რა წესები უნდა დაიცვან WIZZ AIR-ის მგზავრებმა - კომპანიის განმარტება

რა წესები უნდა დაიცვან WIZZ AIR-ის მგზავრებმა - კომპანიის განმარტება

access_time2021-04-25 16:00:00

Wizz Air-მა ქუთაისის საერთაშორისო აეროპორტიდან ფრენები უკვე განაახლა. პირველი რეისი 17 აპრილს ვილნიუსის მიმართულებით შესრულდა, 18 აპრილიდან კი აღდგა რეგულარული საერთაშორისო ავიარეისები ვარშავის მიმართულებითაც. მაისიდან აღდგება ასევე დორტმუნდისა და რიგის მიმართულებები.


დაბალბიუჯეტური ავიაკომპანიის კორპორაციული კომუნიკაციების ხელმძღვანელი, ანდრაშ რადო „ბიზნესპარტნიორთან“ იმ დეტალებს განმარტავს, რომლებიც მგზავრებმა Wizz Air-ის ბორტზე ასვლამდე უნდა გაითვალისწინონ.


„მგზავრებმა უნდა დაიცვან ყველა ის აუცილებელი მოთხოვნა, რომელიც ვიზეარმა 2020 წელს დააწესა. მათ მთელი მგზავრობის მანძილზე უნდა ეკეთოთ პირბადე. არავითარი შარფი, ან რაიმე სხვა დამცავი, დაშვებულია მხოლოდ პირბადე. პირბადეებითა და ხელთათმანებით არიან აღჭურვილი ეკიპაჟის წევრებიც. ასევე, უმჯობესია ბორტზე ბარათით გადახდა და არა ნაღდი ფულით. მთავარი მაინც ის არის, რომ მოგზაურობამდე მგზავრებმა ზუსტად იცოდნენ უცხო ქვეყნის ყველა ის მოთხოვნა, რომელიც ადგილზე ჩაფრენის დროს დახვდებათ.


ყველა მგზავრს შევამოწმებთ ბორტზე ასვლამდე. აქვთ თუ არა ყველა ის მოთხოვნილი დოკუმენტი, რომელიც ამა თუ იმ ქვეყანაში შესასვლელად სჭირდებათ. იქნება ეს კორონავირუსის ნეგატიური პასუხის დამადასტურებელი საბუთი, თუ სხვა რამ. ვთხოვ ყველა მგზავრს, გადაამოწმონ ყველა განახლებადი ინფორმაცია, რომელიც იმ 4 ქვეყანას უკავშირდება, სადაც ვიფრენთ, რადგან ესა თუ ის შეზღუდვა ძალიან ხშირად იცვლება. გამგზავრებამდე ყველაფერი კარგად გადაამოწმეთ. წინააღმდეგ შემთხვევაში, სამწუხაროდ, ბორტზე ვერ აგიშვებთ“,- მიმართავს რადო მგზავრებს.



იმ 4 ქვეყანაში, სადაც Wizz Air ამ ეტაპზე იფრენს, ვაქცინაციის დამადასტურებელი პასპორტები ჯერ-ჯერობით საჭირო არ არის, თუმცა მოთხოვნებია სხვა სახის დოკუმენტებზე.


„როგორც ვიცი, ამ ეტაპზე ამ დოკუმენტის ქონა აუცილებელი არაა, მაგრამ დარწმუნებული ვარ, იქნება სხვა სახის დოკუმენტები საჭირო, რომელიც დაადასტურებს, რომ მოგზაური არ არის ინფიცირებული. არა მხოლოდ მომდევნო თვეებში, არამედ ეს საჭირო იქნება მომდევნო წლებშიც. ვიმედოვნებთ, ამ საკითხზე გარკვეული საერთაშორისო შეთანხმება იქნება“,- განმარტავს ავიაკომპანიის წარმომადგენელი.


როგორც ირკვევა, შეზღუდვა მოხსნილია ერთი სკამის გამოტოვებით დასხდომის შესახებაც. ავიაკომპანია ელის, რომ ბორტზე ყველა ადგილი შეივსება.


„აქვე უნდა გითხრათ, რომ ბორტზე ვენტილაციის სისტემა ძალიან თანამედროვეა. ჰაერის ნაკადი ზევიდან ქვევით მოძრაობს. შესაბამისად, ის 1 საათის განმავლობაში 20-ჯერ იცვლება. ავიაკომპანიებზეა დამოკიდებული, ერთი სკამის გამოტოვებით იფრენენ, თუ არა. მაგრამ ჩვენი პროტოკოლები, რომელიც 2020 წელს შევადგინეთ საკმაოდ ძლიერია და უსაფრთხოების ყველანაირ მოთხოვნას აკმაყოფილებს“,- აღნიშნავს ანდრაშ რადო.



business-partner.ge

თეგები:
WIZZ AIR



საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up