სამწუხაროა,  მთავრობის მხრიდან  ანაკლიის პორტთან მიმართებაში ეს ვირეშმაკული თამაში“ - გია ხუხაშვილი  პომპეოს განცხადებას აფასებს

სამწუხაროა, მთავრობის მხრიდან ანაკლიის პორტთან მიმართებაში ეს ვირეშმაკული თამაში“ - გია ხუხაშვილი პომპეოს განცხადებას აფასებს

access_time2019-06-12 14:30:44

„აშშ გვეუბნება , რომ თუ ჩვენ დასავლური გზა ავირჩიეთ, მაშინ უნდა მოვიქცეთ შესაბამისად,  თუ მოვიქცევით სხვანაირად, მაშინ სხვა კითხვები გაჩნდება და ჩვენს კეთლსინდისიერებაში ეჭვი იქნება შეტანილი. ... ალბათ სწორედ ეს იყო პომპეოს განცხადების მთავარი მესიჯი  იმიტომ, რომ როგორც წესი ჩვეულებრივ ვითარებაში ამ ტიპის განცხადებები არ კეთდება საჯაროდ და ტურისტული მოლაპარაკებებით სრულდება ყველაფერი. რადგან პომპეომ ჩათვალა, რომ ამ თემაზე უკვე საჯაროდ უნდა ესაუბრა. ვფიქრობ, ისინი მიიჩნევდნენ,  რომ ანაკლიის პორტის საკითხში არსებობდა პრობლემა.“  - ასე აფასებს ექსპერტი გია ხუხაშვილი აშშ-ს სახელმწიფო მდივნის მაიკ პომპეოს განცხადებას საქართველოს პრემიერ-მინისტრ მამუკა ბახტაძესთან შეხვედრის შემდეგ. 


„საბოლოოდ, მე გამოვხატე ჩვენი იმედი, რომ საქართველო დაასრულებს პორტის პროექტს. პროექტი გააძლიერებს საქართველოს ურთიერთობას თავისუფალი ეკონომიკის მქონე ქვეყნებთან და დაიცავს მას რუსეთისა და ჩინეთის ეკონომიკური გავლენისგან. ის მოჩვენებითი მეგობრები საქართველოს ინტერესებს არ ითვალისწინებენ. საქართველოს განვითარება, როგორც თავისუფალი სახელმწიფოს, საბჭოთა კომუნიზმის თითქმის საუკუნოვანი გავლენის შემდეგ, ამტკიცებს, რომ ის სწორ გზაზე დგას. ჩვენ ვამაყობთ, რომ ამ გზაზე თქვენი კარგი პარტნიორები ვართ“, –  ღიად განაცხადა ოფიციალურ პრესკონფერენციაზე,  მაიკ პომპეომ.



გია ხუხაშვილი „კომერსანტთან“ ინტერვიუში აღნიშნავს, რომ აშშ-ს სახელმწიფო მდივნის განცხადება  იმის აღმნიშვნელია,  რომ აშშ-საქართველოს მხრიდან კონკრეტული სტრატეგიული კურსის ჩამოყალიბებას ითხოვს  და შესაძლოა კიდეც, რომ დასავლეთმა ანაკლიის პორტის საკითხთან მიმართებაში ორმაგი თამაშის ნიშნები დაინახა.


„ შავი ზღვის რეგიონი ერთ-ერთი ეპიცენტრია დიდ გლობალურ დაპირისპირებაში და, ბუნებრივია, აშშ ცდილობს, რომ რუსეთის დომინირება შავ ზღვაში დაასრულოს ან მინიმუმ დააბალანსოს მაინც. შავი ზღვის აუზში ძალიან ბევრი დასავლური ქვეყანაა, მათ შორის ნატოს წევრებიც არიან,  თუმცა უსაფთხოების სისტემის ფორმირებისთვის შესაბამისი ინფრასტრუქტურა არის ძალიან სუსტი. ამ გეოპოლიტიკური თამაშების ფონზე ანაკლიის პორტი გლობალური უსაფთხოების ერთ-ერთ მნიშვნელოვან ელემენტს წარმოადგენს.




სამწუხაროა, საქართველოს მთავრობის მხრიდან  ანაკლიის პორტთან მიმართებაში ეს ვირეშმაკული თამაში,  რასაც ჩვენ ვხედავდით  -რიტორიკულად ამბობდნენ, რომ თითქოს პროექტს ხელს უწყობდნენ, მაგრამ მუდმივად ხდებოდა პროექტის საბოტირება სხვადასხვა მეთოდებით, პროექტის ოპერატორის მუდმივი დისკრედიტირებით. ამ დროს ჩნდება გონივრული ეჭვი,  რომ ორმაგ თამაშს თამაშობ. ჩვენ ან დასავლეთთან ვართ,  ან რუსეთთან, ალტერნატივა არ გვაქვს. თუკი დასავლეთი დისტანცირებას ახდენს,  ბუნებრივია, აღმოვჩნდებით რუსეთის გავლენის ქვეშ.


მოლდოვის მაგალითს მოვიყვან, მოლდოვაში ვითარება საკმაოდ გავდა საქართველოს და საბოლოო ჯამში ორმაგმა თამაშებმა გამოიწვია ის, რომ დღეს შეიქმნა კრიზისი, დასავლეთმა ხელები დაიბანა. ჩვენს შემთხვევაშიც უბრალოდ აღარ ვიქნებით დასავლეთისთვის საინტერესო. მე არამგონია რომ ეს ისტორიის დასასრულია, ბევრად უფრო რთული იქნება პროექტის საბოტირება ამ  განცხადებების შემდეგ.“   აცხადებს პოლიტიკური ექსპერტი


როგორც ცნობილია, „ანაკლიის განვითარების კონსორციუმმა“  საქართველოს მთავრობას ფინანსური დახურვის დოკუმენტაციის წარსადგენად ვადების გახანგრძლივება სთხოვა. დღეს საქართველოს პრემიერ-მინისტრმა მამუკა ბახტაძემ „ანაკლიის კონსორციუმის“ თხოვნას ფინანსური დოკუმენტის წარდგენის გადავადებაზე მხარი დაუჭირა.


როგორც პრემიერმა აღნიშნა, ანაკლიის პროექტს დიდი მხარდაჭერა აქვს და იმისთვის, რომ პროექტი განხორციელდეს, „თითოეული ჩვენგანი და კონსორციუმის მონაწილე წევრები კონკრეტულ შედეგზე უნდა იყვნენ ორიენტირებულები“.


„რა თქმა უნდა, ჩვენ ვართ დაინტერესებული იმაში, რომ ამ პროფილის მქონე, ამერიკული ყველაზე ძლიერი კომპანიები იყვნენ წარმოდგენილი ამ პროექტში. ამ პროექტს აქვს ჩვენი სრული მხარდაჭერა. რა თქმა უნდა, როგორც კი ჩამოვალ, მომდევნო კვირას გვექნება მთავრობის ხდომა და ამ საკითხის განხილვა და ვადების გადავადება მოხდება. თითოეული ჩვენგანი დარწმუნებული უნდა იყოს იმაში, რომ ამ პროექტის რეალიზაცია თითოეული ნაბიჯით არის განსაზღვრული, რომელსაც კონკრეტული შედეგი მოაქვს. ჩვენ ვალდებულება ავიღეთ, როგორც მთავრობამ და ვასრულებთ ამ ვალდებულებებს. ჩვენ მაქსიმალურად ვცდილობთ დავეხმაროთ კონსორციუმს, რომ შეასრულოს ვალდებულებები, რომ საბოლოო ჯამში, ამ მნიშვნელოვანი პროექტის რეალიზაცია მოხდეს. აქედან გამომდინარე, რა თქმა უნდა, ჩვენ მხარს დავუჭერთ ამ საკითხს. ამავე დროს, კიდევ ერთხელ მსურს გავიმეორო, თითოეული ჩვენგანი და რა თქმა უნდა, კონსორციუმის მონაწილე წევრები, კონკრეტულ შედეგზე უნდა იყვნენ ორიენტირებულები. თუ ყველა შეასრულებს თავის ვალდებულებას, ეს პროექტი აუცილებლად შედგება და რა თქმა უნდა, ჩვენ გვაქვს სრული მხარდაჭერა ამ პროექტის მიმართ. ჩვენ გავაგრძელებთ დიალოგს და კომუნიკაციას, რომ მივეხმაროთ კონსორციუმს აღებული ვალდებულებების შესრულებაში“, - განაცხადა მამუკა ბახტაძემ „იმედის“ ეთერში.






27 ოქტომბერი - რეგიონში მხოლოდ ქართული ლარი გამყარდა

27 ოქტომბერი - რეგიონში მხოლოდ ქართული ლარი გამყარდა
access_time2020-10-27 18:05:05
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-27 21:00:05
დღის Top 10 საინტერესო ამბავი     1. „ზუსტად უნდა ვიცოდეთ, რას გულისხმობს ჩვენი მონაწილეობა COVID-ის მართვაში“ - სადაზღვევოები სამინისტროსგან მეტ დეტალებს ითხოვენ   სადაზღვევო კომპანიების ოჯახის ექიმები კორონავირუსის მართვაში დღეიდან ჩაერთვებიან, - ამის შესახებ ჯანდაცვის...

სად გაატარებენ რუსები ახალ წელს? სახლში თუ ოკუპირებულ აფხაზეთში

სად გაატარებენ რუსები ახალ წელს? სახლში თუ ოკუპირებულ აფხაზეთში
access_time2020-10-27 19:00:24
1 აგვისტოდან რუსეთს და ოკუპირებულ აფხაზეთს შორის საზღვარი ოფიციალურად გაიხსნა. მანამდე კი კორონავირუსის გავრცელების თვალსაზრისით თითქმის სტერილურმა არაღიარებულმა რესპუბკლიკამ სწრაფი „დაბინძურება“ დაიწყო.   დიდი ტურისტული ბუმი არ ყოფილა, თუმცა რუსეთის ბევრმა მოქალაქემ ვირუსისგან გაქცევის მიზნით ოკუპირებულ აფხაზეთში სახლები იქირავეს.   თუმცა, გაქცევა არ გამოვიდა - ღია საზღვარმა და ადამიანების უკონტროლო მისვლა-მოსვლამ ეპიდემიის აფეთქებას მაშინ შეუწყო...

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....


მსგავსი სიახლეები

up