დღეს, 9 ნოემბერს, 14:00 საათზე, საქართველოს მთავრობის ადმინისტრაციაში მთავრობის სხდომა გაიმართება. დღისწესრიგის მიხედვით მთავრობა სულ 10 საკითხზე იმსჯელებს, საიდანაც ერთი „საიდუმლოა“. მინისტრებიდან სხდომაზე ყველაზე მეტი საკითხების ინიცირება დღეს ეკონომიკისა და ჯანდაცვის მინისტრების მხრიდან მოხდება.
- საქართველოს კანონის პროექტი „წამლისა და ფარმაცევტული საქმიანობის შესახებ“ საქართველოს კანონში ცვლილების შეტანის თაობაზე‘‘ და მისგან გამომდინარე კანონპროექტები
- საქართველოს კანონის პროექტი ,,გარემოსდაცვითი შეფასების კოდექსში ცვლილების შეტანის შესახებ“
- საქართველოს კანონის პროექტი „საჯარო სამართლის იურიდიული პირის შესახებ“ საქართველოს კანონში ცვლილების შეტანის თაობაზე“ და მისგან გამომდინარე კანონპროექტები
- საქართველოს მთავრობის განკარგულების პროექტი ,,სახელმწიფო საკუთრებაში არსებული უძრავი ქონების შპს „აისისთვის“ აღნაგობის უფლებით გადაცემის თაობაზე თანხმობის მიცემის და პირდაპირი მიყიდვის ფორმით პრივატიზების შესახებ“
- საქართველოს მთავრობის განკარგულების პროექტი ,,სახელმწიფო საკუთრებაში არსებული უძრავი ქონების შპს „გლობალ პარკინგისათვის“ აღნაგობის უფლებით გადაცემის თაობაზე თანხმობის მიცემის შესახებ“
- საქართველოს მთავრობის განკარგულების პროექტი ,,შპს „სტორის“ საქმიანობის ხელშესაწყობად რიგ ღონისძიებათა განხორციელების თაობაზე
- საქართველოს მთავრობის დადგენილების პროექტი ,,საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის N36 დადგენილებაში ცვლილების შეტანის თაობაზე“
- საქართველოს მთავრობის დადგენილების პროექტი ,,ქალთა მიმართ ძალადობის ან/და ოჯახში ძალადობის მსხვერპლისათვის გასაცემი კომპენსაციის ოდენობის განსაზღვრისა და გაცემის წესის დამტკიცების თაობაზე”
- საქართველოს მთავრობის დადგენილების პროექტი „ტყის სტატუსის მინიჭების, შეწყვეტისა და ტყის საზღვრების დადგენისა და კორექტირების/შეცვლის შესახებ დებულების დამტკიცების თაობაზე“ საქართველოს მთავრობის 2021 წლის 6 ოქტომბრის №496 დადგენილებაში ცვლილების შეტანის შესახებ”
- საიდუმლო