აცხადებს კახა დაუშვილი.

 

არასამთავრობო ორგანიზაცია GRASS-ის ეკონომისტი ბესო ნამჩავაძეც იმავე აზრზეა. მისი შეფასებით, ბიზნესს ყველაზე მეტად დაბალი გადასახადები, ნაკლები რეგულაციები და მეტი თავისუფლება აძლევს ბიძგს. ბესო ნამჩავაძე აცხადებს, რომ სწორედ ბიზნესგარემოა ლოკომიტივი მცირე და საშუალო ბიზნესის განვითარებისთვის.

 

„ფული, რაც შეღავათად ეძლევა ბიზნესს პროცენტის თანადაფინანსების სახით, იხარჯება სახელმწიფო ბიუჯეტიდან. თავის დროზე ეს თანხაც ბიზნესიდან ამოღებული ფულია გადასახადების სახით. მე უფრო მომხრე ვარ იმ პოლიტიკის, როცა საგადასახადო შეღავათებით ეხმარები ბიზნესს, მეტ ფულს უტოვებ მას და თანადაფინანსება აღარ გჭირდება. გამოდის, გარკვეულ გადასახადებს ვართმევთ მათ და შემდეგ ვუბრუნებთ, მინიმუმ ბიურაკრატიულ რგოლში ილექება თანხები“,- აცხადებს ბესო ნამჩავაძე.

 

მისივე შეფასებით, თუ მთავრობა მაინც გადაწყვეტს, რომ ბიზნესს თანხობრივად დაეხმაროს, ამ შემთხვევაში უფრო სწორი გზა კრედიტის თანადაფინანსებაა და არა სუბსიდირება.  თუმცა, ამ ეკონომისტი ამ სქემის ნაკლოვანებებზეც მიუთითებს.

 

„როცა ლარი გაუფასურდა საპროცენტო განაკვეთიც გაიზარდა ეროვნულ ვალუტაში. რაც უნდა თანადაფინანსება გაგიკეთოს სახელმწიფომ ამ პირობებში, მაინც ძვირი სესხი გამოგივა. მით უმეტეს, რომ ლარის არასტაბილურობის ერთ-ერთი მიზეზი თავად ბიუჯეტის ხარჯები იყოს“,- აცხადებს ეკონომისტი.


ხელისუფლება კი დარწმუნებულია, რომ შეღავათიანი კრედიტებისა და სუბსიდირების პროექტები ამ ეტაპზე აუცილებელია. მოგვიანებით კი, როდესაც ბიზნესი მოძლიერდება, ის თანდათანობით დატოვებს ამ პროექტებს.



ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა

ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა
access_time2020-02-19 17:05:52
1 აშშ დოლარის ოფიციალური ღირებულება 2.8422 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0209 ლარი შეადგინა. რაც შეეხება ევროს, მისი კურსი 3.0701 ლარია. მაშინ, როცა დღეს მოქმედი კურსი 3.1010 ლარს შეადგენდა. შესაბამისად, ევროს ცვლილებამ 0.0309...

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა
access_time2020-02-19 17:00:28
საავტომობილო გზების დეპარტამენტმა ნაკისრი ვალდებულებების შეუსრულებლობის გამო უცხოურ კომპანია TODINI COSTRUZIONI GENERALI S.p.A.-სთან ხელშეკრულება მეორედ გაწყვიტა. თავდაპირველად მაშინ, როდესაც კომპანიამ სამტრედია-გრიგოლეთის მესამე ლოტზე სამუშაოები არაჯეროვნად შეასრულა და მეორედ ახლა, როდესაც ხულო-ზარზმის გზის 2 მონაკვეთს რეაბილიტაცია-რეკონსტრუქცია ვერ ჩაუტარა. არადა, TODINI COSTRUZIONI GENERALI S.p.A-სთან ხულო-ზარზმის გზის მშენებლობაზე 110-მილიონიანი ხელშეკრულება მაშინ...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-19 21:30:46
დღის Top-10 საინტერესო ამბავი 1.„საქართველოში რამდენიმე წამყვანი ბანკია, რომლებიც გაცილებით დიდ პორტფელს ფლობენ ვიდრე „ფინკა“ და „კრისტალი“ ერთად, ამიტომ კონკურენციას ვერ...

მიხაილ ხოდორკოვსკი: კრემლმა სასამართლო წააგო

მიხაილ ხოდორკოვსკი: კრემლმა  სასამართლო წააგო
access_time2020-02-19 19:30:28
„კრემლმა წააგო სასამართლო „იუკოსის“ აქციონერებთან. სწორედ კრემლმა და არა რუსეთმა“  -წერს   Twitter-გვერდზე კომპანიის ყოფილი დამფუძნებელი მიხაილ ხოდორკოვსკი.მისი თქმით, ჯერ კიდეც 2005 წელს, ციხეში ყოფნის დროს, მან  თავისი წილები „იუკოსში“ მის პარტნიორს, ლეონიდ ნევზლინს გადასცა, შესაბამისად, მას  ამ საკითხში არავითარი პირადი ფინანსური დაინტერესება არ გააჩნია.   სასამართლოს გადაწყვეტილების გამოცხადების შემდეგ, ნევზლინმა განაცხადა,...

„მარცვლეულის წარმოების განვითარებას საბიუჯეტო რესურსები არ ჰყოფნის“

„მარცვლეულის წარმოების განვითარებას  საბიუჯეტო რესურსები  არ ჰყოფნის“
access_time2020-02-19 16:00:47
მარცვლეულის წარმოების მხრივ ქვეყანაში სერიოზული პრობლემებია. გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი ამბობს, რომ მარცვლეულის წარმოება არის სექტორი, რომელიც სახელმწიფოსგან სათანადო მხარდაჭერას ვერ იღებს. ამ მიმართულების განსავითარებლად სამინისტროს შემუშავებული აქვს შესაბამისი პროექტები, თუმცა საბიუჯეტო რესურსები ყოველთვის საკმარისი არ არის. “ჩვენ ყოველწლიურად დაახლოებით, 50-55 000 ჰექტარი ქერისა და ხორბლის ნათესი ფართობი...


მსგავსი სიახლეები

up