რა უჯდება ქართულ ეკონომიკას არჩევნები?

რა უჯდება ქართულ ეკონომიკას არჩევნები?

person access_time2016-08-11 12:01:20

 

საქართველოში 2012 წლიდან დღემდე სამი არჩევნები ჩატარდა.  პარლამენტის ბოლო არჩევნებიდან დღემდე მხოლოდ ერთმა, 2015-მა წელმა ჩაიარა ისე, როდესაც არჩევნები არ გამართულა. 2012 წელს მოსახლეობამ პარლამენტი აირჩია, 2013 წელს პრეზიდენტი, 2014 წელს კი თვითმმართველობები. 4 წლის შემდეგ უკვე მეორედ საქართველოს მოქალაქეები პარლამენტს კიდევ ერთხელ აირჩევენ. საკუთარ აზრს ისინი მიმდინარე წლის 8 ოქტომბერს დააფიქსირებენ.


ექსპერტების აზრით, სწორედ იმ მიზეზით, რომ საქართველო მუდმივად საარჩევნო პერიოდშია, ხელისუფლებამ არაერთი რეგულაციის თუ კანონის მიღება გადადო, როგორიცაა ტექდათვალიერება, მარჯვენასაჭიანი ავტომობილების რეგისტრაციის აკრძალვა და ა.შ.


გარდა იმისა, რომ ამომრჩეველთა დაკარგვის შიშით არმიღებული გადაწყვეტილებები ქვეყანას აზარალებს, „კომერსნატი“ დაინტერესდა, რა უჯდება რეალურად ქვეყანას არჩევნები და რა თანხები იხარჯება მათი ორგანიზებისთვის?


2012 წლიდან დღემდე 4 არჩევნებისთვის ბიუჯეტიდან გამოყოფილი თანხები 127,5 მილიონ ლარს აღწევს. ამასთან, არჩევნების ორგანიზების ხარჯები წლიდან წლამდე იზრდება.


ფინანსთა სამინისტროს ვებგვერდზე გამოქვეყნებული სახელმწიფო ბიუჯეტის მიხედვით, 2012 წლის საპარლამენტო არჩევნების ორგანიზებისთვის 26 მილიონ 880 ათასი ლარი იყო გამოყოფილი, 2013 წლის საპრეზიდენტო არჩვენებისთვის ეს თანხა  27 მილიონს შეადგენდა, 2014 წლის თვითმმართველობის არჩვენები ქვეყანას 35 მილიონ 512 ათასი ლარი დაუჯდა. რაც შეეხება წლევანდელ არჩევნებს, ამისთვის 38 136 230  ლარია გამოყოფილი.



როგორც ცენტრალური საარჩევნო კომიისიის სპიკერი ანა მიქელაძე „კომერსანტთან“ განმარტავს, არჩევნების ორგანიზებისთვის გამოყოფილი თანხები სხვადასხვა მიმართულებით იხარჯება.


ანა მიქელაძე არჩევნების წლევანდელ ბიუჯეტზე საუბრობს და ამბობს, რომ 38 მილიონიდან მილიონ 500 ათას ლარს საოლქო საარჩევნო კომისიების წევრების შრომის ანაზღაურება შეადგენს, საუბარია 964 საოლოქო კომისიის წევრზე. 13 მილიონი ლარი იხარჯება საუბნო საარჩევნო კომისიის წევრების შრომის ანაზღაურებაზე, ამ თანხით  48 ათასი საარჩევნო მოხელის ანაზღაურებაა მოხდება. აქ მოიაზრება როგორც პროფესიული ნიშნით არჩეული წევრების ანაზღაურება, ასევე კვლაფიციური საარჩევნო სუბიექტების მიერ დანიშნული წევრების შრომის ანაზღაურება.


2 მილიონი ლარია გამოყოფილი 11 კვალიფიციური სუბიექტისთვის/პარტიისთვის რეკლამის განთავსებისთვის.


ასევე ფინანსდება საუბნო და საოლქო კომისიებში წარმომადგენლების შრომის ანაზღაურება, რაც 11 კვალიფიური სუბიექტისთვის ჯამში 4 მილიონ 190 ათას ლარს შეადგენს.


„დამატებით არის ბიუჯეტში გათვალისწინებული ყოველთვიური დაფინანსება პარტიებისთვის, რასაც ცენტრალური საარჩევნო კომისია გასცემს, ეს არის 11 კვალიფიციური სუბიექტისთვის 8 მილიონ 523 ათასი ლარი და გარდა ამისა, ჩვენი სწავლების ცენტრი გასცემს დაფინანსებას პარტიებისათვის, რაც საერთო ჯამში არის 2 მილიონ 130 ათასი ლარი“,- აცხადებს ანა მიქელაძე.


მისივე თქმით, დანარჩენი თანხები ხმარდება ცესკოს აპარატის შრომის ანაზღაურებას და არჩევნების ორგანიზების სხვა ხარჯებს.


„ამაში აპარატის ხელფასის გარდა  შედის რეკლამების განთავსების ხარჯები, ტრენინგების ჩატარება, არჩევნების დღისთვის სხვადასხვა ადმინისტრაციული ხარჯები - ინვენტარია შესაძენი, გასანახლებელია კაბინები, საარჩევნო ყუთები და ა.შ.“,- აცხადებს ცესკოს სპიკერი.

 

 

 

 

 



24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-24 21:30:36
დღის Top 10 საინტერესო ამბავი:   1. კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა „კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და...

ლარი იმ კრიტიკულ ნიშნულს უკვე გადასცდა, რის შემდეგაც, პროდუქციის გაძვირება იწყება

ლარი იმ კრიტიკულ ნიშნულს უკვე გადასცდა, რის შემდეგაც, პროდუქციის გაძვირება იწყება
access_time2020-09-24 17:15:01
ლარის გაუფასურების გამო, იმპორტირებული პროდუქციის ფასის ზრდა გარდაუვალია - ამის შესახებ „ბიზნესპრესნიუსს“იმპორტიორთა კავშირის ხელმძღვანელმა, ივა ჭყონიამ განუცხადა. მისივე თქმით, გაძვირების პროცესი უკვე ოქტომბრიდან დაიწყება.   Bloomberg-ის სავაჭრო პლატფორმაზე 16:03 საათისთვის ერთი დოლარი 3.3200 ლარად ივაჭრება, აღმავალი ტრენდი ბოლო ერთი კვირის განმავლობაში, შეუქცევადია და ლარი, ახალ-ახალ უარყოფით რეკორდულ ნიშნულებს აღწევს.   დისტრიბუტორთა ასოციაციის...

Forbes: რატომ ჩავარდა ბელორუსული სოციალისტური ექსპერიმენტი?

Forbes: რატომ ჩავარდა ბელორუსული სოციალისტური ექსპერიმენტი?
access_time2020-09-24 20:45:59
მასობრივმა საპროტესტო ტალღამ ბელორუსიაში ცხადყო, რომ ლუკაშენკომ თანამემამულეთა უმრავლესობის ნდობა საბოლოოდ დაკარგა, თუმცა, ამავე დროს პოსტ-საბჭოთა სივრცეზე ის თავის პოპულარობას მაინც ინარჩუნებს.  მისი მმართველობა შენარჩუნებულ საწარმოებთან, სოციალურ გარანტიებთან, აყვავებულ სოფლის მეურნეობასთან და გაწკრიალებულ ქალაქებთან ასოცირება.   თუმცა, დეტალური შესწავლის შემთხვევაში ნათელი ხდება, რომ ლუკაშენკოს მიერ აშენებული სისტემა შედარებით მაღალ სოციალურ ...

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება
access_time2020-09-24 14:00:38
აჭარის რეგიონში ხვალიდან, რესტორნები 22:00 საათამდე იმუშავებს, ამაზე დაწესდება შეზღუდვა და ასევე საზოგადოებრივი ტრანსპორტი მთლიანად გაჩერდება, გარკვეული დროით, - ამის შესახებ მთავრობის ადმინისტრაციის უფროსმა ნათია მეზვრიშვილმა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა. მისივე თქმით, აჭარის რეგიონში დღეს არსებული ეპიდვითარებიდან გამომდინარე საჭირო გახდა გარკვეული შეზღუდვების დაწესების აუცილებლობა. „ვსაუბრობდით...


მსგავსი სიახლეები

up