რა თანხა დაიხარჯა ონში უხარისხოდ დაგებულ გზებზე? – აუდიტის დასკვნა

რა თანხა დაიხარჯა ონში უხარისხოდ დაგებულ გზებზე? – აუდიტის დასკვნა

access_time2019-02-17 10:25:12

სახელმწიფო აუდიტის სამსახურმა ონის მუნიციპალიტეტის 2016-2017 წლების ბიუჯეტით გათვალისწინებული პროგრამების შესაბამისობის აუდიტი ჩაატარა. 

აუდიტი აღნიშნულ პერიოდში გზის რამდენიმე მონაკვეთზე განხორციელებულ სამუშაოებსაც მოიცავს. 

როგორც უწყების მიერ მოძიებულ ინფორმაციაში ვკითხულობთ, ორი ხელშეკრულების ფარგლებში მოწყობილი გზის საფარი დეფორმირებულია და დაბზარულია, ხოლო მესამე ხელშეკრულების ფარგლებში შესყიდული გზის ერთი მონაკვეთი ჩავარდნილია. 

"სამუშაოების შესყიდვის პროცესში მერიას არ ჰქონდა დანერგილი ეფექტური კონტროლის პროცედურები, რომელიც უზრუნველყოფდა ხარისხიანი სამუშაოების ჩაბარებას. ასევე არ არის სათანადოდ განხორციელებული შემდგომი რეაგირება ხარვეზების გამოსასწორებლად. შესაბამისად სამუშაოების მონიტორინგის, მიღება- ჩაბარებისა და მოვლა-პატრონობის ეტაპზე არსებულმა მართვის სისუსტეებმა გამოიწვია დაზიანებული გზის საფარის არსებობა და საბიუჯეტო სახსრების არაეფექტური ხარჯი", – წერს აუდიტის სამსახური საკუთარ დასკვნაში. 

რაც შეეხება უხარისხოდ დაგებული გზის მონაკვეთებს, ერთ–ერთი მათგანი, სოფლებში − ბარი-მრავალძლის მისასვლელი გზის მოწყობის სამუშაოებია. 

"2016 წლის 30 მაისს, ონის მუნიციპალიტეტმა ელექტრონული ტენდერის საშუალებით გააფორმა ხელშეკრულება შპს "ინვესტროი რეგიონის წარმომადგენლობა საქართველოსთან". 

მუნიციპალიტეტმა განხორციელებული პროექტი ჩაიბარა 2017 წლის 22 აგვისტოს. მიღება-ჩაბარების აქტის მიხედვით, შესრულებული სამუშაოს ღირებულებამ შეადგინა 531.4 ათასი ლარი. აუდიტის ჯგუფმა, 2018 წლის 12 ივნისს, ადგილზე დაათვალიერა აღნიშნული პროექტი. გამოვლინდა, რომ დაზიანებულია მოასფალტებული გზის საფარი", – ნათქვამია დასკვნაში. 

მორიგი შენიშვნა კვაშხიეთი-შქმერის გზის მონაკვეთისა და ქალაქ ონის შიდა ქუჩების მოასფალტებას ეხება. აუდიტის სამსახურის ინფორმაციით, ამ ყველაფერზე 1,026.0 ათასი ლარი დაიხარჯა და სამუშაოების ჩაბარებიდან ორ თვეში, მუნიციპალიტეტმა პროექტის განმახორციელებელ კომპანიას აცნობა, რომ მათ მიერ შესრულებულ სამუშაოებზე, გზის 9 მონაკვეთზე ასფალტბეტონის საფარი დაზიანებულია. 

მესამე მაგალითად კი აუდიტის სამსახურს სოფლების − ზუდალის, კვაშხიეთის, ბოყვის და შქმერის გზის მოწყობა მოჰყავს, რაზეც 310.5 ათასი ლარი დაიხარჯა, თუმცა დაახლოებით ორ თვეში, აღნიშნულ სამუშაოებში ადგილობრივმა მუნიციპალიტეტმა ხარვეზები აღმოაჩინა. 

ზემოთ აღნიშნული ფაქტების შესწავლის შედეგად, აუდიტის სამსახურმა დაასკვნა, რომ "მუნიციპალიტეტის შესაბამისმა პასუხისმგებელმა პირებმა სამუშაოების შესყიდვის პროცესი ვერ განახორციელეს ყველა საჭირო კონტროლის მექანიზმის გათვალისწინებით, რომლითაც უზრუნველყოფილი იქნებოდა ინფრასტრუქტურული პროექტის შესაბამისობა სამშენებლო ნორმებთან და სტანდარტებთან". 

"კონტროლის პროცესთან დაკავშირებულმა მართვის სისუსტეებმა გამოიწვია უხარისხოდ შესრულებული პროექტის ჩაბარება. ასევე არ არის სათანადოდ განხორციელებული შემდგომი რეაგირება ხარვეზების გამოსასწორებლად", – ნათქვამია აუდიტის დასკვნაში. 

შესაბამისად, სახელმწიფო აუდიტის სამსახური ონის მუნიციპალიტეტს რეკომენდაციას აძლევს, ინფრასტრუქტურული პროექტების განხორციელებისას სათანადო კონტროლის მექანიზმები დანერგოს და შესაბამისი პროცედურები დააწესოს, რომლებიც შესრულებული სამუშაოების სამშენებლო ნორმებთან და სტანდარტებთან შესაბამისობას უზრუნველყოფს. 

"ონის მუნიციპალიტეტის მერიამ შეისწავლოს გამოვლენილი დარღვევები და დაადგინოს ხარვეზების გამომწვევი მიზეზები. ასევე გამოავლინოს პასუხისმგებელი პირები, რომელთაც უნდა უზრუნველეყოთ სამუშაოების ხარისხის დაცვა და მათ მიმართ გაატაროს სათანადო სამართლებრივი ღონისძიებები", – წერს აუდიტის სამსახური საკუთარ რეკომენდაციებში. 


BM

თეგები:
გზები



ტანსაცმლის მაღაზიებში გასახდელი ოთახები უქმდება

ტანსაცმლის მაღაზიებში გასახდელი ოთახები უქმდება
access_time2020-05-26 16:00:59
„რითეილ გრუპ ჯორჯიაში“ შემავალ ტანსაცმლის მაღაზიებში გასახდელი ოთახები უქმდება. ამის შესახებ კომპანიის დირექტორმა რეზო მაღალაშვილმა „ბიზნესპრესნიუსთან“ საუბრისას განაცხადა. მისი თქმით, იქიდან გამომდინარე, რომ ტანსაცმელი ინფექციის გადატანის მაღალ რისკად მიიჩნევა, პრევენციისთვის, კომპანიამ გარკვეული ზომების დამატება გადაწყვიტა. როგორც რეზო მაღალაშვილი ამბობს, ამის პარალელურად გაიზრდება პროდუქციის მიბრუნება-გადაცვლის პროცედურები. უკან მიბრუნებული ტანსაცმელი კი, დარბაზის...

სასტუმრო „რადისონ ბლუ ივერია“ სტუმრებს 8 ივნისიდან მიიღებს

სასტუმრო „რადისონ ბლუ ივერია“  სტუმრებს  8 ივნისიდან მიიღებს
access_time2020-05-26 17:15:05
სასტუმრო “რადისონ ბლუ ივერია” 8 ივნისიდან სტუმრებთან შესახვედრად ემზადება.სასტუმროს გუნდი მოხარულია კვლავ უმასპინძლოს სტუმრებს და აცხადებს, რომ პირველ ეტაპზე – 8 ივნისიდან გაიხსნება სასტუმროს გარე სივრცეები: “ივერია ტერასა” და “ივერია კაფე”. მეორე ეტაპზე -15 ივნისიდან სასტუმრო სრული დატვირთვით ამუშავდება, გაიხსნება ღია და დახურული აუზები.მესამე ეტაპზე – 22 ივნისს გაიხსნება იტალიური და აზიური რესტორნები – “ფილინი” და “უმამი” რადისონის ჯგუფისთვის...

„საქართველოს ხელისუფლებამ „გაზპრომთან“ მჭიდრო და კორუფციული ურთიერთობები დაამყარა“ -"ნაცმოძრაობას” გიორგი გახარიასთან კითხვები აქვს

„საქართველოს ხელისუფლებამ  „გაზპრომთან“  მჭიდრო და კორუფციული ურთიერთობები დაამყარა“ -
access_time2020-05-26 15:00:12
ფრაქცია "ნაციონალური მოძრაობის" თავმჯდომარის რომან გოცირიძის განცხადებით,როდესაც პრემიერ-მინისტრი გიორგი გახარია პარლამენტში კითხვებზე საპასუხოდ მივა, "ნაციონალური მოძრაობა” აპირებს „გაზპრომთან“ დაკავშირებით დაუსვას კითხვა. "რა თქმა უნდა, ჩვენ დავუდებთ პრემიერს გათვლებს, ამ სამი წლის განმავლობაში, როდესაც კონტრაქტი შეცვალა საქართველოს მთავრობამ რუსეთთან, რა რაოდენობის ზარალი განიცადა ქვეყანამ, რატომ აზარალეს ქართული სახელმწიფო, რატომ არაფერს ვიღებთ ჩვენ გაზის...

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას
access_time2020-05-26 12:00:56
ამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის. აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება. „ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ...

სასტუმრო „ბორჯომი-ლიკანი“ ღია აუქციონზე გაიყიდება

სასტუმრო „ბორჯომი-ლიკანი“ ღია აუქციონზე გაიყიდება
access_time2020-05-26 14:30:16
„საპარტნიორო ფონდი“ სასტუმრო „ბორჯომი – ლიკანში“ ინვესტორის შემოყვანას პოსტკრიზისულ პერიოდში გეგმავს.ფონდის აღმასრულებელი დირექტორი ამბობს, რომ აქტივი ღია აუქციონზე გაიყიდება, თუმცა ამისთვის შესაფერისი გარემო უნდა იყოს. ლიკანში მდებარე სასტუმროს გაყიდვა ფონდმა გასულ წელს დეკემბერში სცადა, თუმცა 37,5 მლნ ლარად გამოტანილ სასტუმროს მყიდველი არ გამოუჩნდა. თუმცა, როგორც ჩანს პროცესი ამით არ დასრულებულა. დღეს დავით საგანელიძემ თქვა, რომ „საპარტნიორო ფონდს“ და ერთ-ერთ მსხვილ...


მსგავსი სიახლეები

up