მარნეულსა და ბოლნისში დღის მეორე ნახევარიდან სადეზინფექციო სამუშაოები აქტიურად მიმდინარეობს.

მარნეულში პირველ რიგში სპეციალური სადეზინფექციო ხსნარით დაამუშავეს ის ადგილი, სადაც კორონავირუსით ინფიცირებული 62 წლის ქალი ცხოვრობს. სადეზინფექციო სამუშაოები ასევე აღნიშნული მუნიციპალიტეტების სხვა სოფლებშიც განხორციელდა. ორივე მუნიციპალიტეტში სულ 8 სპეცტექნიკა მუშაობს და დამატებით კიდევ ელოდებიან სპეცტექნიკის შეყვანას. სადეზინფექციო პრეპარატი კი, რომლითაც მუშავდება ქუჩები და კარ-მიდამოები, ადამიანის ჯანმრთელობისთვის უსაფრთხოა და მისი გამოყენება დაავადებათა კონტროლის ცენტრთანაა შეთანხმებული.

ამასთან, მარნეულისა დ ბოლნისის დამაკავშირებელ გზაზე დამატებით საგუშგოა მოწყობილი, სადაც მკაცრად კონტროლდება ყველა ის ადამიანი, რომელთაც ამ მუნიციპალიტეტებში გადაადგილების სურვილი აქვთ. შედეგად, თავდაცვის სამინისტროს ძალებმა და სამართალდამცველებმა ერთობლივი პატრულირების შედეგად საეჭვო სიმპტომების მქონე ერთი ადამიანი აღმოაჩინეს, რომელიც დაუყოვნებლივ საავადმყოფოში გადაიყვანეს. მას კორონავირუსზე ტესტირება ჩაუტარდება.

ასევე, მეორე დღეა ექიმები კარდაკარ დადიან და მოქალაქეებს ტემპერატურას უზომავენ. არსებული მონაცემებით, 20 ათასზე მეტი პირი შემოწმდა და მათგან 40-ს ტემპერატურა აღენიშნებოდა. ეს ადამიანები პრევენციის მიზნით ასევე სავადმყოფოებში გადაიყვანეს. მათ შორის საველე ჰოსპიტალსა და "ჯეოჰოსპიტალსის“ კლინიკაში, სადაც მკურნალობას გააგრძელებენ. მათგან ორს კი საეჭვო სიმპტომების გამო კორონავირუსზე ტესტირება ჩაუტარდება.

ასევე, კიდევ უფრო გამკაცრდა კონტროლი ე.წ. საგუშგოებთან, სადაც დამატებით ბეტონის ფილები და მავთულხლართები მიიტანეს. ადგილზე სამართალდამცველები რჩებიან და სიტუაციას აკონტროლებენ. მკაცრად გაკონტროლდება ავტომანქანების გატარება. თავდაცვის სამინისტროს წარმომადგენელთა განცხადებით, სპეციალური საშვთა სისტემა ამოქმედდება. კერძოდ, იმ ავტომობილების მძღოლებს, რომლებსაც აღნიშნულ მუნიციპალიტეტებს შორის სასიცოცხლოდ აუცილებელი პროდუქტები და მედიკამენტები გადააქვთ, სპეციალური საშვები დაურიგდბათ.

საკარანტინო ზონაში ყველა შესაბამისი უწყება საგანგებო ჟიმში მუშაობს. კერძოდ, ექიმები, შინაგან საქმეთა და თავდაცვის სამინისტროს წარმომადგენლები, სახელმწიფო უსაფრთხოების სამსახურის თანამშრომლები. კვლავ აქტიურად მიმდინარობს საინფორმაციო კამპანია, რათა მოსახლეობას კორონავირუსის შესახებ სრულად იყოს ინფრმირებული.