რადიო თავისუფლება: გაფრთხილება, როგორც მუქარა

რადიო თავისუფლება: გაფრთხილება, როგორც მუქარა

access_time2019-03-02 19:00:42

რუსეთის საგარეო საქმეთა მინისტრის მოადგილე გრიგორი კარასინი პრაღაში, „უცვლელი მესიჯით“, უფრო ზუსტად, ტრადიციული მათრახითა და თაფლაკვერით ჩავიდა, როგორც რადიო თავისუფლების ქართული რედაქციის ჟურნალისტი კობა ლიკლიკაძე გვიამბობს.


„მიუხედავად სირთულეებისა უნდა განვაგრძოთ ურთიერთობების განვითარება და ასევე მინდა გავაფრთხილო ჩემი ქართველი კოლეგები იმ შესაძლო მოულოდნელობების შესახებ, რაც უსიამოვნოა ორივე ქვეყნისათვის“, - განაცხადა რადიო თავისუფლებასთან რუსეთის საგარეო საქმეთა მინისტრის მოადგილემ, გრიგორი კარასინმა 27 თებერვალს რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენელთან, ზურაბ აბაშიძესთან შეხვედრის მორიგი რაუნდის წინ.


როგორც რადიო თავისუფლება იტობინება, რუსმა დიპლომატმა თავიდან არ დააზუსტა, თუ რა იგულისხმა „უსიამოვნო მოულოდნელობებში“; რადიო თავისუფლებისთვის მიცემული ამ კომენტარის გავრცელების შემდეგ, ბევრმა საქართველოშიც და მის ფარგლებს გარეთ, კარასინის ეს „გაფრთხილება“ აღიქვა, როგორც შეფარული მუქარა.


პრაღის ფეშენებელურ სასტუმრო „ავგუსტინეში“ დახურულ კარს მიღმა გამართული სამსაათიანი მოლაპარაკების დასრულების შემდეგ, გრიგორი კარასინმა აღნიშნული სამაუწყებლო კომპანიის განმეორებით კითხვას, უსიამოვნო მოულოდნელობების შესახებ, არაპირდაპირ, „ნატოსა და აშშ-ის მიერ რეგიონში მზარდი აქტიურობით“ გამოწვეული შეშფოთების გამოხატვით უპასუხა:


„უსიამოვნო მოულოდნელობები ვფიქრობ, რომ არ იქნება, მაგრამ მიუხედავად ამისა ჩვენ უნდა გავითვალისწინოთ, რეგიონის გარე სახელმწიფოთა მისწრაფება, უფრო აქტიურად ჩაერთონ სამხრეთ კავკასიის სამხედრო-პოლიტიკურ სიტუაციაში. ეს, რა თქმა უნდა, იწვევს ჩვენს შეშფოთებას და დღეს ჩვენ ვისაუბრეთ ამაზე“, - განაცხადა რუსეთის საგარეო საქმეთა მინისტრის მოადგილემ, რომელმაც დააზუსტა, რომ გარე სახელმწიფოებში იგულისხმება ჩრდილოატლანტიკური ალიანსის და აშშ-ის მზარდი აქტიურობა საქართველოს ტერიტორიაზე.


ბატონმა კარასინმა დააზუსტა, რომ მხარეები მოკლედ შევეხეთ რეგიონულ პრობლემებს. და ამასთან დაკავშირებით ჩვენი მხრიდან გამოითქვა შეშფოთება რეგიონში ჩრდილოატლანტიკური ბლოკისა და აშშ-ის მზარდი აქტიურობის, არაერთი სწავლების ჩატარების გამო საქართველოს ტერიტორიაზე, სამხრეთ კავკასიის სხვა სახელმწიფოების მონაწილეობით.



ცხადია, ჩვენ ეს გარკვეული ამოცანების წინაშე გვაყენებს. ვინაიდან იგი არღვევს სახელმწიფოთაშორის კონტაქტების განვითარების ხელსაყრელ ატმოსფეროს, გვაიძულებს ვიფიქროთ შედეგებზე, - განაცხადა გრიგორი კარასინმა.


ჟურნალისტი კობა ლიკლიკაძე იხსენებს, რომ კარასინის განცხადებების პარალელურად, ნატოს სამხედრო წვრთნების ინტენსივობასა და მათში ნატოს არაწევრი უკრაინისა და საქართველოს „აქტიურად ჩართვის“ შესახებ 27 თებერვალს არაორაზროვანი განცხადება გააკეთა რუსეთის თავდაცვის მინისტრმა. სერგეი შოიგუს თქმით, ალიანსი განაგრძობს წინა ხაზის ბაზირების სისტემის განვითარებას ბალტიისპირეთში და აღმოსავლეთ და სამხრეთ ევროპაში.


ამავე სტატიის ინფორმაციით, რუსული საინფორმაციო სააგენტოების ცნობით, თავდაცვის სამინისტროს კოლეგიის დღევანდელ სხდომაზე შოიგუმ თქვა, რომ ნატო რუსეთს აიძულებს საპასუხო ზომების მიღებას. იქვე ნათქვამია, რომ მთლიანობაში, რუსეთის სამხედრო უწყებისა (სერგეი შოიგუ) და საგარეო საქმეთა სამინისტროს (გრიგორი კარასინის) განცხადებები იმ სტრატეგიის ნაწილია, რომლის შემუშავებასაც აქტიურად შეუდგა კრემლი ვაშინგტონის და მისი მოკავშირეების პასუხად.


20 თებერვალს, ფედერალური კრების წინაშე გამოსვლის დროს, რუსეთის პრეზიდენტმა ვლადიმირ პუტინმა განაცხადა, რომ აშშ-ის მიერ საშუალო და შორი რადიუსის მოქმედების რაკეტების შემცირების შესახებ შეთანხმებიდან გამოსვლის საპასუხოდ, მოსკოვი გაშლის სარაკეტო სისტემებს, რომლებიც არა მხოლოდ შეიარაღებაზე იქნება დამიზნებული, არამედ აშშ-ისა და მოკავშირეთა ტერიტორიებზე განლაგებულ გადაწყვეტილების მიღების ცენტრებზე.


აშშ და მისი ნატოელი მოკავშირეები ფიქრობენ, რომ სწორედ რუსეთი არღვევს მის მიერვე ნაკისრ ვალდებულებებს, საფრთხეს უქმნის საერთაშორისო უსაფრთხოებას და ძირს უთხრის მისი მეზობელი სახელმწიფოების - საქართველოსა და უკრაინის - სახელმწიფოებრიობას, რომლებიც ნატოსა და ევროკავშირში გაწევრიანებას ცდილობენ.


რუსეთმა თავისი დექსტრუქციული ნაბიჯებით შექმნა ვითარება, როდესაც კრემლთან კონსტრუქციული დიალოგი შესაძლოა საბედისწერო აღმოჩნდეს მომლაპარაკებელი მხარისათვის.


„არ მესმის იმათი, ვინც მოგვიწოდებს, რომ შევწყვიტოთ ცეცხლი. თუ რუსეთი შეწყვეტს ცეცხლს, ომი აღარ იქნება, მაგრამ თუ უკრაინა შეწყვეტს ომს, მაშინ უკრაინა აღარ იარსებებს“, - განაცხადა უკრაინის პრეზიდენტმა პეტრო პოროშენკომ მიუნხენის უსაფრთხოების კონფერენციაზე.


რადიო თავისუფლება





საქართველოს ნავთობისა და გაზის კორპორაციის დელეგაცია არაბეთის გაერთიანებული საემიროების ეროვნულ ნავთობ-კომპანიას საქმიანი ვიზიტით ეწვია

საქართველოს ნავთობისა და გაზის კორპორაციის დელეგაცია არაბეთის გაერთიანებული საემიროების ეროვნულ ნავთობ-კომპანიას საქმიანი ვიზიტით ეწვია
access_time2021-09-27 10:55:09
საქართველოს ნავთობისა და გაზის კორპორაციის დელეგაცია, კორპორაციის დირექტორის, გიორგი ბახტაძის ხელმძღვანელობით, არაბეთის გაერთიანებული საემიროების ეროვნული ნავთობ-კომპანიის (ENOC) სათაო ოფისს, ქალაქ დუბაიში, საქმიანი ვიზიტით ეწვია. ვიზიტი, რომელიც ENOC-ს ოფიციალური მოწვევით შედგა, დატვირთული აღმოჩნდა. მენეჯმენტის უმაღლეს რგოლებს შორის შეხვედრებზე განხილულ იქნა არაბეთის ეროვნულ ნავთობკომპანიასა და კორპორაციას შორის პარტნიორული და საქმიანი თანამშრობლობის...

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!
access_time2021-09-27 09:55:29
სამსუნგის უახლესი, დასაკეც ეკრანიანი სმარტფონების Galaxy Z Fold3-ისა და Galaxy Z Flip3-ის გაყიდვები უკვე დაიწყო.  სმარტფონების შეძენა შესაძლებელია სამსუნგის ყველა ოფიციალური პარტნიორის მაღაზიათა ქსელებსა და ონლაინ, მათი ვებ-გვერდების საშუალებით.    გაყიდვების დაწყებასთან ერთად, შეზღუდული დროითა და რაოდენობით, თქვენ საშუალება გაქვთ მიიღოთ დამატებით საჩუქრები სამსუნგისაგან: ორივე მოდელისთვის საჩუქრად გადმოგეცემათ 1 წლიანი...

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა
access_time2021-09-27 01:10:27
სოხუმის დაცემის 28 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, საქართველოს მთავრობის ადმინისტრაციის შენობაზე სახელმწიფო დროშა დაეშვა. ინფორმაციას მთავრობის ადმინისტრაციის პრესსამსახური ავრცელებს. „სახელმწიფო დროშა დაეშვა საქართველოს მთელს ტერიტორიაზე ყველა ადმინისტრაციულ შენობაზე“ – ნათქვამია ინფორმაციაში. 

ყველაზე მდიდარი და ღარიბი თვითმმართველობები საქართველოში

ყველაზე მდიდარი და ღარიბი თვითმმართველობები საქართველოში
access_time2021-09-26 16:00:14
...

როგორ შეიძლება შავი ზღვის რესურსების გამოყენება

როგორ შეიძლება შავი ზღვის რესურსების გამოყენება
access_time2021-09-26 14:00:36
...


მსგავსი სიახლეები

up