საზოგადოების დიდი ნაწილი მიიჩნევს, რომ სიგარეტის უარყოფით ზეგავლენას ნიკოტინი განაპირობებს. თუმცა, ეს ასე არ არის. თამბაქოს წვის დროს გამოთავისუფლდება 6000-ზე მეტი ქიმიური ნივთიერება, რომელთაგან 250 დაავადების გამომწვევ მიზეზად სახელდება.

მართალია, ნიკოტინი თამბაქოს მოხმარებასთან დაკავშირებული დაავადებების გამომწვევ ძირითად მიზეზს არ წარმოადგენს, თუმცა ის არ არის სრულიად უსაფრთხო, რადგან იწვევს დამოკიდებულებას და გააჩნია ისეთი ფარმაკოლოგიური თვისებები, როგორებიც არის გულისცემის გახშირება და წნევის მატება.

ნიკოტინზე დამოკიდებულების გამო მწეველთა დიდი ნაწილი ვერ ან არ ანებებს თავს მოწევას. სწორედ ამიტომ, თამბაქოს მომხმარებელთა ორგანიზმზე განხორციელებული ზიანის შემცირების მიზნით შეიქმნა თამბაქოს ალტერნატიული მოწყობილობები, რომლებიც არ იყენებენ წვას, არამედ იყენებენ გახურების ტექნოლოგიას. შესაბამისად, ისინი კვამლის ნაცვლად წარმოქმნიან აეროზოლს და ამცირებენ მოწევის შედეგად ორგანიზმზე განხორციელებულ უარყოფით ზეგავლენას.

თამბაქოს ალტერნატიული მოწყობილობები შესაძლებლობას აძლევს მწეველს, მიიღოს ნიკოტინის სასურველი დონე და შეამციროს ორგანიზმისთვის მიყენებული ზიანი.

ნიშნავს კი ეს, რომ თამბაქოს ალტერნატიული მოწყობილობები სრულიად უსაფრთხოა? არა. თუმცა, თამბაქოს გასახურებელი მოწყობილობები, ტრადიციულ სიგარეტთან შედარებით, უკეთეს არჩევანს წარმოადგენს.

(R)