ამერიკულმა გამოცემამ Forbes-მა მსოფლიოს მასშტაბით, ქველმოქმედთა ახალი სია შეადგინა.
“იმის უკეთ გასაცნობად, თუ რა თანხას გასცემენ საქველმოქმედო ფონდები არაკომერციული ორგანიზაციებისთვის, მილიარდერების ფონდებში ჩადებული ფულის დათვლა გადავწყვიტეთ.“- წერს ჟურნალისტი.
გამოცემის მიხედვით ჯგუფის ყველაზე დიდი გამცემია ამერიკელი ინვესტორი, ბიზნესმენი, ქველმოქმედი, Berkshire Hathaway- ის თავმჯდომარე და აღმასრულებელი დირექტორი უარენ ედვარდ ბაფეტი (Warren Edward Buffett). იგი მსოფლიოში ერთ-ერთ ყველაზე წარმატებულ ინვესტორად ითვლება. ფლობს 78.9 მილიარდი აშშ დოლარის წმინდა ქონებას, რაც მას მსოფლიოში მეშვიდე ყველაზე მდიდარ ადამიანად აქცევს.
ბაფეტის გადაწყვეტილებით, მისი ქონებიდან 40 მილიარდი დოლარი გადაეცა არაკომერციულ ორგანიზაციებს, მათ შორის, მისი დიდი ხნის მეგობრების, ბილ და მელინდა გეითსის ორგანიზაციასაც.
ყველაზე გულუხვ გამცემად მსოფლიოს მასშტაბით ჰეჯ-ფონდის მენეჯერი ჯორჯ სოროსი მოიაზრება. უნგრეთში დაბადებულმა, ამერიკელმა მილიარდერმა, რომელის ქონება 8.6 მილიარდ დოლარს შეადგენს, მისი ქონების 64% ქველმოქმედებას მოახმარა.
მან არაკომერციულ ორგანიზაციებს მისი საერთაშორისო საზოგადოების ფონდების (Open Society Fundations) მეშვეობით 15 მილიარდ დოლარზე მეტი დაურიგა. სოროსი ასევე ხელს უწყობს სამართლიანობის, განათლების, საზოგადოებრივი ჯანდაცვისა და დამოუკიდებელი მედიის განვითარებას.
საერთო ჯამში, ფორბსის მდიდართა სიის 400 წევრის ფულადი სახსრებიდან მინიმუმ 171 მილიარდი დოლარი საქველმოქმედო და არაკომერციული ინსტიტუტების ხელში აღმოჩნდა.
“მიუხედავად იმისა, რომ “Forbes 400“ - დან 74 მილიარდერმა მოაწერა ხელი Giving Pledge– ს პირობას, რაც მათი სიმდიდრიდან ნახევარი მოგების ქველმოქმედებაში ჩადებას გულისხმობს, მხოლოდ ათმა ადამიანმა მიიღო ფილანტროპიის ყველაზე მაღალი ქულა- 5. ბაფეტისა და სოროსის გარდა, ამ ექსკლუზიურ კლუბში შედის Intel- ის დამფუძნებელი გორდონ მური, ოკლაჰომას ქველმოქმედი ლინ შუსტერმანი და CNN- ის დამფუძნებელი ტედ ტერნერი.“- წერს გამოცემა.
ბილ გეითსმა, რომელიც თავის მეუღლესთან, მელინდასთან ერთად მსოფლიოს უდიდეს კერძო ფონდს ხელმძღვანელობს, ქველმოქმედების მაჩვენებლის 4 “ქულა“ მიიღო. 2019 წლის ჩათვლით გეითსის ფონდმა გრანტების სახით 55,2 მილიარდი დოლარი გასცა.
გეითსის მსგავსად, 4 “ქულა“ მიიღო მომავალმა ნავთობმაგნატმა ტრევორ რიზ-ჯონსმა და მილიარდერმა დევიდ რუბენშტეინმა.
მსოფლიოს უმდიდრესმა ადამიანმა ჯეფ ბეზოსმა მხოლოდ 1 “ქულა“ დაიმსახურა. მან ქველმოქმედებას მისი ქონების 1% -ზე ნაკლები შეწირა.
“სიის თითოეულ წევრს შეფასებისთვის დაუკავშირდით, ნაწილმა შემოწირულობებისა და მიმღებების შესახებ კონკრეტული დეტალების გასაჯაროება შემოგვთავაზა, სხვებმა კომენტარის გაკეთება არ ისურვეს.“- წერია სტატიაში.
სიმდიდრის 1% -ზე ნაკლები გასცეს “ვოლმარტის“ მემკვიდრეებმა ჯიმ უოლტონმა და რობ უოლტონმა.
სიმდიდრის 1% -დან 4,99% -მდე გასცა მედია მაგნატმა ოპრა უინფრიმ და Twitter და Square- ის დამფუძნებელმა ჯეკ დორსმა.
სიმდიდრის 5% -დან 9,99% -მდე გასცა ჰეჯ-ფონდის ტიტანმა- რეი დალიომ და “New England Patriot“– ის მფლობელმა რობერტ კრაფტმა.
ქონების 10% -დან 19.99% -მდე გასცა „მაიკროსოფტის“ დამფუძნებელმა ბილ გეითსმა, ასევე ნიუ იორკის ყოფილმა მერმა მაიკლ ბლუმბერგმა.
სიმდიდრის 20% ან მეტი გაიღო “Berkshire Hathaway“– ის თავმჯდომარემ უორენ ბაფეტმა, სოროსის ფონდის მენეჯმენტის დამფუძნებელმა ჯორჯ სოროსმა და ჯონ არნოლდმა, ელი ბროდმა, ამოს ჰოსტეტერ უმცროსმა, ჯორჯ კაიზერმა, გორდონ მურმა, ლინ შუსტერმანმა, ჯულიან რობერტსონ უმცროსმა და ტედ ტერნერმა.
BPN.GE
ქველმოქმედება
