„რა უფლება გვაქვს თანამშრომლების კუთვილი თანხა ჩვენ გავაჩეროთ? “-ბიზნესი საპენსიო სააგენტოდან დაბრუნებულ თანხებზე

„რა უფლება გვაქვს თანამშრომლების კუთვილი თანხა ჩვენ გავაჩეროთ? “-ბიზნესი საპენსიო სააგენტოდან დაბრუნებულ თანხებზე

access_time2019-07-05 10:00:34


საპენსიო სააგენტოს ინფორმაციით, დღეს საპენსიო ფონდში დარეგისტრირებულია 828 000-ზე მეტი მოქალაქე და აკუმულირებულია 265 მილიონამდე ლარი. თუმცა, უკვე ჩაირთო მეორე ეტაპი - 40 წელს გადაცილებულ დასაქმებულებს შეუძლიათ საპენსიო სისტემას გამოეთიშინ და დაგროვილი თანხაც უკან დაიბრუნონ. საპენსიო სააგენტოს ინფორმაციით, გასვლაზე განცხადება  13-მა პროცენტმა უკვე დაწერა.


„კომერსანტის“ ინფორმაციით, თბილისის მერიაში საპენსიო ანარიცხების დაბრუნება გრაფიკის მიხედვით ხდება, რაც თანამშრომლებში ერთგვარ უკმაყოფილებას იწვევს. მანამდე, სანამ თბილისის მუნიციპალიტეტში აღნიშნულ ინფორმაციას ამოწმებენ და ოფიციალურ კომენტარს გააკეთებენ, „კომერსანტი“  დაინტერესდა, როგორც ხდება ბიზნეს სექტორში საპენსიო სისტემდან გასვლის შემდეგ თანხის დაბრუნება, რა სქემით და არის თუ არა კონკრეტული კომპანიისთვის საპენსიო ანარიცხების უკან დაბრუნება წნეხი?


ბიზნესმენი, კომპანია „დიოს“ მმართველი პარტნიორი თამაზ დაუშვილი „კომერსანტთან“  აცხადებს, რომ საპენსიო დანარიცხების უკან დაბრუნება გრაფიკის გარეშე, ერთბაშად ხდება. მისი განმარტებით, კომპანიას არანაირი პრობლემა არ აქვს, რადგან „დიოს“ საპენსიო სააგენტოსგან  უკან გადმორიცხულ თანხებს სხვა მიზნით არ იყენებს.


„რაც კომპანიის წილია ჩვენ ვიტოვებთ, რაც თანამშრომლებისაა, მათ უახლოეს ხელფასთან ერთად ვუბრუნებთ,“-აცხადებს დაუშვილი.


კითხვაზე, 40 წელს გადაცილებულმა „დიოს“ რამდენმა თანამშრომელმა დატოვა საპენსიო სისტემა, დაუშვილი განმარტავს, რომ მათი წილი დაახლოებით 90%-ს შეადგენს.


მიზეზი, რის გამოც „დიოს“ თანამშრომლებმა საპენსიო სისტემა დატოვეს, ლარის კურსის მიმართ უნდობლობა იყო. დაუშვილის განმარტებით, საერთოდ რთული განსასაზღვრია დღეს არსებული ფულის ღირებულება  მომავალში რა იქნება.




„როგორც ჩანს, ადამიანებმა ამჯობინეს დღევანდელი კვერცხი, ხვალინდელ ქათამს. მარტივი არჩევანის წინაშე დავდექით. მთავრობამ რომ ასეთი მნიშვნელოვანი რეფორმა განახორციელოს, ძალიან დიდი ნდობა უნდა ჰქონდეს და ავტორიტეტი. შესაბამისად, ბოლო პერიოდში არსებული სიტუაცია, არასტაბილურობა თუნდაც ლარის  კურსის მიმართ, ადამიანებს უქმნის შეგრძნებას, რომ ფული თავად მათთან იყოს და მათვე დააგროვონ, ან უბრალოდ დღევანდელი საჭიროებებისთვის გამოიყენონ. ეს რომ იყოს დოლარი ან ევრო, კიდევ შეიძლება გარკვეული გეგმები შეადგინოს დასაქმებულმა. ლარზე ვერაფერს ვერ განსაზღვრავ. ლარი რომ იგივე ტემპით გაუფასურდეს, როგორც აქამდე უფასურდებოდა და 20 წლის შემდეგ ლარის კურსი დოლართან იყოს ერთი ათთან, ჩვენი დაგროვილი თანხა მნიშვნელოვნად გაუფასურებული იქნება. სხვანაირად ფიქრისა და ანალიზის საშუალებას არ იძლევა ეკონომიკის დღევანდელი მდგომარეობა,“-აღნიშნავს დაუშვილი.



მისივე განცხადებით, ვიდრე არ მოწესრიგდება ლარის კურსის საკითხი და არ მიებმება რომელიმე მყარ ვალუტას, შეგრძნება სტაბილურობის არ იქნება და არავინ თავის ფულს ლარში არ დააგროვებს. როგორც დაუშვილი აცხადებს, დღეს ლარს დაგროვებითი ფუნქცია დაკარგულო აქვს. 

კომპანია „ვისოლ ჯგუფის“ დამფუძნებელი სოსო ფხაკაძე „კომერსანტთან“ აცხადებს, რომ  40 წელს გადაცილებულმა  ადამიანების გარკვეულმა ნაწილმა  „ვისოლში“  საპენშიო  სისტემა დატოვეს, თუმცა, მათთვის ფულის დაბრუნება (კუთვნილი2%-ის) მაქსიმალურად სწრაფ რეჟიმში ხდება.


„ჩვენ ერთი წამი არ ვაჩერებთ მათ ფულს. რა უფლება გვაქვს თანამშრომლების კუთვილი თანხა ჩვენ გავაჩეროთ? არც არანაირი ტვირთი არ არის ეს კომპანიისთვის,“— აცხადებს სოსო ფხაკაძე.

 

კომპანია „ნატახტარის“კორპორატიულ საქმეთა დირექტორი ნიკოლოზ ხუნძაკიშვილი აცხადებს, რომ  40 წელს გადაცილებული თანამშრომლების გარკვეულმა რაოდენობამ საპენსიო სისტემა დატოვა, თუმცა, მათი წილი თანხის დაბრუნება იმ წუთში ხდება, რა წუთშიც საპენსიო სააგენტო კომპანიას გადმოურიცხავს.

 

მისი განმარტებით, კომპანიისთვის ამ თანხის სწრფად დაბრუნება არანაირად ტვირთს არ წარმოადგენს.

 

 საყოფაცხოვრებო მაღაზიათა ქსელი „ტექნო ბუმის“ დამფუძნებელის, ანზორ ქოქოლაძის ინფორმაციით, საპენსიო სისტემა მისი კომპანიის არცერთ თანამშრომელს არ დაუტოვებია. თუმცა, ზოგადად, ის თანხა რომლის დაბრუნებაც  კომპანიებს უწევთ, ბიზნესისთვის ტვირთს ნამდვილად არ წარმოადგენს.



2019 წლის დასაწყისიდან საქართველოში დაგროვებითი საპენსიო სისტემა ამოქმედდა. რეფორმის ფარგლებში პენსიის დაგროვება სავალდებულო გახდა 40 წლამდე ასაკის დასაქმებულებისთვის, ხოლო 40 წელს გადაცილებულთათვის სისტემაში ჩართვა ნებაყოფლობითია — მათ უკვე აქვთ არჩევანის უფლება - დარჩენენ ან გავიდენენ დაგროვებითი საპენსიო სისტემიდან. ყოველთვიურად დასაქმებულის ხელფასის 6% გადაირიცხება საპენსიო ფონდში, თუმცა მოქალაქეს მხოლოდ 2%-ის გაღება უწევს - 2-2%-ს დამსაქმებელი და სახელმწიფო რიცხავენ.

 

სოფო ქსოვრელი  






ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები

ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები
access_time2020-08-10 19:00:43
6 აგვისტოს უეფას ორგანიზებით მორიგი ვიდეო კონფერენცია გაიმართა, რომელშიც ევროპული ფეხბურთის მმართველი ორგანოს წევრი ასოციაციების გენერალური მდივნები მონაწილეობდნენ. აღნიშნულის თაობაზე ინფორმაციას საქართველოს ფეხბურთის ფედერაციის პრეს-სამსახური ავრცელებს. შეხვედრაზე უეფას ეგიდით გასამართ უახლოეს საკლუბო და სანაკრებო მატჩებზე იმსჯელეს. გადაწყდა, რომ ევროპა ლიგის ოთხივე ეტაპზე და ჩემპიონთა ლიგის სამ ეტაპზე მატჩები მაყურებლის გარეშე გაიმართება, ჩემპიონთა ლიგის პლეი-ოფის...

დონალდ ტრამპმა ამერიკელებს TikTok-ით სარგებლობა აუკრძალა

დონალდ ტრამპმა ამერიკელებს TikTok-ით სარგებლობა აუკრძალა
access_time2020-08-10 20:00:57
აშშ-ს პრეზიდენტმა დონალდ ტრამპმა ამერიკელებს ჩინური კომპანიების ByteDance და Tencent-ის სერვისებით ყოველგვარი სარგებლობა აუკრძალა - მათ შორისაა მოკლე ვიდეოჩანაწერების სერვისიTikTok და მესენჯერი WeChat. აკრძალვის ქვეშ ყველა გარიგება მოხვდება, მათ შორის მოლაპარაკებები წილების შეძენასთან დაკავშირებითაც. ტრამპის ბრძანებულება ძალაში 20 სექტემბერს შევა. გადაწყვეტილებას წინ პრეზიდენტის მუქარები უძღოდა. შემდეგ, 6 აგვისტოს, აშშ-ს სახელმწიფო მდივანმა...

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება
access_time2020-08-10 18:00:32
კორონავირუსის პანდემიის გამო, საზღვრების ჩაკეტვამ და ფრენების გადადებამ, ტურიზმზე დამოკიდებული კომპანიების შეჩერება გამოიწვია. ერთ-ერთი ასეთი, მთაში მოგზაურობის და თავგადასავლების სააგენტო Mountain Freak-ია, რომელიც მსოფლიოს სხვადასხვა ქვეყნიდან ჩამოსულ სტუმარს ალპინისტურ, სალაშქრო, „ტრეკინგ“ თუ კულტურულ -ფოლკროლურ ტურებს სთავაზობს. პანდემიამდე მთელი სეზონი დაჯავშნილი იყო, თუმცა კორონავირუსმა გეგმები შეცვალა და წლევანდელი წელი მთლიანად ჩავარდა, ამის შესახებ „კომერსანტი“...

მთავრობა „თელასის“ კაპიტალში კუთვნილი აქციების წილს ჰყიდის

მთავრობა „თელასის“ კაპიტალში კუთვნილი აქციების წილს ჰყიდის
access_time2020-08-10 17:00:11
„საპარტნიორო ფონდი“ სს „თელასის“ კაპიტალში კუთვნილი აქციების წილის - 24.5%- ის გასასხვისებლად საჯარო აუქციონს აცხადებს. ინფორმაციას საპარტნიორო ფონდი ავრცელებს. საჯარო აუქციონის საწყისი ფასი შეადგენს 10 511 211.08 აშშ დოლარის ექვივალენტს ლარში. ბიჯის ოდენობაა 50,000 ლარი. აუქციონის დროს დაფიქსირებული ფასი დაკონვერტირდება აშშ დოლარებში აუქციონის გამოცხადების დღისთვის ეროვნული ბანკის მიერ დადგენილი გაცვლითი კურსის შესაბამისად. საჯარო აუქციონი 2020 წლის...

გველის თუ არა უფრო ღრმა კრიზისი?!

გველის თუ არა უფრო ღრმა კრიზისი?!
access_time2020-08-10 16:00:18
ამომრჩევლის მოსყიდვა თუ კრიზისის დროს შეხიდება? ახალ სოციალურ პაკეტს, რომელიც მთავრობამ მოსახლეობის სხვადასხვა ჯგუფს შესთავაზა, უკვე მოჰყვა არაერთგვაროვანი შეფასებები. რადგან არჩევნებამდე 3 თვეა, ოპოზიციამ ჩათვალა, რომ ხელისუფლება იმ ამომრჩევლის გულის მოგებას ცდილობს, ვინც შესაძლოა „ქართული ოცნების“ 8-წლიანი მმართველობით კმაყოფილი არ არის. ხელისუფლებაში ამბობენ, რომ ამ პროგრამებს არჩევნებთან საერთო არაფერი აქვს და აანონსებენ, რომ შესაძლოა კიდევ ერთი სოციალური პაკეტი მომავალი წლის...


მსგავსი სიახლეები

up