აუდიტორული და ბიზნეს საკონსულტაციო კომპანია „გრანთ თორნთონის“ პარტნიორის, პაატა შურღაიას პერსონალური ბლოგი:

*ორშაბათს ჩავატარე პირველი ვიდეო ლექცია დისტანციურად. მიუხედავად იმისა, რომ გვქონდა მოსამზადებელი ეტაპი (მხოლოდ სამი დღე), ფორმატი იდეალურისგან შორს იყო/არის, თუმცა თამამად შეგვიძლია ვთქვათ რომ განათლების ჰიბრიდულ მოდელს არ გააჩნია ალტერნატივა.

ზოგადად რა „სიკეთე“ შეიძლება მოგვიტანოს Covid-19 მა?

*ტექნოლოგიებს ალტერნატივა არ აქვს და ორგანიზაციებს აქვთ ძალიან კარგი შესაძლებლობა დისტანციური მუშაობის კულტურის დასანერგად.

**ნათლად გამოჩნდა მომავლის სერვისები და პროფესიები, აუცილებლად უნდა გადავეწყოთ და არ დავუბრუნდეთ წარსულ მდგომარეობას/პირობებს.

***ვირუსმა დაგვანახა დისტანციურად მუშაობის ბენეფითები, რომელიც არ არის შემოსაზღვრული მხოლოდ ერთი გეოგრაფიული მდებარეობით/ტერიტორიით და სწორი მიგნებებით შეგვიძლია სერვისების მიწოდების და დასაქმების შესაძლებლობის ზრდა სხვა გეოგრაფიულ არეალში. ეს კიდევ უფრო მეტად ზრდის საქართველოს შანს, გახდეს რეგიონში ჰაბი სერვისების და კვალიფიციური მუშახელის მიწოდებით.

ზოგადად რა „ბოროტება“ შეიძლება მოგვიტანოს Covid--19 მა?

*გვექნება იმაზე ცუდი ეკონომიკური მდგომარეობა ვიდრე ეს იყო 2008 და 2011/2012 წლებში.

**გაურკვევლობა უფრო მეტად ჭარბობს ვიდრე გარკვეული მოლოდინები, ეს კიდევ უფრო დიდი საფრთხეა.

***ყველამ უნდა გავაცნობიეროთ მოსალოდნელი შედეგები და მაქსიმალურად განვჭვრიტოთ „გაურკვევლობები“ ინდივიდუალურ დონეზე.

Note:

*ფინანსური ინსტიტუტების მიერ გამოცხადებული შეღავათები არის ზღვაში წვეთი, ამით არ იცვლება ჩვენს მიერ გასაწევი ხარჯები და არავინ საუბრობს (ბანკების მიერ) მისაღები შემოსავლების შემცირებაზე (არ ავსხნი წმინდა მოგების ფორმირების წყაროებს).

**შემოსავლების სამსახურის მიერ გამოცხადებული გადასახადების გადავადება არის ზღვაში წვეთი, არ იცვლება ჩვენს მიერ გასაწევი ხარჯები და არავინ საუბრობს ე.წ. tax holiday ზე. ყველაზე დიდი ტვირთი, რაც დღეს ბიზნესს აწუხებს არის აქციზი და დამატებული ღირებულების გადასახადები. აქ საერთოდ არაფერი იცვლება.

***გასათვალისწინებელია, რომ 3 თვის თავზე ბევრად უფრო ცუდ მდგომარეობაში აღმოვჩნდებით, ვიდრე ახლა ვიმყოფებით, ამიტომ მთავრობის მიერ შემოთავაზებული ზედა ორი გადაწყვეტილება იყო ტაქტიკური ნაბიჭი და არაფერი აქვს საერთო საკითხის სტრატეგიულ ანალიზთან და შესაბამის მიგნებებთან.

****გვყავს მხოლოდ ერთი პატრონი, - საკუთარი თავი და მერწმუნეთ, მხოლოდ სიმშვიდე გადაწყვეტს ყველაფერს! ნებისმიერი ქაოტური (გაუცნობიერებელი) გადაწყვეტილება, ეს იქნება ინდივიდუალური, ორგანიზაციული თუ სახალხო (მთავრობა) გამოიწყვევს იმაზე მეტი ზიანის დადგომას ვიდრე გვაქვს Covid-19_თან.

ადიოს ამიგოს!

პაატა შურღაია