რა ხდება ილიაუნის ბიზნესის სკოლაში? - ზედანიას და ქადაგიძის დებატები „რუსთავი 2“-ზე გაიმართება

რა ხდება ილიაუნის ბიზნესის სკოლაში? - ზედანიას და ქადაგიძის დებატები „რუსთავი 2“-ზე გაიმართება

access_time2019-02-05 00:28:24

ტელეკომპანია „რუსთავი 2“-ის გენერალურმა დირექტორმა ნიკა გვარამიამ ილიას სახელმწიფო უნივერსიტეტის რექტორი გიგა ზედანია და ილიაუნის ბიზნესის სკოლის ყოფილი დეკანი გიორგი ქადაგიძე გადაცემა „არჩევანში“ მიიწვია.


როგორც გვარამია სოციალურ ქსელ Facebook-ში წერს, ხვალინდელი „არჩევანი“ განათლების სისტემაში არსებულ გამოწვევებს მიეძღვნება.


„გადაცემა არჩევანი მიეძღვნება განათლებას. საინტერესო სტუმრებთან ერთად, გადაცემის წამყვანი გიორგი გაბუნია განიხილავს ეროვნული გამოცდების და განათლების სფეროში მიმდინარე სხვა მნიშვნელოვან თემებს. იმედია, განათლების სამინისტროდან ვინმე რელევანტური თანამდებობის პირიც დაგვდებს პატივს და აგვიხსნის, რას შვრებიან.


თუმცა, შექმნილი მდგომარეობიდან გამომდინარე, შეუძლებელია გვერდი ავუაროთ ილიას უნივერსიტეტის ბიზნეს სკოლის საკითხს. ღიად და საჯაროდ, დებატებზე გიწვევთ ორივე მხარეს - გიგა ზედანიას და გიორგი ქადაგიძეს; შესაძლებლად არ განვიხილავთ თქვენი “შემცვლელების” თუ პოზიციის გამომხატველების გამოგზავნას. ან მოდიხართ პირადად, ან დებატებზე უარს ამბობთ. გაძლევთ შესაძლებლობას, საჯაროდ აგვიხსნათ, რა ხდება, სადაა სიმართლე და ვისი პოზიციაა სწორი. დებატებზე არ მოსვლა უკიდურესად უცნაური იქნება და საკითხის საჯაროდ განხილვაზე უარად განიხილება. თუმცა, არ მოსვლაც პასუხია და თუ რა პასუხი, მაყურებელი გადაწყვეტს. ერთერთი მხარის არ მოსვლის შემთხვევაში, მოსულ მხარეს დაეთმობა დრო საკუთარი პოზიციის ჩამოსაყალიბებლად. მეორე მხარის პრეტენზია ცალმხრივობაზე, ცხადია, აღარ მიიღება. გმადლობთ ყურადღებისათვის და გელოდებით ხვალ, რ2-ზე, „არჩევანში“ 22:00 საათზე“, - წერს გვარამია.


არხის გენერალური დირექტორის facebook პოსტს უკვე გამოეხმაურა გიორგი ქადაგიძე; ის მზადაა, „არჩევანში“ მიიღოს მონაწილეობა.
„აქვე ვადასტურებ მზადყოფნას. ასევე მადლობა ამ შესაძლებლობისთვის - განვიხილოთ არსებული რთული გამოწვევები“, - დაწერა ილიაუნის ბიზნესის სკოლის ყოფილმა დეკანმა.


გვარამიას მოწვევა მიიღო ზედანიამაც.



"არ არის პრობლემა, მოვალ გადაცემაში. მიუხედავად იმისა, რომ უკიდურესად გაკვირვებული ვარ გუშინდელი PS-ის იმ სიუჟეტის სტანდარტით, რომელიც მეც მეხებოდა", - სოციალური ქსელიდანვე უპასუხა ზედანიამ ნიკა გვარამიას.


ცნობისთვის: ილიაუნის ბიზნესის სკოლის ყოფილი დეკანი გიორგი ქადაგიძე უნივერსიტეტის ადმინისტრაციას გამოცხადებული რეორგანიზაციის პროცესის შეჩერებისკენ მოუწოდებს, რისთვისაც 24 საათს აძლევს.


გიორგი ქადაგიძემ სტუდენტებთან ერთად ილიაუნის ადმინისტრაციას რამდენიმე მოთხოვნა წაუყენა.


რეორგანიზაციასთან ერთად ყოფილი დეკანი ითხოვს, არჩევნების ხელახლა ჩატარებას და ბიზნესის სკოლის წარმომადგენლობით ორგანოების ისეთი კადრებით დაკომპლექტებას, რომლებიც უნივერსიტეტზე ამ მიმართულებით იმუშავებენ.


მის მოთხოვნებში ასევე შედის, რომ უნივერსიტეტის ფინანსები იყოს გამჭვირვალე.


ქადაგიძის თქმით, დაახლოებით, 15 მილიონი ლარიდან, რომელიც არის ბიზნესის სკოლის შემოსავალი, ბიზნესის სკოლაზე მაქსიმუმ 3 მილიონი ლარი იხარჯება, რაც იმას ნიშნავს რომ ყოველწლიურად 10 მილიონზე მეტი თანხის სხვა მიზნებისთვის ხარჯვა ხდება.


„ვითხოვთ გაუქმებას იმ ფარსი რეორგანიზაციის, რომელიც შემოგვთავაზა ცენტრალურმა ადმინისტრაციამ; ვითხოვთ, არჩევნების თავიდან ჩატარებას, რომ ბიზნესის სკოლის წარმომდგენლობითი ორგანოები დაკომპლექტდეს იმ ხალხით, რომლებიც რეალურად დაიცავს ბიზნეს სკოლის ინტერესებს და რაც მთავარია, ამ პროცესებში აუცილებლად უნდა იყვნენ ჩართულები კერძო სექტორის წარმომადგენლები - დამსაქმებლებისგან შემდგარი მრჩეველთა საბჭო; მე არ მინდა ულტიმატუმების და შანტაჟის ენით ლაპარაკი; მე მინდა, განხორციელდეს რეფორმები, რომელიც დადებს შედეგს“, - აცხადებს გიორგი ქადაგიძე.


რაც შეეხება იმას, რა იქნება იმ შემთხვევაში, თუ ილიაუნის ადმინისტრაცია გიორგი ქადაგიძის და სტუდენტების ნაწილის მოთხოვნებს 24 საათის განმავლობაში არ დააკმაყოფილებს, ქადაგიძე ამ მიმართულებით სამომავლო აქტივობებს არ აკონკრეტებს.


გიორგი ქადაგიძესთან ერთად სტუდენტებთან შეხვედრას ილიას უნივერსიტეტის ბიზნესის სკოლის ხარისხის უზრუნველყოფის სამსახურის ყოფილი უფროსი გიორგი პაპავაც ესწრებოდა.


bm.ge





„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი გასაუქმებელია“

„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი  გასაუქმებელია“
access_time2019-11-11 18:23:03
პარლამენტის დამოუკიდებელი დეპუტატი ლევან კობერიძე სოციალურ ქსელ „ფეისბუქში“ სტატუსს აქვეყნებს, რომელსაც „კომერსანტი“ უცვლელად გთავაზობთ: „ბიზნესომბუდსმენის აპარატი არის გასაუქმებელი - ეს არის ზედმეტი ხარჯი ქვეყნის ბიუჯეტისთვის და “ხელისუფლებასთან საქმის დალაგების” არსის მატარებელი სტრუქტურა - სიმართლე არის ეს! - თუ ქვეყანაში იქნება სამართლიანი, ღია, კონკურენტული გარემო და გამჭვირვალე ეფექტიანი ბიუროკრატია, ბიზნესომბუდსმენები საჭირო არიან - ამის...

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი
access_time2019-11-11 19:30:30
“რუსული ემბარგოსგან გამოწვეული კრიზისი სამწუხაროდ კახეთში ვიგრძენით ძალიან მწვავედ”, აცხადებს Hotel Collection International-ის რეგიონალური ოფისის ხელმძღვანელი ქეთი მიქაშავიძე. თუმცა მისივე განმარტებით, ალტერნატიული ბაზრების ჩანაცვლებით სექტორმა გარკვეულწილად დანაკარგის მეტნაკლები დაბალანსება მოახერხა. „წლევანდელ სეზონთან დაკავშირებით მოლოდინი გვქონდა განსაკუთრებული, სხვადასხვა რეგიონში ველოდით უკეთეს შედეგებს ვიდრე სამწუხაროდ მივიღეთ. კახეთში მომუშავე...

„შეზღუდული მანდატის მიუხედავად, ლექვინაძე მხარეებისთვის სათქმელის სწორად მიწოდებას ახერხებდა“- ბიზნესის შეფასება

„შეზღუდული მანდატის მიუხედავად, ლექვინაძე  მხარეებისთვის სათქმელის სწორად მიწოდებას ახერხებდა“- ბიზნესის შეფასება
access_time2019-11-11 18:30:31
„ბატონ ირაკლი ლექვინაძესთან ყველა საკითხი, რომელიც ჩვენ გვინდოდა მიგვეტანა მივიტანეთ და მან კარგი კომუნიკატორისა და შუამავლის როლი შეასრულა.“ - ასე აფასებს კომპანია „ნატახტარის“კორპორაციულ საქმეთა დირექტორი ნიკიოლოზ ხუნძაკიშვილი ბიზნესობუდსმენის ირაკლი ლექვინაძის განვლილ საქმიანობას ბიზნესომბუდსმენის პოსტზე. როგორც ცნობილია, ირაკლი ლექვინაძემ და მისმა მოადგილემ ლევან...

ილონ მასკი: მთავარი ინჟნერიც რიგითი მუშა უნდა იყოს

ილონ მასკი: მთავარი ინჟნერიც რიგითი მუშა უნდა იყოს
access_time2019-11-11 20:30:20
SpaceX და Tesla-ს დამაარსებელი ილონ მასკი სან-ფრანცისკოში  კოსმოსური სტარტაპების გამოფენაზე   სიტყვით  გამოვიდა. ღონისძიების ორგანიზატორი აშშ-ს სამხედრო -საჰაერო ძალები და კოსმოსურ ინდუსტრიაში მომუშავე კონსალტინგური კომპანია Starburst Aerospace იყო . გამოფენაში მონაწილეობა  75-მა კოსმოსურმა სტარტაპმა მიიღო , რომელმაც ა თავისი პროდუქცია საინვესტიციო ფონდებს და სამხედროებს...

#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა

#იმოგზაურევისოლთანერთად  - საქართველოს დაცულ ტერიტორიებზე მედია-ტური გაიმართა
access_time2019-11-11 15:00:01
„ვისოლ ჯგუფის“ და გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს ორგანიზებით, საქართველოს დაცულ ტერიტორიებზე მედია-ტური გაიმართა. ტურში მონაწილეობა საქართველოში მოქმედი მედია-საშუალებების წარმომადგენლებმა, ბლოგერებმა და ინფლუენსერებმა მიიღეს. მედია-ტური ოთხივე სეზონზე საქართველოში შიდა ტურიზმის ხელშეწყობას და დაცული ტერიტორიების სააგენტოს და „ვისოლ ჯგუფის“ ერთობლივი პროექტის #იმოგზაურევისოლთანერთად ახალი ეტაპის ფარგლებში დაგეგმილი სოციალური მედია გათამაშების...


მსგავსი სიახლეები

up