რაც ზამთარში ბაკურიანში ხდება, ქვეყანაში ქალაქგეგმარების არარსებობის ბრალია

რაც ზამთარში ბაკურიანში ხდება, ქვეყანაში ქალაქგეგმარების არარსებობის ბრალია

access_time2019-01-10 18:18:12

ურბანისტი ირაკლი ჟვანია სოციალურ ქსელში ქალაქგეგმარების და სტრატეგული განვითარების არსეობის აუცილებლობაზე წერს და მაგალითად, საქართველოს კურორტები მოჰყავს; კერძოდ კი - ბაკურიანი.


„ის, რაც ბაკურიანში ხდება ზამთარში, და ბათუმშიც იგივეა ზაფხულში (თუ არ არის მალე იქნება, ბაკურიანი უფრო პატარაა და მალე გაიჭედა), არის ქვეყანაში ათწლეულების მანძილზე ქალაქგეგმარების და სტრატეგული განვითარების ხედვის არარსებობის ბრალი. ბაკურიანის გენგეგმა აგერ ახლა შემუშავდა რამდენიმე თვის წინ, ბათუმს ჯერაც არ აქვს. რაც უკვე აშენებულია, არაფერი აღარ ეშველება. მერე კიდევ მუნიციპალიტეტები ამ გენგეგმებს ისე ცვლიან დეველოპერებს რომ მოარგონ, რომ რისთვის გაკეთდა და დაიხარჯა ბიუჯეტის ფული, არავინ კითხულობს. რა შენობების მთები და ზღვებიც აშენდა მთებში და ზღვაზე, არის სრულიად დაუგეგმავი და გაუთვლელი ქაოსი, რომელიც დაასამარებს ამ კურორტების მიმზიდველობას და მდგრად მომავალს; როდესაც დეველოპერული ბიზნესი მიშვებულია ოღონდ რამე აშენონ და ამას ეკონომიკურ წინსვლად გვასაღებენ, მივიღებთ იმას, რაც გვაქვს და შედეგი სრულიად ლოგიკურია.



ამ ქვეყანაში აშენებენ ბრმად, მაგრამ არაფერს არ ითვლიან და ითვალისწინებენ: არც საზოგადოებრივი ტრანსპორტის სისტემას, არც აშენებული ფართი რამდენ ადამიანს დაიტევს და მოიზიდავს, არც ამდენ ადამიანს საჭმელი და სასმელი თუ ყოფნის, არც გარემოზე ზემოქმედებას, არც შესაბამის ინფრასტრუქტურას და ასე შემდეგ.


ყველაფერს აქვს თავისი ზომა და ტევადობა - მანქანაში ათი კაცი ვერ დაეტევა, ავტობუსში ასი ვერ დაეტევა, ოთახში ოცი ვერ დაეტევა, კუჭში ქვაბი საჭმელი არ ჩაეტევა. აქამდე არავის არ უფიქრია კურორტი რა ტევადობაზე უნდა იყოს გათვლილი და სად და როგორ შეიძლება მშენებლობა. ამ დაგეგმვას კი უნდა რეგიონალური მასშტაბით შეფასება. ასეთი თავკომბალა კურორტის არსებობა არის დამღუპველი. გადახედეთ ალპებს, სოფლები და დაბები არის თანაბრად დატვირთული. ეს ბაკურიანი გახეთქვამდე რომ არის მისული დაუფიქრებელი მშენებლობებით, მის ირგვლივ შესანიშნავი სოფლები საერთოდ მიდგებულია - მიტარბი, ციხისჯვარი, ანდეზიტი, ტბა, ლიბანი, ცემი, წაღვერი... ბაკურიანის ასე გატენვას სჯობდა ამ სოფლებში გადანაწილებულიყო დატვირთვა და აწყობილიყო გამართული საზოგადოებრივი ტრანსპორტის სისტემა მოდერნიზებული „კუკუშკით“, ავტობუსებით, "შატლებით", მარხილებით... მაგრამ არ გვიყვარს ჩვენ ფიქრი, შორს გახედვა, დაგეგმვა და მომავალზე ზრუნვა. დღეს გვინდა ყველაფერი და მარტო ჩვენთვის. ჰოდა, აგერ ბატონო დაარეგულირა ბაზარმა“, - წერს ურბანისტი ირაკლი ჟვანია სოციალურ ქსელში.






"საპენსიო რეფორმას არ აქვს თეორიული შანსი, რომ არ დაასრულოს სრული კატასტროფით“

access_time2019-01-21 19:30:29
"საპენსიო რეფორმას არ აქვს თეორიული შანსი, რომ არ დაასრულოს სრული კატასტროფით, ყველა შემთხვევაში, რაც არ უნდა მოხდეს, საპენსიო რეფორმა ამ ქვეყნისთვის, ანუ ადამიანებისთვის დამაზიანებელი იქნება," — წერს სიციალურ ქსელში  "გირჩის" წევრი ნიკა ობოლაძე და იქვე მიზეზებს განმარტავს: არსებობს 2 ვარიანტი: ა) საპენსიო რეფორმა შემდეგი ათწლეულები უპრობლემოდ მუშაობს შემოთავაზებული სქემით ბ) არსებული...

სამრეწველო ჯოჯოხეთი - საიტი Wired Tesla-ში მუშაობის არაადამიანურ პირობებზე წერს

სამრეწველო ჯოჯოხეთი - საიტი Wired Tesla-ში მუშაობის არაადამიანურ პირობებზე წერს
access_time2019-01-21 20:30:29
2016 წლის მარტში, ილონ მასკი ლოს-ანჯელესის გარეუბანში Tesla-ს ერთ-ერთ სალონში მივიდა. ეს იყო იმ დღეს, როდესაც კომპანიამ დაიწყო შეკვეთების მიღება ახალ მოდელზე - Model 3-ზე, რომელიც უნდა გამხდარიყო ბრენდის პირველი ნაბიჯი მასობრივი მოხმარების სეგმენტში. ტოპ მენეჯერები მარჩიელობდნენ შეკვეთების შესაძლო რაოდენობაზე და ელოდნენ დაახლოებით 50 000-ს, რაც იქნებოდა რეკორდი ელექტრომობილების ინდუსტრიისთვის. თუმცა, რეალობამ გადააჭარბა...

კახა ბექაური : „ოპერატორებს არ მივცემთ უფლებას, რომ საკუთარი ძალაუფლება მომხმარებლებზე ბოროტად გამოიყენონ“

კახა ბექაური : „ოპერატორებს არ მივცემთ უფლებას, რომ საკუთარი ძალაუფლება მომხმარებლებზე ბოროტად გამოიყენონ“
access_time2019-01-21 17:10:48
კომუნიკაციების ეროვნული კომისიის თავმჯდომარე კახა ბექაური ორი კომპანიის მიერ ტარიფების გაზრდასთან დაკავშირებით გავრცელებულ ინფორმაციას აფასებს და ამბობს, რომ კომისიას ყველა კანონიერი ბერკეტი გააჩნია, იმისთვის, რომ კომპანიების მხრიდან განხორციელებული არაკანონზომიერი ქმედებები აღკვეთოს. კახა ბექაური იმედს იტოვებს, რომ კომისიის განცხადების შემდეგ კომპანიები წინდახედულობას გამოიჩენენ და კომისიასთან საკითხის გავლის გარეშე გადაწყვეტილებას არ მიიღებენ....

პანორამა თბილისის შენობაში კერძო პირებმა ფართების გაყიდვა-გაქირავება დაიწყეს

პანორამა თბილისის შენობაში კერძო პირებმა ფართების გაყიდვა-გაქირავება დაიწყეს
access_time2019-01-21 16:00:10
პანორამა თბილისის ფარგლებში თაინვესტირების ფონდი „ცეკავშირის“ ყოფილ შენობაში მრავალფუნქციური კომპლექსის მშენებლობას 2019 წლის ბოლოს დაასრულებს. როგორც „კომერსანტს“ „თანაინვესტირების ფონდში“ განუცხადეს, ამ ეტაპზე კომპანიის მიერ ფართების გაქირავება-გაყიდვის პროცესი დაწყებული არ არის. რაც შეეხება შენობის ქვედა სართულზე რამდენიმე ფართის გაყიდვა-გაქირავებას, როგორც კომპანიაში აცხადებენ, ამ ფართების მფლობელები კერძო პირები არიან, ვინც ჯერ კიდევ „თანაინვესტირების ფონდის“ მიერ შენობის შეძენამდე...

,,ბლაუენშტაინ საქართველო“ რაჭაში ფერმერების დახმარების ახალ პროექტს იწყებს

,,ბლაუენშტაინ საქართველო“ რაჭაში ფერმერების დახმარების  ახალ პროექტს იწყებს
access_time2019-01-21 18:15:28
,,ბლაუენშტაინ საქართველო“ რაჭაში ფერმერების დახმარების ახალ პროექტს იწყებს. ამის შესახებ „კომერსანტს“კომპანიის დირექტორმა, თათია არაბიძემ განუცხადა. მისი განმარტებით, ,,ბლაუენშტაინ საქართველოში“ პარტნიორ ფერმერთა პროექტი გაზაფხულიდან განახლებული პირობებით გაგრძელდება და მასში ფერმერის თანამონაწილეობაც იგულისხმება. პროექტი გულისხმობს არსებული საქონლის ჯიშის გაუმჯობესებას და მასში ფერმერი დაახლოებით, 50%-იანი თანამონაწილეობით შევა,...


მსგავსი სიახლეები

up