რა ვითარებაა თურქეთში მძიმე ღამის შემდეგ - ხელისუფლება სიტუაციას აკონტროლებს, კურორტებზე სიმშვიდეა

რა ვითარებაა თურქეთში მძიმე ღამის შემდეგ - ხელისუფლება სიტუაციას აკონტროლებს, კურორტებზე სიმშვიდეა

access_time2016-07-16 10:12:01

ბოლო ინფორმაციით, თურქეთში სამხედრო გადატრიალების მცდელობას სულ მცირე 60 ადამიანი ემსხვრპლა. მათ შორის 42 ანკარაში დაიღუპა. ამის შესახებ დღეს გამოცემა Habertürk-ი დედაქალაქის პროკურატურაზე დაყრდნობით იუწყება.


მანამდე გავრცელდა ინფორმაცია, რომ ანკარაში გელბაშის რაიონში სამართალდამცავი ორგანოების 17 თანამშრომელი მოკლეს. კიდევ 15 ადამიანი ნაღმის აფეთქებას ემსხვერპლა, რომელიც პარლამენტის შენობას ესროლეს.


15 ივნისის საღამოს თურქეთის პრემიერმინისტრმა ბინალი ილდირიმმა ქვეყანაში სამხედრო გადატრიალების მცდელობის შესახებ განაცხადა. მალევე ამბოხებულებმა ქვეყანაში სამხედრო მდგომარეობა და კომენდანტის საათი გამოაცხადეს. ანკარასა და სტამბოლში ტანკები გამოჩნდნენ, სამხედრო მანქანებმა პარლამენტის შენობას ალყა შემოარტყეს და ცეცხლი გახსნეს.


სახელმწიფო ტელევიზიამ მაუწყებლობა შეწყვიტა, ათათურქის სახელობის აეროპორტი დაიხურა, ინტერნეტში კი ვრცელდებოდა სტამბოლისკენ მიმავალი ტანკების კადრები. 


დემოკრატიის დაცვა - სწორედ ამით ახსნეს სამხედროებმა ტელეეთერით გამოსვლისას საკუთარი ქმედებების მოტივები. მათი თქმით ერდოღანის დროს ქვეყანაში ავტორიტარიზმი გამეფდა, ადამიანის უფლებები რეგულარულად ირღვევა, ზოგადად ქვეყანა კი სულ უფრო ნაკლებად გავს სამოქალაქო სახელმწიფოს.


ღამის ორ საათზე ქვეყნის ნაციონალურმა სადაზვერვო ორგანიზაციამ განაცხადა, რომ თურქეთში სახელმწიფო გადატრიალება აღკვეთილია. სტამბოლში სამხედრო გადატრიალების 104 მონაწილე დააპატიმრეს.



თურქეთის ხელისუფლებამ განაცხადა, რომ პრეზიდენტის ერთგულმა ჯარებმა პრაქტიკულად მთლიანად აიღეს საკუთარი კონტროლის ქვეშ გენერალური შტაბის შენობა, რომელიც ამბოხებულბს ჰქონდათ დაკავებული.


მომხდარის შეფასებას „კომერსანტთან“ თურქეთმცოდნე ზაზა წურწუმია აკეთებს. მისი თქმით, ერდოღანის მხარდამჭერებმა არმიას არ მისცეს  მოქმედების საშუალება, რაც  ჰგავდა მოსკოვში  1991 წლის აგვისტოში მომხდარ პუტჩს.

 

მისი თქმით, სწორედ ეს ფაქტორი იყო გადატრიალების წარუმატებლობის ერთერთი მთავარი მიზეზი.


„მეორე მიზეზია ის, რომ ამბოხებულებმა პრეზიდენტის დაპატიმრება და გაუვნებელყოფა ვერ მოასწრეს. ერდოღანმა მოახერხა სტამბოლში ჩამოსვლა და პირდაპირი ეთერით მიმართა ხალხს  მხარდაჭერების ქუჩაში გამოსვლის მოწოდებით,“ - აცხადებს წურწუმია.


მისი ინფორმაციით, ამჟამად აეროპორტები და ზოგადად სატრანსპორტო მოძრაობა თურქეთში აღდგენილია და სიტუაცია ხელისუფლების კონტროლს ექვემდებარება.


რაც შეეხება მომხდარის გავლენას ეკონომიკაზე, ზაზა  წურწუმია ამბობს, რომ ეკონომიკაზე სამხედრო გადატრიალების მცდელობა გავლენას არ მოახდენს, რამდენადაც ხელისუფლებამ დროზე შეძლო მისი ლიკვადაცია და ზიანი არ მიყენებია არცერთ მნიშვნელოვან სავაჭრო-სამრეწველო თუ ფინანსურ ობიექტსა თუ ინფრასტრუქტურას.


რაც შეეხება თურქულ კურორტებს, როგორც იქ მყოფი ადამიანები სოციალური ქსელის საშუალებით წერენ,  კურორტებზე სიმშვიდეა და მხოლოდ სასტუმროების პერიმეტრს მიღმა გასვლა აქვთ დროებით შეზღუდული, რაც სასტუმროებისს მენეჯმენტის მხრიდან უსაფრთხოების ზომების გაძლიერებას უკავშირდება.


დამსვენებელთა ნაწილი, რომელიც ამ დღეებში აპირებდა თურქეთში გამგზავრებას, ამბობს, რომ შესაძლოა ტური ეგვიპტეზე გაცვალონ თუმცა უმრავლესობა გეგმების შეცვლას არ აპირებს.


როგორც უკვე ცნობილია, პრემიერმა გიორგი კვირიკაშვილმა საქართველოს მოქალაქეებს განცხადებით მიმართა და მოუწოდა თავი შეიკაონ  თურქეთის მიმართულებით გადაადგილებისგან.

 



ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება

ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება
access_time2020-03-28 10:00:07
ლიბერთი ბანკმა, რამდენიმე დღის წინ (21 მარტს), საკუთარი...

დონალდ ტრამპმა ქვეყნის ისტორიაში ყველაზე მასშტაბური ეკონომიკის სტიმულირების კანონს ხელი მოაწერა

დონალდ ტრამპმა ქვეყნის ისტორიაში ყველაზე მასშტაბური ეკონომიკის სტიმულირების კანონს ხელი მოაწერა
access_time2020-03-28 10:02:04
ამერიკის შეერთებული შტატების პრეზიდენტმა ქვეყნის ისტორიაში ყველაზე მასშტაბური ეკონომიკის...

3 თვეც რომ გაჩერდნენ საწარმოები, დეფიციტი არ შეგვექმნება - რა გავლენას მოახდენს ქართულ იმპორტზე რუსეთის ერთკვირიანი შესვენება

3 თვეც რომ გაჩერდნენ საწარმოები, დეფიციტი არ შეგვექმნება - რა გავლენას მოახდენს ქართულ იმპორტზე რუსეთის ერთკვირიანი შესვენება
access_time2020-03-28 11:30:52
დღეიდან, რუსეთში ერთთკვირიანი არასამუშაო პერიოდი დაიწყო. როგორც რუსეთის ფედერაციის პრეზიდენტმა ვლადიმერ პუტინმა განმარტა,  ჯანდაცვასთან დაკავშირებული სტრუქტურები მუშაობას ჩვეულებრივ აგრძელებენ, როგორებიცაა სამედიცინო დაწესებულებები, აფთიაქები, მაღაზიები, ასევე საბანკო სერვისცენტრები, ტრანსპორტი. შესაბამისად, შეჩერდება საწარმოებისა და ქარხნების მუშაობაც. რა გავლენას მოახდენს ქართულ იმპორტზე რუსეთის ერთკვირიანი შესვენება...

„კორონავირუსი ფსიქოლოგიური ზემოქმედების იარაღია და მასების გამოთაყვანებაზეა მიმართული“-ზურაბ გურული

„კორონავირუსი ფსიქოლოგიური ზემოქმედების იარაღია და მასების გამოთაყვანებაზეა მიმართული“-ზურაბ გურული
access_time2020-03-27 19:30:50
აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, მისისიპის უნივერსიტეტის პროფესორი ზურაბ გურული სოციალურ ქსელ  facebook-ში სტატუსს აქვეყნებს, რომელსაც „კომერსანტი“ უცვლელად გთავაზობთ: „დასავლური მედიცინის ყოვლისშემძლეობის მითი დაანგრიაო კორონამ. სინამდვილეში ხდება ეს: დასავლური,...

დღის Top-10 საინტერესო ამბავი

დღის Top-10 საინტერესო ამბავი
access_time2020-03-27 21:30:07
დღის Top-10 საინტერესო ამბავი 1.დაკეტილი საზღვრები, გაუფასურებული ლარი და მიმწოდებლების მხრიდან მოთხოვნილი ნაღდი ფული - როგორ მიმდინარეობს ინფრასტრუქტურული პროექტები საგანგებო მდგომარეობის მიუხედავად ინფრასტრუქტურული პროექტების განხორციელება საქართველოში ამ...


მსგავსი სიახლეები

up